រាជធានីភ្នំពេញ ៖ អាចចាត់ទុកថាជារឿងមួយដែលកម្រនឹងកើតមានបន្ទាប់ពីបុរសម្នាក់បានដើរចូលទៅក្នុងប៉ុស្តិ៍ហើយប្រាប់សមត្ថកិច្ចឱ្យជូនដាក់មណ្ឌលកែប្រែ
រាជធានីភ្នំពេញ ៖ អាចចាត់ទុកថាជារឿងមួយដែលកម្រនឹងកើតមានបន្ទាប់ពីបុរសម្នាក់បានដើរចូលទៅក្នុងប៉ុស្តិ៍ហើយប្រាប់សមត្ថកិច្ចឱ្យជូនដាក់មណ្ឌលកែប្រែព្រោះខ្លួនមានសារធាតុញៀនក្នុងខ្លួន ។ ហេតុការណ៍នេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី៣ ខែមេសា ឆ្នាំ២០១៧ ។ បុរសខាងលើមានឈ្មោះ អ៊ាត អ៊ន អាយុ២៦ឆ្នាំ មានស្រុកកំណើតនៅភូមិរំចេក ឃុំរំចេក ស្រុកពាមជរ័ខេត្តព្រៃវែង ។
ចំពោះមុខសមត្ថកិច្ចរូបគេបានឆ្លើយថា ខ្លួនបានសុំលុយប្រពន្ធចំនួន៥០ម៉ឺនរៀលចាកចេញពីស្រុកមករកការងារធ្វើនៅភ្នំពេញប៉ុន្តែពេលមកសម្រាកនៅផ្ទះជួលជាមួយមិត្តភក្តិនៅម្តុំវត្តស្ទឹងមានជ័យ តែត្រូវមិត្តភក្តិបបួលជក់ថ្នាំញៀនរហូតត្រូវអស់ប្រាក់តែម្តង ។ ខ្លួនពិតជាមានភាពសោកស្តាយ និងខ្មាស់ខ្លួនឯងណាស់ទើបសម្រេចដើរចូលទៅរកសមត្ថកិច្ចដល់ក្នុងប៉ុស្តិ៍ដើម្បីឱ្យជួយអន្តរាគមន៍យកខ្លួននៅកាន់មណ្ឌលអប់រំកែប្រែដើម្បីផ្តាច់សារធាតុញៀន ។
ក្រោយការនិយាយរៀបរាប់រួចមកលោក ឯម ភារី នាយកប៉ុស្តិ៍នគរបាលស្តីទីស្ទឹងមានជ័យ បានធ្វើការអប់រំពន្យល់ណែនាំដល់បុរសខាងលើ និងជួយទំនាក់ទំនងទៅកាន់ស្ត្រីជាប្រពន្ធនៅឯស្រុកឱ្យមកទទួលយកទៅវិញនៅវេលាព្រឹកថ្ងៃដដែលផងដែរ ៕
ចែករំលែកព័តមាននេះ