ប្រទេសឥណ្ឌូណេស៊ី ៖ ធនាគារឥណ្ឌូណេស៊ី (BI) បានព្យាករថា ឥណ្ឌូណេស៊ីនឹងសម្រេចផែនការផ្គត់ផ្គង់អង្ករគ្រប់គ្រាន់ដោយខ្លួនឯងក្នុងឆ្នាំ២០២០ ប្រសិនបើរដ្ឋាភិបាលសម្រេចបាននូវកិច្ចខិតខំប្រឹងប្រែងបង្កើនបរិមាណស្រូវ និងការអភិវឌ្ឍហេដ្ឋារចនាសម្ព័ន្ធធារាសាស្ត្រ ។
« គម្រោងហេដ្ឋារចនាសម្ព័ន្ធកសិកម្មកំពុងតែបន្ត ។ វានឹងចំណាយពេលពី៣ទៅ៥ឆ្នាំដើម្បីទទួលបានលទ្ធផល ។ ឥណ្ឌូណេស៊ីនឹងក្លាយជាប្រទេសមួយអាចផ្គត់ផ្គង់អង្ករដោយខ្លួនឯងគ្រប់គ្រាន់នៅឆ្នាំ២០២០ » ។ នេះបើតាមលោក Dody Budi Waluyo ជំនួយការអភិបាលគោលនយោបាយរូបិយវត្ថុ និងសេដ្ឋកិច្ចនៃក្រុមហ៊ុន BI បានប្រាប់សន្និសីទកាសែតនៅថ្ងៃព្រហស្បតិ៍ ។
ធនាគារកណ្តាលព្យាករថា ផលិតកម្មស្រូវនឹងឈានដល់ជាង៥០លានតោនក្នុងឆ្នាំ២០២០ ខណៈការប្រើប្រាស់នឹងកើនឡើងដល់តិចជាង៤៣លានតោន ។
ជនជាតិឥណ្ឌូណេស៊ីម្នាក់អាចប្រើប្រាស់អង្ករអស់ចំនួន១៤៤គីឡូក្រាមក្នុង១ឆ្នាំ ខណៈចំនួនប្រជាជនត្រូវបានគេរំពឹងថា នឹងឈានដល់៣០០លាននាក់នៅឆ្នាំ២០២០ ។ អង្ករត្រូវបានប្រើប្រាស់សម្រាប់ធ្វើចំណីសត្វ និងក្នុងផ្នែកឧស្សាហកម្មនានា ។
នៅឆ្នាំ២០១៥ ផលិតកម្មស្រូវបានកើនឡើង៤៣,៩លានតោនពីចំនួន៧៥,៤លានតោន ។ រដ្ឋាភិបាលមានបំណងផលិតស្រូវឲ្យបានដល់៨០លានតោននៅឆ្នាំនេះ ។
ក្រសួងកសិកម្មមានគោលបំណងផលិតស្រូវថ្មីចំនួន៨ម៉ឺនហិកតាបន្ថែមទៀត និងកន្លែងរក្សាទឹក៥០០ បន្ទាប់ពីបានផលិតស្រូវ១២៨.៤៤១ហិកតា និងកន្លែងរក្សាទឹក១.៧១៤កាលពីឆ្នាំមុន ។
លោក Dody សង្កត់ធ្ងន់ថា ការបំលែងដីសម្រាប់ប្រើប្រាស់ក្នុងវិស័យផ្សេង គួរតែបញ្ឈប់ដើម្បីសម្រេចគម្រោងនេះ ។ ជារៀងរាល់ឆ្នាំ ដីកសិកម្មចំនួនជិត១១ម៉ឺនហិកតាត្រូវបានបម្លែងសម្រាប់ប្រើប្រាស់ក្នុងវិស័យផ្សេងទៀត ជាពិសេស តំបន់លំនៅឋាន ៕
ចែករំលែកព័តមាននេះ