គណៈរដ្ឋមន្ត្រីរួមមកពីប្រទេសជាសមាជិកនិងមិនមែនសមាជិក OPEC នឹងត្រួតពិនិត្យថា តើការសហការដើម្បីដាក់កម្រិតលើការផ្គត់ផ្គង់ ប្រេង គួរតែបន្ត៦ខែទៅមុខទៀតឬយ៉ាងណា ។
គណៈរដ្ឋមន្ត្រីរួមមកពីប្រទេសជាសមាជិកនិងមិនមែនសមាជិក OPEC នឹងត្រួតពិនិត្យថា តើការសហការដើម្បីដាក់កម្រិតលើការផ្គត់ផ្គង់ ប្រេង គួរតែបន្ត៦ខែទៅមុខទៀតឬយ៉ាងណា ។
សេចក្តីរាយការណ៍អំពីកិច្ចព្រមព្រៀងមួយឲ្យដឹងថា គណៈរដ្ឋមន្ត្រីទាំងនោះបានយល់ស្រប និងស្នើឲ្យបន្ត៦ខែទៀត ។
ប៉ុន្តែសេចក្តីរាយការណ៍ចុងក្រោយនិយាយថា គណៈរដ្ឋមន្ត្រីគ្រាន់តែស្នើដល់ក្រុមបច្ចេកទេស និងលេខាធិការរបស់OPEC ឲ្យត្រួតពិនិត្យឡើងវិញនូវស្ថានភាពទីផ្សារប្រេងនិងត្រឡប់ទៅដូចដើមវិញនៅខែមេសា ឆ្នាំ២០១៧ ។
អ្នកវិភាគក្នុងវិស័យប្រេងនិយាយថា កង្វះខាតនៃការបន្តភ្លាមៗអាចនឹងប៉ះពាល់ដល់តម្លៃប្រេង ។
លោក Harry Tchilinguirian ប្រធានផ្នែកយុទ្ធសាស្ត្រផលិតផលក្នុង BNP Paribas និយាយថា ៖ « ការបោះបង់ចោលនូវសំណើបន្តការកាត់បន្ថយនេះ អាចនឹងមានការលក់ក្នុងចំនួនច្រើន និងធ្វើឲ្យតម្លៃប្រេងកាន់តែធ្លាក់ចុះទៀត » ។
វាមិនទាន់ច្បាស់នៅឡើយទេថា ហេតុអ្វីបានជាមានការផ្លាស់ប្តូរពាក្យសម្តី ប៉ុន្តែប្រភពមួយឲ្យដឹងថា គណៈរដ្ឋមន្ត្រីគ្មានអំណាចស្នើបន្តឡើយ ។
លោក Essam al-Marzouq រដ្ឋមន្ត្រីប្រេងរបស់កូវ៉ែត ថ្លែងថា ៖ « គ្រប់ប្រទេសមានសិទ្ធិសេរីភាពនិយាយថា តើពួកគេគាំទ្រ ឬមិនគាំទ្រការបន្ត ។ ពួកយើងមិនអាចបន្តកិច្ចព្រមព្រៀងនេះបានទេ ប្រសិនបើគ្មានការយល់ស្របពីអ្នកទាំងអស់គ្នា » ។ លោកសង្ឃឹមថា ការសម្រេចចិត្តនឹងកើតមាននៅចុងខែមេសា ។
គណៈរដ្ឋមន្ត្រីខាងលើនិយាយថា ពួកគេបានកត់សម្គាល់ពីកត្តាមួយចំនួនដូចជា ភាពអន់ថយនៃតម្រូវការតាមរដូវកាល ការជួសជុលកន្លែងកែច្នៃប្រេង និងការផ្គត់ផ្គង់របស់ប្រទេសមិនមែនសមាជិក OPEC កើនឡើងជាដើម ។
ពួកគេបានស្នើដល់លេខាធិការ OPEC ឲ្យត្រួតពិនិត្យសាជាថ្មីលើស្ថានភាពទីផ្សារប្រេង និងផ្តល់យោបល់ក្នុងខែមេសា ទាក់ទិននឹងការបន្តកិច្ចព្រមព្រៀងនេះ ។
សេចក្តីថ្លែងការណ៍បន្តថា ៖ « នេះបញ្ជាក់ជាថ្មីនូវការប្តេជ្ញាចិត្តរបស់ OPEC និងប្រទេសមិនមែនជាសមាជិក OPEC ដែលចូលរួមឲ្យបន្តសហការគ្នាទៀត » ។
លោក Alexander Novak រដ្ឋមន្ត្រីថាមពលរុស្ស៊ី ថ្លែងថា ៖ « វាលឿននៅឡើយក្នុងការនិយាយថា នឹងបន្តឬអត់ ប៉ុន្តែកិច្ចព្រមព្រៀងនេះកំពុងតែដំណើរការបានល្អ ហើយគ្រប់ប្រទេសពិតជាប្តេជ្ញាថា នឹងសហការ១០០%ផងដែរ » ។
លោកស្រី Ellen Wald អ្នកប្រឹក្សាយោបល់វិស័យថាមពលពិភពលោក និយាយថា ៖ « ខ្ញុំគិតថា ទីផ្សារនឹងត្រូវបានប៉ះពាល់ដោយសារតែគ្មានទិសដៅច្បាស់លាស់ក្នុងការបន្តកិច្ចព្រមព្រៀងនេះ » ៕
ចែករំលែកព័តមាននេះ