វិស័យទេសចរណ៍រួមចំណែក12ភាគរយនៃផលទុនជាតិសរុប
រាជធានីភ្នំពេញ ៖ រដ្ឋមន្ត្រីក្រសួងទេសចរណ៍បានថ្លែងថា កម្ពុជាព្យាករថា នឹងទទួលបានភ្ញៀវទេសចរ៥,៤លាននាក់នៅឆ្នាំនេះ និងរួមចំណែក១២% នៃផលទុនជាតិសរុបកាលពីឆ្នាំមុន ។
រាជធានីភ្នំពេញ ៖ រដ្ឋមន្ត្រីក្រសួងទេសចរណ៍បានថ្លែងថា កម្ពុជាព្យាករថា នឹងទទួលបានភ្ញៀវទេសចរ៥,៤លាននាក់នៅឆ្នាំនេះ និងរួមចំណែក១២% នៃផលទុនជាតិសរុបកាលពីឆ្នាំមុន ។
រាជធានីភ្នំពេញ ៖ រដ្ឋមន្ត្រីក្រសួងទេសចរណ៍បានថ្លែងថា កម្ពុជាព្យាករថា នឹងទទួលបានភ្ញៀវទេសចរ៥,៤លាននាក់នៅឆ្នាំនេះ និងរួមចំណែក១២% នៃផលទុនជាតិសរុបកាលពីឆ្នាំមុន ។
លោក ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍នៅក្នុងពិធីប្រារព្ធខួប២១ឆ្នាំ នៃសមាគមទីភ្នាក់ងារទេសចរណ៍កម្ពុជា (CATA) កាលពីចុងសប្តាហ៍មុនថា ក្នុងឆ្នាំ២០១៦កន្លងទៅនេះ ចំនួនទេសចរអន្តរជាតិដែលមកទស្សនាកម្ពុជា មានជាង៥,០១លាននាក់ កើនឡើងប្រមាណ៥% ធៀបនឹងឆ្នាំ២០១៥ និងរកចំណូលចូលជាតិបានប្រមាណជិត៣.១១២លានដុល្លារសហរដ្ឋអាមេរិក និងចូលរួមចំណែក១១,៩% នៃផលិតផលក្នុងស្រុកសរុប ។
ក្រៅពីនេះ ភ្ញៀវទេសចរជាតិដែលដើរកម្សាន្ដក្នុងប្រទេស មានប្រមាណជិត១០,៦៤លាននាក់ កើនឡើង១០%ផងដែរ ។
លោក ថោង ខុន បន្តថា ដោយឡែកសម្រាប់ឆ្នាំ២០១៧នេះ កម្ពុជារំពឹងថា នឹងទទួលបានភ្ញៀវទេសចរអន្តរជាតិចំនួន៥,៤លាននាក់ និងឆ្នាំ២០២០ រំពឹងថា នឹងកើនឡើងរហូតដល់៧លាននាក់ ស្របពេលវិស័យនេះបាននិងកំពុងក្លាយជាវិស័យចម្បងមួយក្នុងចំណោមវិស័យធំៗចំនួន៤ ដែលអាចរកចំណូលចូលជាតិខ្ពស់ និងចូលរួមកាត់បន្ថយភាពក្រីក្រ ។
លោកមានប្រសាសន៍ថា ៖ « ការរីកចម្រើនវិស័យទេសចរណ៍ត្រូវបានគេរកឃើញថា បានចូលរួមអភិវឌ្ឍន៍កំណើនសេដ្ឋកិច្ចជាតិ និងលើកកម្ពស់កម្រិតជីវភាពរស់នៅរបស់ពលរដ្ឋឲ្យកាន់តែប្រសើរឡើង » ។ លោកបន្តថា ៖ «បច្ចុប្បន្ន ការប្រកបអាជីវកម្មលើការងារទេសចរណ៍បានកើនឡើងយ៉ាងឆាប់រហ័ស ក្នុងនោះការីទេសចរណ៍ និងទីភ្នាក់ងារទេសចរណ៍ទូទាំងប្រទេស គិតត្រឹមខែកុម្ភៈ ឆ្នាំ២០១៧នេះ សរុបមានចំនួន៦៥៥ក្រុមហ៊ុន ដោយមានលទ្ធភាពផ្តល់ការងារដោយផ្ទាល់សរុប៣.០៣៥នាក់ ក្នុងនោះមានស្ត្រីចំនួន១.៤៥១នាក់ » ។
លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា ថ្លែងថា កម្ពុជារីកចម្រើនលើវិស័យទេសចរណ៍យ៉ាងខ្លាំងក្នុងរយៈពេល២ទសវត្សរ៍ចុងក្រោយនេះ ។ ការមកដល់របស់ភ្ញៀវទេសចរមានកំណើនយ៉ាងលឿនពីមួយឆ្នាំទៅមួយឆ្នាំ ដែលធ្វើឲ្យក្រុមហ៊ុនទេសចរណ៍នានាកើនពីជាង២០០ ដល់ជាង៦៥៥ក្រុមហ៊ុន ។
លោកស្រីបន្តថា ៖ « ក្រុមហ៊ុនទាំងនោះរីកចម្រើន និងមានសកម្មភាពយ៉ាងមមាញឹក ព្រោះការពង្រីកទីផ្សារទេសចរណ៍របស់កម្ពុជា និងការមកដល់របស់ភ្ញៀវកើនឡើង » ។ លោកស្រីបន្តថា ៖ « ការរីកចម្រើនរបស់វិស័យនេះ បាននិងកំពុងរួមចំណែកយ៉ាងសំខាន់ ជាពិសេស ធ្វើឲ្យអ្នកផ្តល់សេវាកម្មកាន់តែពង្រឹងបាននូវគុណភាពសេវាកម្មរបស់ខ្លួន » ។
លោក ហូ វណ្ឌី អគ្គលេខាធិការសមាគមសម្ព័ន្ធទេសចរណ៍ជាតិកម្ពុជា ថ្លែងថា វិស័យទេសចរណ៍ពិតជារួមចំណែកយ៉ាងសំខាន់ដល់ការអភិវឌ្ឍសេដ្ឋកិច្ចជាតិ និងកាត់បន្ថយភាពក្រីក្ររបស់ប្រជាពលរដ្ឋ ព្រោះពេលភ្ញៀវទេសចរទៅដល់ទីណា លំហូរសាច់ប្រាក់នឹងចូលដល់កន្លែងនោះ តំបន់នោះនឹងមានការអភិវឌ្ឍយ៉ាងឆាប់រហ័ស ហើយប្រជាពលរដ្ឋនឹងទទួលផលប្រយោជន៍ដោយផ្ទាល់ និងប្រយោលផងដែរ ។
លោកថ្លែងថា ៖ « វិស័យទេសចរណ៍នាំមុខគេក្នុងការអភិវឌ្ឍនៅតំបន់ណាមួយ ព្រោះកំណើនភ្ញៀវ និងការទៅដល់របស់ភ្ញៀវនៅទីណា តំបន់នោះនឹងរីកចម្រើនយ៉ាងឆាប់រហ័ស»។ លោកបន្តថា ៖ « បើសួរខ្ញុំថា បានចំណូលប៉ុន្មានពីវិស័យនេះ គឺគ្មានអ្នកណាដឹងពិតប្រាកដទេ ប៉ុន្តែតួលេខកន្លងមក ជាអ្វីដែលកម្ពុជាបានគណនាពីរយៈពេលនៃការស្នាក់នៅរបស់ភ្ញៀវ ចំនួនភ្ញៀវ និងការចំណាយរបស់ពួកគេ » ។
យោងតាមរបាយការណ៍របស់ក្រសួងទេសចរណ៍បញ្ជាក់ថា ក្នុងរយៈពេលពីរខែដើមឆ្នាំនេះ កម្ពុជាទទួលបានភ្ញៀវទេសចរជាង១លាន៨ម៉ឺននាក់ ក្នុងនោះភ្ញៀវទេសចរចិនមានចំនួន១៧២.៤៣៨នាក់ កើនឡើង១៦% ៕
ចែករំលែកព័តមាននេះ