១-អង់គ្លេសចាប់ផ្តើមចាយវាយកាក់១ផោនស៊េរីថ្មី
កាក់១ផោនស៊េរីថ្មី ជានិមិត្តរូបរបស់អង់គ្លេស ស្កុតលែន វែល និងអៀកឡង់ខាងជើង ចាប់ផ្តើមចាយកាលពីថ្ងៃទី២៨ មីនា ២០១៧ មុនពេលរដ្ឋាភិបាលដកខ្លួនពីសហគមន៍អឺរ៉ុប ។
១-អង់គ្លេសចាប់ផ្តើមចាយវាយកាក់១ផោនស៊េរីថ្មី
កាក់១ផោនស៊េរីថ្មី ជានិមិត្តរូបរបស់អង់គ្លេស ស្កុតលែន វែល និងអៀកឡង់ខាងជើង ចាប់ផ្តើមចាយកាលពីថ្ងៃទី២៨ មីនា ២០១៧ មុនពេលរដ្ឋាភិបាលដកខ្លួនពីសហគមន៍អឺរ៉ុប ។
២-មេដឹកនាំភាគីប្រឆាំងរុស្ស៊ីជាប់គុក១៥ថ្ងៃ
តុលាការរុស្ស៊ីសម្រេចកាលពីថ្ងៃទី២៧ មីនា ២០១៧ ដាក់ទោសលោកអាឡិចស៊ី ណាវ៉ាលនី ឱ្យជាប់គុក១៥ថ្ងៃ ព្រោះប្រឆាំងប៉ូលិសក្នុងពេលធ្វើបាតុកម្មប្រឆាំងរដ្ឋាភិបាល កាលពីថ្ងៃទី២៦ មីនា ។
៣-ក្រដាសប្រាក់៥ផោនស៊េរីចាស់ ត្រៀមឈប់ចាយ
ធនាគារអង់គ្លេស ត្រៀមឈប់ចាយក្រដាសប្រាក់៥ផោនស៊េរីចាស់ ចាប់ពិថ្ងៃទី៥ ឧសភា ២០១៧ ដូច្នេះប្រសិនបើពលរដ្ឋដែលនៅសេសសល់ ត្រូវប្តូរ ឬចាយវាយឱ្យអស់ទើបមិនខាតបង់ ។
៤-វាយឆ្កែងាប់នៅជណ្តើរយន្ត
នៅក្រុងអីុពីនខេត្តស៊ីឈួន ប្រទេសចិន បុរសម្នាក់បានវាយឆ្កែរហូតដល់ងាប់ នៅជណ្តើរយន្តនៃអគារមួយកាលពីពេល ថ្មីៗកន្លងមក ។
៥-ព្យុះបោកបក់នៅរដ្ឋគ្វីនលែន ប្រទេសអូស្ត្រាលី
រដ្ឋគ្វីនលែនស្ថិតនៅភាគខាងកើតឆៀងខាងជើងប្រទេសអូស្ត្រាលី ប្រឈមមុខនឹងឥទ្ធិពលព្យុះ«Debbie» កាលពីថ្ងៃទី២៨ មីនា ២០១៧ បង្កការខូចខាតជាច្រើន ។
៦-សហគមន៍អឺរ៉ុបផ្តល់សំបុត្ររថភ្លើងដោយឥគគិតថ្លៃដល់និស្សិតដើរកម្សាន្តនៅអឺរ៉ុប
កាលពីថ្ងៃទី២៧ មីនា ២០១៧ សហគមន៍អឺរ៉ុប បានផ្តល់សំបុត្ររថភ្លើងដោយឥតគិតថ្លៃដល់និស្សិតចំនួន៧០០០នាក់ នៅទូទាំងអឺរ៉ុប ដើម្បីដើរកម្សាន្ត ។
៧-លេណដ្ឋានគេចពីគ្រោះថ្នាក់ពីអាវុធនុយក្លេអ៊ែរលក់ដាច់នៅអាមេរិក
អស្ថិរភាពផ្នែកនយោបាយរបស់អាមេរិកធ្វើឱ្យជំនួញផ្នែកលេណដ្ឋាន មានអត្រាលក់ឡើងខ្ពស់ដល់ ៥០០% ។ លេណដ្ឋាននោះអាចគេចពីសង្គ្រាមស៊ីវិល និងព្យុះ ព្រោះនៅផ្នែកខាងក្នុងមានឧបករណ៍ប្រើប្រាស់ប្រចាំថ្ងៃគ្រប់បែបយ៉ាងមានតម្លៃ ៤៥.០០០ដុល្លារ ។
៨-រុស្ស៊ីមានមីស៊ីលលឿនជាងសំឡេង៥ដង
មីស៊ីល«Zircon» មានរហស្សនាមថា «មិនអាចទប់ស្កាត់ និងការពារទាន» មានល្បឿន ៧.៣៦០គីឡូម៉ែត្រក្នុងមួយម៉ោង លឿនជាងសំឡេង៥ដង ប៉ុន្តែមានប្រព័ន្ធម្យ៉ាងអាចការពារបានជាផលិតផលរបស់រុស្ស៊ី ។
៩-ស្ត្រីមេផ្ទះហ្វ៊ីលីពីន ត្រូវម្ចាស់ផ្ទះនៅសិង្ហបុរីបង្អត់អាហារ
ប្តី-ប្រពន្ធសិង្ហបុរី២នាក់ ត្រូវតុលាការសម្រេចដាក់គុកពីបទបង្អត់អាហារស្ត្រីុមេផ្ទះហ្វ៊ីលីពីន ធ្វើឱ្យស្គមស្គាំង ស្រកទម្ងន់នៅសល់តែ២៩គីឡូក្រាម ។ វាជារឿងអមនុស្សធម៌មួយនៅសិង្ហបុរី ។
១០-Samsung ត្រៀមដាក់លក់ Note7 ក្រោយកែលំអរួច៖
Samsung ត្រៀមបញ្ចេញស្មាតហ្វូន«Galaxy Note7» ដែលប្រកាសប្រមូលជាច្រើនលានគ្រឿង ដោយសារបញ្ហាថ្មនឹងដាក់លក់នៅលើទីផ្សារ ក្រោយពីកែលំអរួច ៕
ចែករំលែកព័តមាននេះ