Ronaldo ឈរនៅលំដាប់ថ្នាក់លេខ1ឈ្នះ Messi
គេហទំព័រអង់គ្លេសDaily Mailដែលបានចេញផ្សាយកាលពីថ្ងៃទី២៨ មីនា ឱ្យដឹងថា ខ្សែប្រយុទ្ធក្លិបReal Madrid កីឡាករRonaldoត្រូវបានជាប់ឈ្មោះជាកីឡាករបាល់ទាត់រកប្រាក់ចំណូលបានច្រើនជាងគេ
គេហទំព័រអង់គ្លេសDaily Mailដែលបានចេញផ្សាយកាលពីថ្ងៃទី២៨ មីនា ឱ្យដឹងថា ខ្សែប្រយុទ្ធក្លិបReal Madrid កីឡាករRonaldoត្រូវបានជាប់ឈ្មោះជាកីឡាករបាល់ទាត់រកប្រាក់ចំណូលបានច្រើនជាងគេនៅលើពិភពលោក ខណៈគូប្រជែងធំបំផុតរបស់ខ្លួនគឺ កីឡាករMessiឈរនៅចំណាត់ថ្នាក់លេខ២ក្នុងរដូវកាលឆ្នាំ២០១៦-២០១៧ ។ នេះបើយោងតាមការចេញផ្សាយរបស់គេហទំព័របារាំងFrance Football ។
France Football ក៏បានចេញផ្សាយពីទំហំទឹកប្រាក់របស់កីឡាករល្បីៗផ្សេងទៀតផងដែរ សរុបទាំងអស់ចំនួន៥រូបមានដូចជា ៖
១-Ronaldoខ្សែប្រយុទ្ធក្លិប Real Madrid រកចំណូលបានជាង៩៤លានដុល្លារ ។
២-Messiខ្សែប្រយុទ្ធក្លិបBarcelonaរកចំណូលបានប្រមាណ៨៣លានដុល្លារ ។
៣-Neymar ខ្សែប្រយុទ្ធក្លិបBarcelona រកចំណូលបានប្រមាណ៦០លានដុល្លារ ។
៤-Gareth Bale ខ្សែបម្រើប្រយុទ្ធក្លិបReal Madridរកចំណូលបានជាង៤៤លានដុល្លារ ។
៥-Ezequiel Lavezzi អតីតខ្សែប្រយុទ្ធក្លិប Paris SG បច្ចុប្បន្នលេងនៅក្លិប Hebei China Fortuneប្រទេសចិនរកចំណូលបានជាង៣០លានដុល្លារ ។
គួរបញ្ជាក់ថា ប្រាក់ចំណូលប្រចាំឆ្នាំរបស់កីឡាករនីមួយៗខាងលើនេះ ត្រូវបានគណនាដោយផ្អែកទៅលប្រាក់ឈ្នួល ប្រាក់រង្វាន់ និងប្រាក់ចំណូលដែលបានមកពីការផ្សព្វផ្សាយពាណិជ្ជកម្មផ្សេងៗ ៕
ចែករំលែកព័តមាននេះ