តម្លៃមាសងើបឡើងវិញ ដោយសារកត្តា២យ៉ាង
បរទេស ៖ តម្លៃមាសបានកើនឡើង ១.១% កាលពីថ្ងៃទី១៧ ខែតុលា ឆ្នាំ២០២២ ដោយសារតែប្រាក់
បរទេស ៖ តម្លៃមាសបានកើនឡើង ១.១% កាលពីថ្ងៃទី១៧ ខែតុលា ឆ្នាំ២០២២ ដោយសារតែប្រាក់
បរទេស ៖ តម្លៃមាសបានកើនឡើង ១.១% កាលពីថ្ងៃទី១៧ ខែតុលា ឆ្នាំ២០២២ ដោយសារតែប្រាក់ដុល្លារអាមេរិក និងទិន្នផលរតនាគារអាមេរិកធ្លាក់ចុះ បើទោះបីជាមានហានិភ័យពីការកើនឡើងអត្រាការប្រាក់របស់ប្រព័ន្ធធនាគារកណ្តាលរបស់សហរដ្ឋអាមេរិក Federal Reserve ដើម្បីទប់ទល់នឹងអតិផរណាដែលកំពុងកើនឡើងយ៉ាងណាក៏ដោយ។
តម្លៃមាស (Spot gold) បានកើនឡើង ១.១% ក្នុងតម្លៃ ១,៦៦២.២១ដុល្លារក្នុង១អោន (១អោនស្មើនឹង០,៧៥តម្លឹង) បន្ទាប់ពីបានធ្លាក់ចុះច្រើនជាង ៣% កាលពីសប្តាហ៍មុន នៅក្នុងដំណើរការដ៏អាក្រក់បំផុតចាប់តាំងពីខែកក្កដាមក។ ចំណែកអនាគតមាសរបស់អាមេរិកបានកើនឡើង ១.៣% ក្នុងតម្លៃ ១,៦៦៩.៥០ ដុល្លារក្នុងមួយអោននៅទីក្រុងញូវយ៉ក។
លោក Xiao Fu អ្នកវិភាគរបស់ធនាគារកណ្តាលអន្តរជាតិចិនបានប្រាប់សារព័ត៌មាន Reuters ថា «មាសបានទទួលអត្ថប្រយោជន៍ពីភាពទន់ខ្សោយរបស់ប្រាក់ដុល្លារ បន្ទាប់ពីប្រាក់ផោនបានស្ទុះងើបឡើងវិញ ចំពេលមានការរំពឹងទុកថាការកាត់បន្ថយពន្ធកាន់តែច្រើននឹងត្រឡប់មកវិញផងដែរ»។
លោកបានបន្ថែមថា «ទន្ទឹមនឹងនោះ ទិន្នផលរតនាគារអាមេរិកបានធ្លាក់ចុះទាប។ ប៉ុន្តែជាមួយនឹងសន្ទស្សន៍ CPI របស់សហរដ្ឋអាមេរិកដែលនៅសេសសល់ក្នុងកម្រិតកើនឡើង ធនាគារកណ្តាលអាចដំឡើងអត្រាការប្រាក់ដោយ ៧៥ ចំណុចមូលដ្ឋានផ្សេងទៀតនៅដើមខែវិច្ឆិកា និងធ្វើការដំឡើងបន្ថែមទៀតនៅក្នុងខែធ្នូ។ ទាំងនេះអាចណែនាំនៃម៉ាក្រូសេដ្ឋកិច្ចសម្រាប់ទីផ្សារមាសឡើងវិញ»។
ទន្ទឹមជាមួយគ្នានោះ លោក Rupert Rowling អ្នកវិភាគទីផ្សារនៅ Kinesis Money ដែលជាវេទិកាឧបករណ៍ប្រើប្រាស់ទ្រព្យសម្បត្តិឌីជីថល និងពាណិជ្ជកម្មសកល បាននិយាយថា «នៅក្នុងបរិយាកាសនេះ ធនាគារកណ្តាលអាមេរិកផ្តោតសំខាន់លើទំហំនៃការដំឡើងអត្រាការប្រាក់ណាមួយជាងចោទជាសំនួរថា តើត្រូវដំឡើងអត្រាការប្រាក់ដែរឬទេ? ព្រោះវានឹងពិបាកសម្រាប់ទីផ្សារមាសក្នុងការស្វែងរកការគាំទ្រដ៏សំខាន់ណាមួយ»៕ (ដកស្រង់ចេញពី Mining និង Reuters)
ចែករំលែកព័តមាននេះ