រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានបញ្ជាទៅរដ្ឋមន្ត្រីក្រសួងកសិកម្មថ្មីក៏ដូចជា មន្ត្រីកសិកម្មគ្រប់រូប«កុំធ្វើជាមន្ត្រីជិះសេះមើលផ្កា» និងត្រូវរួតរះចុះចែកពូជស្រូវដល់ពលរដ្ឋនៅតំបន់លិចទឹកដែលអាចដាំដុះបានវិញ។ សម្តេចបានថ្លែងបែបនេះ គឺនៅក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យជាតិគ្រប់គ្រងចំនួន៦,៤១១នាក់…
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានបញ្ជាទៅរដ្ឋមន្ត្រីក្រសួងកសិកម្មថ្មីក៏ដូចជា មន្ត្រីកសិកម្មគ្រប់រូប«កុំធ្វើជាមន្ត្រីជិះសេះមើលផ្កា» និងត្រូវរួតរះចុះចែកពូជស្រូវដល់ពលរដ្ឋនៅតំបន់លិចទឹកដែលអាចដាំដុះបានវិញ។
សម្តេចបានថ្លែងបែបនេះ គឺនៅក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យជាតិគ្រប់គ្រងចំនួន៦,៤១១នាក់ នៅថ្ងៃទី១៧ ខែតុលា ឆ្នាំ២០២២ព្រឹកនេះ។
សម្តេចតេជោ ថ្លែងថា នៅព្រឹកនេះ រដ្ឋមន្ត្រីក្រសួងកសិកម្មថ្មី គឺលោក ឌិត ទីណា កំពុងធ្វើពិធីឡើងកាន់តំណែង ដូច្នេះទាមទារឱ្យគ្រប់មន្ត្រីកសិកម្មចុះមើលប្រជាពលរដ្ឋកំពុងរងគ្រោះដោយទឹកជំនន់។ ព្រមជាមួយគ្នានោះសម្តេចតេជោ ហ៊ុន សែន បានបញ្ជាក់ថា កុំចាំរបាយការណ៍ពីឃុំ ឬស្រុក ទើបចុះជួយពលរដ្ឋត្រង់នេះមានន័យថា ភូមិណា ដែលស្រកទឹកជន់ហើយអាចដាំចុះបាន គឺត្រូវចុះចែកពូជស្រូវជាបន្ទាន់ ហើយតំបន់ណាដែលមិនទាន់អាចដាំដុះស្រូវបាន គឺត្រូវចែកពូជដំណាំផ្សេងដែលត្រូវតាមស្ថានភាពជាក់ស្តែង។
ចែករំលែកព័តមាននេះ