ចាប់ខ្លួនអ្នកម៉ៅការបូមខ្សាច់លក់ចេញសែកស្អុយ14ម៉ឺនដុល្លារ
រាជធានីភ្នំពេញ ៖ សមត្ថកិច្ចការិយាល័យនគរបាលព្រហ្មទណ្ឌកំរិតធ្ងន់រាជធានីភ្នំពេញកាលពីរសៀលថ្ងៃទី23 ខែមីនា ឆ្នាំ2017
រាជធានីភ្នំពេញ ៖ សមត្ថកិច្ចការិយាល័យនគរបាលព្រហ្មទណ្ឌកំរិតធ្ងន់រាជធានីភ្នំពេញកាលពីរសៀលថ្ងៃទី23 ខែមីនា ឆ្នាំ2017
រាជធានីភ្នំពេញ ៖ សមត្ថកិច្ចការិយាល័យនគរបាលព្រហ្មទណ្ឌកំរិតធ្ងន់រាជធានីភ្នំពេញកាលពីរសៀលថ្ងៃទី23 ខែមីនា ឆ្នាំ2017 បានធ្វើការឃាត់ខ្លួនបុរសម្នាក់ឈ្មោះ សុខ ផារ៉ា អាយុ34ឆ្នាំ នៅចំណុចមុខហាងUrban ផ្លូវ288 សង្កាត់បឹងកេងកង1 ខណ្ឌចំការមន រាជធានីភ្នំពេញ ។ ការឃាត់ខ្លួនបុរសនោះសមត្ថកិច្ចបានបញ្ជាក់ថា គឺជាការអនុវត្តតាមដីកាលេខ២៨ ដ.ច.ន ចុះថ្ងៃទី18 ខែមករា ឆ្នាំ2017 ដោយចៅក្រមស៊ើបសួរលោក ឆែ វីរ: ពីបទ.មិនបំពេញកាតព្វកិច្ចចំពោះឧបករណ៍ដែលអាចជួញដូរបាន និងមានចេតនាធ្វើឱ្យខូចប្រយោជន៍អ្នកដ៏ទៃ ប្រព្រឹត្តកាលពីថ្ងៃទី12 ខែសីហា ឆ្នាំ2015 នៅរាជធានីភ្នំពេញ និងខេត្តកណ្តាល ។
សមត្ថកិច្ចបានឲ្យដឹងថា ដើមចមបណ្តាលឲ្យមានដីកាចាប់ខ្លួនក្នុងអំឡុងឆ្នាំ2015 បុរសឈ្មោះ សុខ ផារ៉ា ជាអ្នកទទួលម៉ៅការបូបខ្សាច់ទន្លេឲ្យទៅក្រុមហ៊ុនមួយ ហើយបុរសនោះបានយកប្រាក់ពីក្រុមហ៊ុនមុនចំនួន14ម៉ឺនដុល្លារ ។ ក្រោយពីធ្វើកិច្ចសន្យាទទួលយកប្រាក់បុរសជាប់ចោទមិនបានបំពេញកិច្ចការឲ្យភាគីខាងក្រុមហ៊ុនទេ ពោលគឺយកលុយហើយអត់មានខ្សាច់ឲ្យទៅក្រុមហ៊ុនមិនតែប៉ុណ្ណោះបានទាំងថែមគេចខ្លួនទៀតផង ។ សមត្ថកិច្ចបន្តថា បន្ទាប់មកក្រុមហ៊ុនបានព្យាយាមរកជួបដើម្បីទារយកប្រាក់នោះវិញ ស្រាប់តែជនសង្ស័យបានចេញមូលប្បទានប័ត1សន្លឹក ដាក់ចំនួនទឹកប្រាក់14ម៉ឺនដុល្លារអាមេរិកតែជាសែកស្អុយ ។
នៅពេលធនាគារបញ្ជាកថា មូលប្បទាប័តមួយសន្លឹកនោះអត់សាច់ប្រាក់ជនរងគ្រោះបានដាក់ពាក្យបណ្តឹងទៅសមត្ថកិច្ចរហូតមានដីការបស់តុលាការចេញឲ្យចាប់ខ្លួន នៅសាលាដំបូងជនសង្ស័យបានទទួលថា ពិតជាបានយកប្រាក់ពីក្រុមហ៊ុនមែនតែប្រាក់ត្រូវមនុស្សម្នាក់ទៀតដែលជាអ្នករកស៊ីបូមខ្សាច់យកបន្ត ហើយកំពុងគេចខ្លួន ៕
ចែករំលែកព័តមាននេះ