រាជធានីភ្នំពេញ ៖ កម្លាំងនគរបាលនៃអគ្គនាយកដ្ឋានអន្តោប្រវេសន៍នៃក្រសួងមហាផ្ទៃដែលដឹកនាំដោយលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធីធ្វើការសហការជាមួយនឹងកម្លាំងនគរបាលនៃការិយាល័យអន្តោប្រវេសន៍រាជធានីភ្នំពេញ
រាជធានីភ្នំពេញ ៖ កម្លាំងនគរបាលនៃអគ្គនាយកដ្ឋានអន្តោប្រវេសន៍នៃក្រសួងមហាផ្ទៃដែលដឹកនាំដោយលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តន៍នីតិវិធីធ្វើការសហការជាមួយនឹងកម្លាំងនគរបាលនៃការិយាល័យអន្តោប្រវេសន៍រាជធានីភ្នំពេញដោយមានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានចុះត្រួតពិនិត្យការស្នាក់នៅ និងបំពេញការងាររបស់ជនបរទេសនៅតាមបណ្តាររោងសិប្បកម្មឈើមួយចំនួន ដោយធ្វើការឃាត់ខ្លួនជនជាតិវៀតណាមចំនួន20នាក់ (ស្រី4នាក់)ទាំងព្រឹកនៅក្នុងខណ្ឌចំការមន ។ ប្រតិបត្តិការនេះដែរបានធ្វើឡើងកាលពីវេលាម៉ោង8និង30នាទីព្រឹក ថ្ងៃទី24 ខែមីនា ឆ្នាំ2017 ទៅតាមបណ្តារោងសិប្បកម្មកែច្នៃឈើមួយចំនួនដែលមានទីតាំងតាមបណ្តោយផ្លូវលេខ474 ក្នុងសង្កាត់បឹងត្របែក ខណ្ឌចំការមន ។
លោកឧត្តមសេនីយ៍ក៏បានប្រាប់បន្តទៀតថា ដោយក្នុងប្រតិបត្តិការនេះដែរកម្លាំងរបស់លោកបានរកឃើញជនជាតិវៀតណាមប្រុស-ស្រីសរុបចំនួន20នាក់ ក្នុងនោះមានស្រីចំនួន4នាក់ដែលកំពុងតែលួចស្នាក់នៅ និងបំពេញការងារដោយខុសច្បាប់ និងដកហូតលិខិតឆ្លងដែនចំនួន7ក្បាលផងដែរដើម្បីចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ