រាជធានីភ្នំពេញ ៖ ទីបំផុតលោក ហ៊ុយ ហឿន មន្ត្រីនគរបាលនាយកដ្ឋានប្រឆាំងបទល្មើសសេដ្ឋកិច្ច ត្រូវបានលោក ប៊ុន ធី ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារជា
រាជធានីភ្នំពេញ ៖ ទីបំផុតលោក ហ៊ុយ ហឿន មន្ត្រីនគរបាលនាយកដ្ឋានប្រឆាំងបទល្មើសសេដ្ឋកិច្ច ត្រូវបានលោក ប៊ុន ធី ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារជាបណ្តោះអាសន្ននៅវេលាម៉ោង៧យប់ដដែលនេះ ។
គួរបញ្ជាក់ថា អង្គភាពប្រឆាំងអំពើពុករលួយ កាលពីរសៀលថ្ងៃទី២៣ ខែមីនា ២០១៧ បានធ្វើការចាប់បញ្ជូនខ្លួនមន្ត្រីនគរបាលសេដ្ឋកិច្ចក្រសួងម្នាក់ ទៅកាន់សាលាដំបូងរាជធានីភ្នំពេញ ពាក់ព័ន្ធអំពើពុករលួយ ។ មន្ត្រីនគរបាលរូបនោះឈ្មោះ ហ៊ុយ ហឿន ភេទប្រុស អាយុ៣៨ឆ្នាំ ឋានន្ទរស័ក្តិអនុសេនីយ៍ឯក មានតួនាទីជាអនុប្រធានផ្នែកការិយាល័យកម្មសិទ្ធិបញ្ញានៃនាយកដ្ឋាននគរបាលប្រឆាំងបទល្មើសសេដ្ឋកិច្ច ។
សំណុំរឿងខាងលើនេះ កំពុងស្ថិតនៅដៃលោក ស៊ិន វិរ: ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ កំពុងធ្វើការសាកសួរ ។
លោក លី សុផាណា អ្នកនាំពាក្យសាលាដំបូងរាជធានីភ្នំពេញ បានប្រាប់តាមសារអេឡិចត្រូនិច (តេឡេក្រាម) ឲ្យដឹងថា ក្រោយពីបានបញ្ចប់ការសួរចម្លើយ ការពិនិត្យឯកសារ និងភស្តុតាង លោក ស៊ិន វីរៈ ជាតំណាងអយ្យការបានសម្រេចចោទប្រកាន់លើឈ្មោះ ហ៊ុយ ហឿន ភេទប្រុស អាយុ៣៨ឆ្នាំ ជានាយរងផ្នែកការិយាល័យកម្មសិទ្ធិបញ្ញានៃនាយកដ្ឋាននគរបាលប្រឆាំងបទល្មើសសេដ្ឋកិច្ច ពីបទ វិតិក្រម តាមមាត្រា ៥៩២ ៥៩៣ ក្រមព្រហ្មទណ្ឌ និងមាត្រា ៣២ នៃច្បាប់ប្រឆាំងអំពើពុករលួយ ហើយសម្រេចបញ្ជូនទៅចៅក្រមស៊ើបសួរ ដើម្បីចាត់ការបន្ត ។
សំណុំរឿងនេះបានចូលដល់ដៃលោក ប៊ុន ធី ចៅក្រមស៊ើបរហូតដល់ម៉ោង៧យប់ថ្ងៃដដែល លោកចៅក្រមសម្រេចឃុំខ្លួនមន្ត្រីនគរបាលសេដ្ឋកិច្ចរូបនោះដាក់ពន្ធនាគារជាបណ្តោះអាសន្ន ៕
ចែករំលែកព័តមាននេះ