ឃាត់ខ្លួនប្តីប្រពន្ធ២នាក់ជាប់សង្ស័យគាស់ផ្ទះប្រជាពលរដ្ឋ
រាជធានីភ្នំពេញ ៖ ប្តីប្រពន្ធ២នាក់ត្រូវបានកម្លាំងអាវុធហត្ថខណ្ឌសែនសុខឃាត់ខ្លួនកាលពីវេលាម៉ោង៩និង៣០នាទីព្រឹកថ្ងៃទី២៤ ខែមិនា ឆ្នាំ២០១៧
រាជធានីភ្នំពេញ ៖ ប្តីប្រពន្ធ២នាក់ត្រូវបានកម្លាំងអាវុធហត្ថខណ្ឌសែនសុខឃាត់ខ្លួនកាលពីវេលាម៉ោង៩និង៣០នាទីព្រឹកថ្ងៃទី២៤ ខែមិនា ឆ្នាំ២០១៧ នៅចំណុចបន្ទប់ជួលភូមិស្លែងរលើង សង្កាត់ទឹកថ្លា ខណ្ឌសែនសុខ ដោយជាប់សង្ស័យធ្វើសកម្មភាពគាស់ផ្ទះប្រជាពលរដ្ឋ ។ ជនសង្ស័យដែលត្រូវឃាត់ខ្លួនបុរសជាប្តីឈ្មោះ ហេង សុផា អាយុ22ឆ្នាំ ជាជាងភ្លើង ស្នាក់នៅចំណុចបន្ទប់ជួលកន្លែងឃាត់ខ្លួនខាងលើ ប្រពន្ធឈ្មោះ ពេជ្រ សុគន្ធ អាយុ28ឆ្នាំ ជាអ្នកបំរើការនៅខារ៉ាអូខេUT ។
បើតាមប្រភពពីកងរាជអាវុធហត្ថបានឱ្យថា ការឃាត់ខ្លួនជនសង្ស័យទាំង2នាក់នេះគឺជាប់សង្ស័យធ្វើសកម្មភាពគាស់ផ្ទះ កាលពីថ្ងៃទី8 ខែមីនា ឆ្នាំ2017 នៅចំណុចភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។ តាមមន្ត្រីអាវុធហត្ថបានបន្តទៀតថា មុនពេលឈានទៅឃាត់ខ្លួនជនសង្ស័យកម្លាំងធ្វើការស្រាវជ្រាវតាមជំនាញអស់រយៈពេលយូរថ្ងៃមកហើយ ដោយក្តាប់បានមុខសញ្ញាច្បាស់ ទើបសមត្ថកិច្ចចុះទៅនាំខ្លួនដល់បន្ទប់ជួលតែម្តង ៕
ចែករំលែកព័តមាននេះ