ទៀត ! ២ករណីកើតឡើងនៅជិតអាកាសយានដ្ឋានអន្តរជាតិភ្នំពេញ
រាជធានីភ្នំពេញ ៖ មានហេតុការណ៍២ករណីផ្សេងគ្នាបានកើតឡើងដំណាលគ្នានៅជិតអាកាសយានដ្ឋានអន្តរជាតិភ្នំពេញ ខណៈពេលដែលពួកគាត់កំពុង
រាជធានីភ្នំពេញ ៖ សកម្មភាពចោរឆក់បានកើតឡើងយ៉ាងកក្រើកនៅក្នុងភូមិសាស្ត្រខណ្ឌពោធិ៍សែនជ័យ ជាពិសេសឆក់កាបូបអ្នកដំណើរតាមដងផ្លូវ ហើយក្រុមចោរទាំងនោះមានសំណាងខ្លាំងណាស់ ហើយតែងតែបានធ្វើសកម្មភាពបានសម្រេច និងបានគេចខ្លួនដោយសុវត្ថិភាពរាល់ៗលើកមិនត្រូវបាននគរបាល ឬកងរាជអាវុធហត្ថខណ្ឌខាងលើបង្ក្រាបបាននោះឡើយ ហើយក៏មានការបន្ទុកទៅលើការកើតឡើងច្រើននូវល្បែងស៊ីសងនៅក្នុងខណ្ឌនោះផងដែរ។
សកម្មភាពចោរឆក់បានកើតឡើងថ្មីៗជាច្រើន ជាក់ស្ដែងនៅវេលាម៉ោង១០និង៣០នាទីព្រឹក ថ្ងៃទី២៤ ខែមីនា ឆ្នាំ២០១៧ មានសកម្មភាពចោរឆក់កាបូបបានសម្រេច២ករណីផ្សេងគ្នា ប៉ុន្តែក្នុងពេលដំណាលគ្នានោះតែម្ដងនៅក្បែរអាកាសយានដ្ឋានអន្តរជាតិភ្នំពេញ ដោយក្រុមចោរបានគេចខ្លួនបាត់ដោយសុវត្ថិភាព។
សកម្មភាពឆក់ទី១ បានកើតឡើងនៅលើកំណាត់មហាវិថីសហព័ន្ធរុស្ស៊ី ត្រង់ចំណុចខាងលិចអាកាសយានដ្ឋានអន្តរជាតិភ្នំពេញ ស្ថិតនៅក្នុងភូមិព្រៃសាក់ សង្កាត់ចោមចៅ ខណ្ឌណោធិ៍សែនជ័យ។ បង្កឡើងដោយជនសង្ស័យមានគ្នា២នាក់ ជិះម៉ូតូម៉ាកហុងដាឌ្រីម សេ១២៥ មួយគ្រឿង។ បានធ្វើសកម្មភាពឆក់កាបូបពីស្ត្រីចំណាស់ម្នាក់ ខណៈពេលគាត់កំពុងជិះម៉ូតូ១គ្រឿង ចេញពីទិញថ្នាំនៅមន្ទីរពេទ្យកាល់ម៉ែត ឆ្ពោះទៅផ្ទះតែម្នាក់ឯង បណ្ដាលឲ្យគាត់ដួលម៉ូតូរងរបួសដៃផងដែរ។ បន្ទាប់មកក្រុមចោរបាននាំគ្នាជិះម៉ូតូរត់គេចខ្លួនបាត់ដោយសុវត្ថិភាព។
ស្ត្រីរងគ្រោះឈ្មោះ ខៀវ សង អាយុ៥៥ឆ្នាំ មានទីលំនៅក្នុងភូមិកំរៀង សង្កាត់ព្រៃវែង ខណ្ឌដង្កោ រាជធានីភ្នំពេញ ហើយនៅក្នុងកាបូបរបស់គាត់នោះ មានលុយប្រមាណជិត៤០ម៉ឺនរៀល អត្តសញ្ញាណប័ណ្ណ១សន្លឹក រួមជាមួយថ្នាំពេទ្យដែលទើបទិញយកទៅប្រើប្រាស់ ទូរស័ព្ទដៃ២គ្រឿង បង្កាន់ដៃទិញគ្រឿងអលង្ការ ព្រមទាំងរបស់របរមួយចំនួនទៀតផងដែរ។
ស្ត្រីខាងលើជិះម៉ូតូ១គ្រឿង ម៉ាកស៊ុយហ្ស៊ុយគីនិច ពណ៌ក្រហមលាយស ពាក់ស្លាកលេខភ្នំពេញ 1DH-6148 ដោយឡែកជនសង្ស័យមានគ្នា២នាក់ ជិះម៉ូតូម៉ាកហុងដាឌ្រីម សេ១២៥ មួយគ្រឿង។ ស្ត្រីរងគ្រោះបាននិយាយថា នៅមុនពេលកើតហេតុ គាត់បានជិះម៉ូតូ១គ្រឿងខាងលើតែម្នាក់ឯងចេញពីទិញថ្នាំនៅមន្ទីរពេទ្យកាល់ម៉ែត ក្នុងទិសដៅពីជើងទៅត្បូងបំណងទៅផ្ទះលុះពេលទៅដល់ត្រង់ចំណុចកើតហេតុខាងលើ ក៏ស្រាប់តែមានជនសង្ស័យ២នាក់ ជិះម៉ូតូ១គ្រឿងតាមពីក្រោយធ្វើសកម្មភាពឆក់យកកាបូប បណ្ដាលឲ្យគាត់ដួលបោកទៅលើថ្នល់។ បន្ទាប់មកជនសង្ស័យបានយកកាបូប និងនាំគ្នាជិះម៉ូតូរត់គេចខ្លួនបាត់ ស្រមោលតែម្ដង។ រីឯរូបគាត់បានក្រោកឡើងលើកម៉ូតូជិះបន្តដំណើរទៅកាន់ប៉ុស្ដិ៍នគរបាលចោមចៅដាក់ពាក្យបណ្ដឹងសុំឲ្យនគរបាលជួយអន្តរាគមន៍។
សកម្មភាពឆក់ទី២ បានកើតឡើងនៅលើកំណាត់មហាវិថីសហព័ន្ធរុស្ស៊ីដូចគ្នា ត្រង់ចំណុចជិតច្រកចូលអាកាសយានដ្ឋានអន្តរជាតិភ្នំពេញ ស្ថិតនៅក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ។ បង្កឡើងដោយជនសង្ស័យ២នាក់ បានធ្វើសកម្មភាពឆក់យកកាបូបលុយពីស្ត្រីចំណាស់ម្នាក់ទៀត ខណៈពេលគាត់កំពុងជិះម៉ូតូជាមួយកូនស្រីត្រឡប់មកពីយកកាតគ្រីម៉ូតូនៅសង្កាត់ព្រែកលៀប ឆ្ពោះទៅផ្ទះ។
ស្ត្រីរងគ្រោះខាងលើឈ្មោះ អ៊ុក សុផល អាយុ៥៧ឆ្នាំ មុខរបរលក់នំបញ្ចុក ស្នាក់នៅក្នុងភូមិកំពង់ទួល ឃុំអន្លង់រមៀត ស្រុកកណ្តាលស្ទឹង ខេត្តកណ្តាល។ នៅក្នុងកាបូបនោះមានចំនួន២លានរៀល រួមជាមួយកាតគ្រីម៉ូតូ, អត្តសញ្ញាណប័ណ្ណ និងសៀវភៅបង់ប្រាក់ធនាគាផងដែរ។
ស្ត្រីរងគ្រោះរូបនោះបានឲ្យដឹងថា នៅមុនពេលកើតហេតុគាត់បានជិះម៉ូតូ១គ្រឿងម៉ាកហុងដា Zoomer-X ដោយកូនស្រីគាត់ជាអ្នកឌុបធ្វើដំណើរចេញពីសង្កាត់ព្រែកៀប ខណ្ឌជ្រោយចង្វារ ខណ្ឌជ្រោយចង្វារ លុះទៅដល់ត្រង់ចំណុចកើតហេតុខាងលើ ស្រាប់តែមានជនសង្ស័យ២នាក់ ជិះម៉ូតូម៉ាកហុងដា Zoomer-X ១គ្រឿងដូចគ្នា ក្នុងទិសដៅស្របទិសគ្នាពីកើតទៅលិចតាមពីក្រោយបានធ្វើសកម្មភាពចាប់ដោះគន្លឹះខ្សែកាបូបលុយដែលគាត់ក្រវាត់ជាប់ចង្កេះទាំងកំពុងជិះម៉ូតូនោះ។ ខណៈនោះជនសង្ស័យបានដោះគន្លឹះយកកាបូបបានសម្រេច ហើយស្ទើរតែដួលម៉ូតូទាំងអស់គ្នាហើយ លុះពេលយកបានសម្រេចក្រុមចោរបាននាំគ្នាគេចខ្លួនទៅបាត់ដោយសុវត្ថិភាពតែម្ដង។ ក្រោយពេលកើតហេតុជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលកាកាប ឲ្យជួយស្រាវជ្រាវ៕
ចែករំលែកព័តមាននេះ