ពុទ្ធោ…! គ្រាន់តែឈើបង្ក្រាបបានជាង3000ម៉ែត្រគូប
ខេត្តត្បូងឃ្មុំ ៖ ក្រុមឈ្មួញបានប្រើប្រាស់គ្រប់រូបភាពដើម្បីដឹកឈើ និងសត្វព្រៃ
ខេត្តត្បូងឃ្មុំ ៖ ក្រុមឈ្មួញបានប្រើប្រាស់គ្រប់រូបភាពដើម្បីដឹកឈើ និងសត្វព្រៃ
ខេត្តត្បូងឃ្មុំ ៖ ក្រុមឈ្មួញបានប្រើប្រាស់គ្រប់រូបភាពដើម្បីដឹកឈើ និងសត្វព្រៃតាមមធ្យោបាយរថយន្តតូចធំឆ្លងកាត់តាមបណ្តាស្រុកនានាក្នុងគោលបំណងយកទៅលក់នៅទីផ្សារព្រំដែនប្រទេសវៀតណាម ។ ជាមួយនោះក្រោមកិច្ចសហការមាននគរបាល អាវុធហត្ថ រដ្ឋបាលព្រៃឈើ ព្រមទាំងក្រុមការងារថ្នាក់ជាតិបានចុះបើកយុទ្ធនាការបង្ក្រាបបទល្មើសបានបន្តបន្ទាប់សរុបចំនួន66ករណីពេញ1ឆ្នាំដោយបានដកហូតឈើចម្រុះជាង3.000ម៉ែត្រគូបក្នុងនោះចាប់មនុស្សចំនួន3នាក់បញ្ជូនទៅសាលាដំបូងខេត្តចាត់វិធានការតាមច្បាប់ផងដែរ ។
លោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំបានប្រាប់ឲ្យដឹងនៅរសៀលថ្ងៃទី23 ខែមីនា ឆ្នាំ2017 ថាខេត្តត្បូងឃ្មុំមានព្រៃឈើនោះទេ គឺគ្រាន់តែជាតំបន់ឆ្លងកាត់តែប៉ុណ្ណោះ ដែលក្រុមឈ្មួញបានដឹកជញ្ជូនគ្រប់រូបភាពតាមមធ្យោបាយរថយន្តតូចធំចេញពីខេត្តផ្សេងៗឆ្ពោះមកកាន់ទីផ្សារព្រំដែនជាប់នឹងប្រទេសវៀតណាម ទោះជាបែបនេះក្តីដោយមានកិច្ចសហការជាមួយនឹងស្ថាប័នសមត្ថកិច្ចចម្រុះតែងតែចាប់បានជាហូរហែរ ។
លោកនាយខណ្ឌរដ្ឋបាលព្រៃឈើខេត្តត្បូងឃ្មុំបញ្ជាក់ថា រាល់ថ្ងៃនេះបទល្មើសព្រៃឈើបានថយចុះច្រើនគួរឲ្យកត់សំគាល់នៅសល់មានតែដឹកតាមរ៉ឺម៉កម៉ូតូត្រូវបានប្រជាពលរដ្ឋដឹកយកទៅធ្វើផ្ទះដោយសារតែពួកមិនមានលទ្ធភាពសង់ផ្ទះថ្មដូចគេនោះ ។ ហើយម្យ៉ាងទៀតគ្រាន់តែជាតំបន់ឆ្លងកាត់មានរថយន្តប្រភេទដឹកឈើបានចេញពីបាតអាង នៅខេត្តស្ទឹងត្រែងឆ្លងកាត់ខេត្តត្បូងឃ្មុំយកទៅកាន់ខេត្តផ្សេងៗទៀតដែលមានច្បាប់ដឹកជញ្ជូន(PC)នោះ សម្រាប់ទិសដៅឆ្នាំ២០១៧និងរួមសហការជាមួយនឹងនគរបាល កងរាជអាវុធហត្ថខេត្ត ប្រឹងទប់ស្កាត់ការដឹកជញ្ជូនបទល្មើសព្រៃឈើតាមការណែនាំរបស់ថ្នាក់លើ ៕
ចែករំលែកព័តមាននេះ