ប្រធានាធិបតីហ្វ៊ីលីពីនលោក RODRIGO DUTERTE ដែលមុននេះបង្ហាញពីបំណងចង់ឱ្យរុស្ស៊ីក្លាយជាសម្ព័ន្ធមិត្តមួយ ព្រមទាំងជាអ្នកជួយការពារប្រទេសលោកនោះ បានអនុញ្ញាតឱ្យនាវាចម្បាំងរុស្ស៊ីចេញ-ចូលដោយសេរីក្នុងដែនទឹក និងបណ្តាកំពង់ផែហ្វ៊ីលីពីន ។
ទីភ្នាក់ងារព័ត៌មាន BLOMBERG រាយការណ៍នាថ្ងៃទី២៣ មីនា ថា ប្រធានាធិបតីហ្វ៊ីលីពីន លោក RODRIGO DUTERTE អនុញ្ញាតឱ្យបណ្តានាវាចម្បាំងរុស្ស៊ីចូលដោយសេរីក្នុងដែនទឹកប្រទេសលោក ។ ក្នុងសន្និសីទសារព័ត៌មានមួយនាក្រុងម៉ានីល លោក DUTERTE ក៏អះអាងផងដែរថា បណ្តានាវារុស្ស៊ីអាចបោះយុថ្កាក្នុងដែនទឹកហ្វ៊ីលីពីន ក្រោយពីជូនព័ត៌មានដល់អាជ្ញាធរមូលដ្ឋានពីគម្រោងរបស់ខ្លួនប៉ុណ្ណោះ ។
យោងតាម BLOOMBERG ថា ហ្វ៊ីលីពីនផ្តល់ការអនុញ្ញាតបែបនេះដល់បណ្តានាវាចម្បាំងចិនផងដែរ ។
កាលពីខែមករាកន្លងទៅនេះ ប្រធានាធិបតីហ្វ៊ីលីពីនបានទៅទស្សនានាវាចម្បាំងប្រឆាំងនាវាមុជទឹករុស្ស៊ីឈ្មោះ AMIRAL TRIBOUTS ដែលឈប់សំចតនៅកំពង់ផែក្រុងម៉ានីល ។ លោកបានសម្តែងក្តីសង្ឃឹមថា រុស្ស៊ីនឹងក្លាយជាសម្ព័ន្ធមិត្ត និងជាអ្នកជួួយការពារប្រទេសរបស់លោក ៕
ចែករំលែកព័តមាននេះ