រាជធានីភ្នំពេញ ៖ នារីរូបស្រស់សោភាម្នាក់ បើករថយន្តលឿនពេកក៏ជ្រុលទៅបុករថយន្តតូយ៉ូតាព្រូសចំទ្វារខាងស្តាំ បណ្តាលឱ្យរងការខូចខាតយ៉ាងដំណំ និងបង្កការភ្ញាក់ផ្អើលកាលពីវេលាម៉ោង១០ និង១០នាទីយប់ថ្ងៃទី២៣ មីនា ស្ថិតតាមបណ្តោយផ្លូវព្រះ
រាជធានីភ្នំពេញ ៖ នារីរូបស្រស់សោភាម្នាក់ បើករថយន្តលឿនពេកក៏ជ្រុលទៅបុករថយន្តតូយ៉ូតាព្រូសចំទ្វារខាងស្តាំ បណ្តាលឱ្យរងការខូចខាតយ៉ាងដំណំ និងបង្កការភ្ញាក់ផ្អើលកាលពីវេលាម៉ោង១០ និង១០នាទីយប់ថ្ងៃទី២៣ មីនា ស្ថិតតាមបណ្តោយផ្លូវព្រះនរោត្តម កែងផ្លូវ១០៦ ត្រង់ចំណុចស្ពាននាគជិតវត្តភ្នំ ក្នុងសង្កាត់វត្តភ្នំ ខណ្ឌដូនពេញ ដែលនារីបើកបរខាងលើ មិនបានស្គាល់អត្តសញ្ញាណទេ ។
សាក្សីឃើញហេតុការណ៍ឱ្យដឹងថា មុនពេលកើតហេតុ គេឃើញបុរសម្នាក់បើករថយន្តម៉ាកតូយ៉ូតាព្រូស ពណ៌.ស ពាក់ស្លាកលេខភ្នំពេញ 2AD-8737 ។ បើកបរតាមបណ្តោយផ្លូវព្រះនរោត្តម ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ក៏ស្រាប់តែមាននារីរូបស្រស់សោភាម្នាក់ បើករថយន្តម៉ាកឡិចស៊ីស RX300 ពណ៌.ស្ករ ពាក់ស្លាកលេខភ្នំពេញ2AM-1750 ធ្វើដំណើរមកតាមបណ្តោយផ្លូវ១០៦ ទិសដៅពីកើតទៅលិចក្នុងល្បឿនយ៉ាងលឿន មិនបានប្រុងប្រយ័ត្ន បត់ទាំងមានល្បឿនលឿន ក៏ជ្រុលទៅបុករថយន្តតូយ៉ូតាព្រូសចំទ្វារខាងស្តាំ បណ្តាលឱ្យវិលមួយជុំ រងការខូចខាតក្រពិតទ្វារមុខចំហៀងខាងស្តាំ ។ ចំណែកឯរថយន្តបង្កវិញខ្ទេចមួយកំណាត់មុខចំហៀងខាងឆ្វេង ។
សមត្ថកិច្ចបង្ហើបឲ្យដឹងថា រថយន្តដែលនារីរូបស្រស់សោភាបើកនេះ ជារថយន្តទិញបង់រំលួស ទើបតែដាច់អស់ ស្រាប់តែមកជួបគ្រោះថ្នាក់បែបនេះតែម្តង ។ ក្រោយកើតហេតុ ភាគីទាំងសងខាងចង់យកត្រូវរៀងៗខ្លួន បានទូរស័ព្ទហៅខាងធានារ៉ាប់រងមករៀងៗខ្លួន ដោយក្រុមហ៊ុនធានារ៉ាប់រងខាងរថយន្តឡិចស៊ីសRX300ដឹងថា ខ្លួនខុសក៏ព្រមសងឱ្យរថយន្តតូយ៉ូតាព្រូសទៅជួសជុលឲ្យ ។
ចែករំលែកព័តមាននេះ