អតីតស្តេចប្រដាក់ហ្វីលីពីន Manny Pacquiao នឹងវិលត្រឡប់មកកាន់សង្វៀងវិញនៅខែធ្នូខាងមុខនេះ ដើម្បីប្រកួតជាលក្ខណៈក្រៅផ្លូវការ (exhibition fight) ទល់នឹងយូធូបបឺ (Youtuber) របស់កូរ៉េខាងត្បូង ដោយលោកចង់បង្ហាញ លោកនៅតែស្ថិតនៅក្នុងប្រដាល់ដដែល។
វីរុសបុរសប្រដាល់សកលវ័យ៤៣ឆ្នាំរូបនេះ បានចូលនិវត្តន៍ពីប្រដាល់កាលពីឆ្នាំមុន បន្ទាប់ពីចាញ់កីឡាករគុយបា Yordenis Ugás និងដើម្បីផ្តោតលើអាជីពនយោបាយ។ លោកកំពុងដើរតាមគន្លងរបស់កំពូលកីឡាករអាមេរិកមិនដែលស្គាល់ពាក្យថាចាញ់ Floyd Mayweather ដោយបង្កើតព្រឹត្តិការណ៍ប្រកួតក្រៅផ្លូវការ។
Manny Pacquiao នឹងប្រកួតជាមួយលោក DK Yoo នៅក្នុងទីក្រុងសេអ៊ូលនៅថ្ងៃទី១១ ខែធ្នូ ។ ប្រាក់ដែលទទួលបានពីការប្រកួតនឹងផ្តល់ទៅឱ្យអ៊ុយក្រែន និងប្រជាជនគ្មានផ្ទះសម្បែងក្នុងប្រទេសហ្វីលីពីន។
នៅក្នុងទីក្រុង Los Angeles កាលពីថ្ងៃព្រហស្បតិ៍ ទី ១៣ ដើម្បីផ្សព្វផ្សាយពីការប្រកួត ស្តេចប្រដាល់អាស៊ីដ៏ល្បីឈ្មោះរូបនេះ បានប្រលយពាក្យសម្តីថា លោកប្រហែលជាមិនចូលនិវត្តន៍ទាំងស្រុងនៅឡើយទេ។
លោកថ្លែងដូច្នេះថា «ខ្ញុំនឹងព្យាយាមបង្ហាញថា Manny Pacquiao នៅតែស្ថិតនៅក្នុងកីឡាប្រដាល់។ នេះជាការវិលត្រឡប់ទៅសង្វៀងវិញរបស់ខ្ញុំ។ វាជាចំណង់ចំណូលចិត្តរបស់ខ្ញុំ ដូច្នេះ ខ្ញុំត្រូវខំប្រឹង ទោះបីវាជាការប្រកួតក្រៅផ្លូវការក៏ដោយ»។
លោកបន្ថែមថា «លោកនឹងព្យាយាលផ្តួលគូប្រកួតឱ្យបានឆាប់ ដូច្នេះយើងអាចត្រឡប់ទៅផ្ទះបានឆាប់ដែរ»។លោកបន្ថែមថា លោកមានអារម្មណ៍ឯកោនៅពេលចូលនិវត្តន៍ពីប្រដាល់។
សូមបញ្ជាក់ថា Manny Pacquiao ធ្លាប់ប្រកួតបានចំនួន ៧២ដង ដោយឈ្នះ ៦២ដង ចាញ់ ៨ដង និងស្មើ ២ដង៕ (យោងតាមប្រភព៖ AFP)
ចែករំលែកព័តមាននេះ