កម្លាំងនគរបាលចុះបង្ក្រាបអ្នកលេងល្បែងខុសច្បាប់«អាចោរជើងមួយ»(មានវីដេអូ)
ខេត្តបាត់ដំបង ៖ មានសេចក្តីរាយការណ៍ពីករណីប្រព្រឹត្តល្បែងស៊ីសងខុសច្បាប់មួយកន្លែង
ខេត្តបាត់ដំបង ៖ មានសេចក្តីរាយការណ៍ពីករណីប្រព្រឹត្តល្បែងស៊ីសងខុសច្បាប់មួយកន្លែងដែលកម្លាំងនគរបាលព្រហ្មទណ្ឌកម្រិតស្រាលខេត្តបានចុះបង្ក្រាបកាលពីថ្ងៃទី23 ខែមីនា ឆ្នាំ2017 ស្ថិតក្នុងភូមិស្ពានទំនាប ឃុំបួរ ស្រុកភ្នំព្រឹក ខេត្តបាត់ដំបង ។
ហេតុការណ៍ឆ្មក់ចុះបង្ក្រាបអ្នកលេងល្បែងស៊ីសងខុសច្បាប់នោះផងដែរកម្លាំងនគរបាលក៏បានធ្វើការឃាត់ខ្លួនបានអ្នកលេងល្បែងអាប៉ោងខុសច្បាប់ចំនួន8នាក់ ក្នុងចំណោមអ្នកលេងខុសច្បាប់ជាច្រើនដែលបានរត់គេចខ្លួនរួមជាមួយនឹងម្ចាស់ផ្ទះដែលផ្តល់កន្លែងសម្រាប់ប្រព្រឹត្តល្បែងស៊ីសងនោះផងដែរ ។ ចំពោះវត្ថុតាងដែលកម្លាំងនគរបាលរឹបអូសបានមានដូចជា ចាន់សម្រាប់លេងអាប៉ោងចំនួនមួយ និងកម្រាលក្រាលមួយផងដែរ ។
បើតាមប្រភពពីប្រជាពលរដ្ឋបានឱ្យដឹងថា ម្ចាស់ផ្ទះដែលផ្តល់ទីតាំងលេងល្បែងអាប៉ោងខុសច្បាប់នោះឈ្មោះ ហេង ចំណាប់ អាយុ៣៧ឆ្នាំ ភេទប្រុស ដែលមានទីលំនៅក្នុងភូមិ-ឃុំកើតហេតុខាងលើ ហើយក៏ជាមន្ត្រីយោធាមួយរូបផងដែរ ។ នៅវេលាម៉ោង9និង45នាទីព្រឹកថ្ងៃទី24 ខែមីនា ឆ្នាំ2017 នេះកម្លាំងនគរបាលបានបញ្ជូនក្រុមអ្នកលេងល្បែងខុសច្បាប់ទាំង8នាក់ទៅកាន់តុលាការដើម្បីកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ