សម្ងំលេងភ្លេចបាយភ្លេចទឹកចុងក្រោយត្រូវ…
ខេត្តប៉ៃលិន ៖ ស្ត្រីចាស់ក្មេងចំនួន៥នាក់ត្រូវបាននគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តចាប់ឃាត់ខ្លួន ខណៈអង្គុយសម្ងំនាំគ្នាលេងល្បែងបៀរ
ខេត្តប៉ៃលិន ៖ ស្ត្រីចាស់ក្មេងចំនួន៥នាក់ត្រូវបាននគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តចាប់ឃាត់ខ្លួន ខណៈអង្គុយសម្ងំនាំគ្នាលេងល្បែងបៀរ លុះនគរបាលទទួលបានសេចក្តីរាយការណ៍ពីប្រជាពលរដ្ឋក៏ចុះទៅធ្វើការបង្ក្រាបចាប់ឃាត់ខ្លួនបញ្ជូនទៅស្នងការនគរបាលខេត្តប៉ៃលិនតែម្តង ។ ក្រោយពេលឃាត់ខ្លួនសួរនាំពួកគេសារភាពថា ការលេងល្បែងនេះអស់រយៈពេលជាយូរមកហើយដោយលេងតិចតួចៗប៉ុណ្ណោះ ។ ហេតុការណ៍ចុះបង្ក្រាបល្បែងស៊ីសងនេះបានធ្វើឡើងនៅវេលាម៉ោង៣និង១០នាទីរសៀល ថ្ងៃទី២៣ ខែមីនា ឆ្នាំ២០១៧ ស្ថិតនៅក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានពីលោកវរសេនីយ៍ឯក ឆម វ៉ាន់ធី នាយការិយាល័យព្រហ្មទណ្ឌកម្រិតធ្ងន់នៃស្នងការនគរបាលខេត្តប៉ៃលិនបានឱ្យដឹងថា បន្ទាប់ពីទទួលបានសេចក្តីរាយការណ៍កម្លាំងក្រុមបង្ក្រាបល្បែងស៊ីសងបានចុះបង្ក្រាបវង់ល្បែងលេងបៀរមួយកន្លែងនៅចំនុចជង្រុកស្រូវ ស្ថិតក្នុងភូមិខាងលើ ដោយឃាត់ខ្លួនមនុស្សចំនួន៥នាក់ដែលទី១-ឈ្មោះ ហ៊ុន ស ភេទស្រី អាយុ៣៥ឆ្នាំ, ទី២-ឈ្មោះ សេង ម៉ៅ ភេទស្រី អាយុ៣០ឆ្នាំ, ទី៣-ឈ្មោះ កែវ វុធថា ភេទស្រី អាយុ៤៥ឆ្នាំ, ទី៤-ឈ្មោះ មៀម នឿន ភេទស្រី អាយុ៥៦ឆ្នាំ និងទី៥-ឈ្មោះ ងឿប អី ភេទស្រី អាយុ៤៤ឆ្នាំ រស់នៅភូមិ-សង្កាត់កើតហេតុខាងលើ ។ បច្ចុប្បន្នស្ត្រីញៀននឹងល្បែងទាំង៥នាក់ខាងលើត្រូវនគរបាលកំពុងធ្វើការសាកសួរ និងរៀចំសំណុំរឿងតាមនីតិវិធីច្បាប់ ៕
ចែករំលែកព័តមាននេះ