ឃាត់ខ្លួនស្ត្រីម្នាក់ទៅតាមដីការបស់តុលាការ ពីបទជួញដូរគ្រឿងញៀ.ន
រាជធានីភ្នំពេញ ៖ ដោយយោងទៅតាមមាត្រា១៩៥ ដល់មាត្រា២០២ នៃក្រមព្រហ្មទណ្ឌ សំណុំរឿងព្រហ្មទណ្ឌលេខ ៤៨៦៥ ចុះថ្ងៃទី០៩ ខែតុលា ឆ្នាំ២០១៦
រាជធានីភ្នំពេញ ៖ ដោយយោងទៅតាមមាត្រា១៩៥ ដល់មាត្រា២០២ នៃក្រមព្រហ្មទណ្ឌ សំណុំរឿងព្រហ្មទណ្ឌលេខ ៤៨៦៥ ចុះថ្ងៃទី០៩ ខែតុលា ឆ្នាំ២០១៦
រាជធានីភ្នំពេញ ៖ ដោយយោងទៅតាមមាត្រា១៩៥ ដល់មាត្រា២០២ នៃក្រមព្រហ្មទណ្ឌ សំណុំរឿងព្រហ្មទណ្ឌលេខ ៤៨៦៥ ចុះថ្ងៃទី០៩ ខែតុលា ឆ្នាំ២០១៦ ដែលចេញដោយលោក ឡុង កេសភីរម្យ ចៅក្រមស៊ើបសួរនៃសាលាដំបូងរាជធានីភ្នំពេញនោះ កម្លាំងនគរបាលប៉ុស្តិ៍ផ្សារដើមថ្កូវបានធ្វើការឃាត់ខ្លួនស្ត្រីម្នាក់ ពីបទជួញដូរសាររធាតុញៀនដោយខុសច្បាប់។ ការឃាត់ខ្លួននេះដែរបានធ្វើឡើងកាលពីវេលាម៉ោង១០ និង៤០នាទីព្រឹក ថ្ងៃទី២៣ ខែមីនា ឆ្នាំ២០១៧ នៅចំណុចខាងមុខផ្ទះជួលគ្មានលេខ ផ្លូវព្រះមុនីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
តាមប្រភពព័ត៌មានពីនគរបាលប៉ុស្តិ៍ម្នាក់បានប្រាប់ឱ្យដឹងថា ស្ត្រីដែលបានឃាត់ខ្លួនមានឈ្មោះ សោម អូន ហៅស្រីវឿន អាយុ៤៩ឆ្នាំ មុខរបរនៅផ្ទះមើលចៅ ស្នាក់នៅផ្ទះលេខ២២ ផ្លូវព្រះមុនីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន។ ការចាប់ខ្លួននេះដែរ បានធ្វើឡើងក្រោយពីមានដីកាបង្គាប់ពីសាលាដំបូងរាជធានីភ្នំពេញ ដែលចេញដោយលោក ឡុង កេសភីរម្យ ចៅក្រមស៊ើបសួរនៃសាលាដំបូងរាជធានីភ្នំពេញ ដីកាលេខ ៦៥៧ <<ឃ>>ព្រ.ទ ចុះថ្ងៃទី១០ ខែតុលា ឆ្នាំ២០១៦ របស់សាលាដំបូងរាជធានីភ្នំពេញ ក្រោយពីពិនិត្យឃើញលើសំណុំរឿងរបស់ស្ត្រីខាងលើពីបទជួញដូរដោយខុសច្បាប់នូវសារធាតុញៀន។
ដែលបានប្រព្រឹត្តនៅចំណុចមុខផ្ទះគ្មាលេខ ច្រកផ្លូវតូចខាងក្រោយក្រុមហ៊ុន ឃ្យូប៊ី ច្រកផ្លូវតូច ផ្លូវព្រះមុនីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ កាលពីថ្ងៃទី០៧ ខែតុលា ឆ្នាំ២០១៦ កន្លងមកនោះ ហើយបានគេចខ្លួនបាត់អស់រយៈពេលជាច្រើនខែមកហើយនោះ។
តាមប្រភពដដែលបានប្រាប់បន្តទៀតថា ទើបក្នុងថ្ងៃនេះកម្លាំងរបស់លោកបានធ្វើការស្រាវជ្រាវ និងឈានទៅដល់ការឃាត់ខ្លួនស្ត្រីជាជនសង្ស័យជាប់ពាក់ព័ន្ធទៅនឹងការជួញដូរគ្រឿងញៀនខាងលើនេះ ដើម្បីចាត់ការទៅតាមផ្លុវច្បាប់ជាបន្តតែម្តង។
ក្រោយពេលដែលបានចាប់ឃាត់ខ្លួនស្ត្រីខាងលើដែលជាប់ពាក់ព័ន្ធការជួញដូរនូវសារធាតុញៀនដោយខុសច្បាប់ទៅតាមដីការបស់តុលាការខាងលើនេះរួចហើយ ក៏បាននាំមកធ្វើការសាកសួរ និងកំណត់ហេតុនៅនគរបាលប៉ុស្តិ៍ផ្សារដើមថ្កូវ ទើបបញ្ជូនទៅកាន់អធិការដ្ឋាននគរបាលខណ្ឌចំការមនចាត់ការទៅតាមនីតិវិធីនៃច្បាប់ជាបន្តទៅទៀត៕
ចែករំលែកព័តមាននេះ