យោងតាម YONHAP ថា យន្តហោះទម្លាក់គ្រាប់បែកយុទ្ធសាស្ត្រអាមេរិកធុនB-1B មួយគ្រឿង កាលពីថ្ងៃទី២២ មីនា បានហោះហើរលើដែនអាកាសកូរ៉េខាងត្បូងក្នុងក្របខណ្ឌនៃសមយុុទ្រយោធារួមប្រចាំឆ្នាំ
យោងតាម YONHAP ថា យន្តហោះទម្លាក់គ្រាប់បែកយុទ្ធសាស្ត្រអាមេរិកធុនB-1B មួយគ្រឿង កាលពីថ្ងៃទី២២ មីនា បានហោះហើរលើដែនអាកាសកូរ៉េខាងត្បូងក្នុងក្របខណ្ឌនៃសមយុុទ្រយោធារួមប្រចាំឆ្នាំ កូរ៉េខាងត្បូង-សហរដ្ឋអាមេរិកដែលកកំពុងប្រព្រឹត្តទៅដែលនោះថាការបញ្ជូនសារខ្លាំងមួយចំពោះកូរ៉េខាងជើង ។
យោងតាមកងទ័ពអាកាសកូរ៉េខាងត្បូងជាយន្តហោះB-1B បានធ្វើសមយុទ្ធដាក់ពង្រាយភ្លាមៗ ហើយធ្វើត្រាប់ជាការទម្លាក់គ្រាប់បែកក្នុងករណីបន្ទាន់នៅឧបទ្វីបកូរ៉េ ។
យន្តហោះនោះអមការពារដោយយន្តហោះប្រដេញមួយកងដែលមានយន្តហោះប្រដេញធុន F-15K និងKF-16 ជាដើមក្នុងក្របខណ្ឌនៃសមយុទ្ធយោធារួមប្រចាំឆ្នាំ ។
កងទ័ពអាកាសកូរ៉េខាងត្បូងអះអាងថាតាមរយៈសមយុទ្ធនេះកងទ័ពអាកាសកូរ៉េខាងត្បូងនិងអាមេរិកបានបង្ហាញពីសមត្ថភាពខ្លាំងរបស់ខ្លួនប្រឈមមុខនឹងការគំរាមកំហែងនុយក្លេអ៊ែរនិងមីស៊ីលរបស់កូរ៉េខាងជើង ។ សមយុទ្ធនេះមានទិសដៅកែលម្អលទ្ធភាពធ្វើប្រតិបត្តិការរួមគ្នានិងសមត្ថភាពតាក់ទិករួមព្រមទាំងសមត្ថភាពដាក់ពង្រាយដោយឆាប់រហ័សបណ្តាមធ្យោបាយយុទ្ធសាស្ត្រក្នុងករណីចាំបាច់ ។
ប្រភពយោធាមួយបញ្ជាក់ថាយន្តហោះ B-1B បានហោះហើរពីលើកោះ JIKDO ក្នុងសមុទ្រលឿងជាកន្លែងមានមូលដ្ឋានអាកាសចរណ៍អាមេរិកនៅកូរ៉េខាងត្បូងមុនពេលហោះទៅកាន់មូលដ្ឋានយោធាអាមេរិកនៅកោះហ្គាមវិញ ។
ការហោះមកកាន់កូរ៉េខាងត្បូងរបស់យន្តហោះយុទ្ធសាស្ត្រនោះកើតមានក្រោយពីកូរ៉េខាងជើងធ្វើការបាញ់សាកល្បងមីស៊ីលមួយដែលហាក់ដូចជាត្រូវបរាជ័យ ។
រដ្ឋការលោកដូណាល់ត្រាំបង្កើនការគាបសង្កត់លើក្រុងព្យុងយ៉ាងដែលមានឥរិយាបថកាន់តែបង្កហេតុ ។ នាវាមុជទឹកនុយក្លេអ៊ែរ USS COLUMBUS និងនាវាផ្ទុកយន្តហោះ CARL VINSON ក៏ចូលរួមក្នុងសមយុទ្ធយោធាទ្វេភាគីនោះដែរ ៕
ចែករំលែកព័តមាននេះ