រាជធានីភ្នំពេញ ៖ ការប្រកួតប្រដាល់ដណ្ដើមខ្សែក្រវាត់គោជល់ក្នុងប្រភេទទម្ងន់៥២គីឡូក្រាមនៅលើសង្វៀនទូរទស្សន៍ភីអិនអិន នៅថ្ងៃអាទិត្យទី២៦ មីនា ចុងសប្ដាហ៍នេះបានឈានចូលដល់វគ្គផ្ដាច់ព្រ័ត្រហើយ ។ អ្នកនិយម
រាជធានីភ្នំពេញ ៖ ការប្រកួតប្រដាល់ដណ្ដើមខ្សែក្រវាត់គោជល់ក្នុងប្រភេទទម្ងន់៥២គីឡូក្រាមនៅលើសង្វៀនទូរទស្សន៍ភីអិនអិន នៅថ្ងៃអាទិត្យទី២៦ មីនា ចុងសប្ដាហ៍នេះបានឈានចូលដល់វគ្គផ្ដាច់ព្រ័ត្រហើយ ។ អ្នកនិយមទស្សនាកីឡាប្រដាល់ភាគច្រើនកំពុងទន្ទឹងរង់ចាំមើលថាតើរវាងកីឡាករកម្ពុជាពេជ្រ ម្ទេសខ្មាំង មកពីក្លិបអរុណរះកីឡា និងកីឡាករថៃផេត ងិន ថង ដែលជាបេក្ខភាពឡើងប្រកួតនៅវគ្គផ្ដាច់ព្រ័ត្រនេះមួយណាសម្រេចគោលដៅក្លាយជាម្ចាស់ខ្សែក្រវាត់គោជល់ដែលកីឡាករភាគច្រើនប្រាថ្នាចង់បានដែរនោះ?
គេនៅចាំបានថា កាលប្រកួតវគ្គជម្រុះវិលជុំ ពេជ្រ ម្ទេសខ្មាំង ប្រកួត៤លើកឈ្នះ៣លើក និងបោះបង់ការប្រកួត១លើកដោយសារតែគេមានបញ្ហារបួសជើង ក្នុងពេលកីឡាករថៃផេត ងិនថង ប្រកួត៤លើកឈ្នះទាំង៤លើក ប៉ុន្តែមិនដែលជួបពេជ្រ ម្ទេសខ្មាំងទេ ។ ដូច្នេះការប្រកួតលើកនេះមិនទាន់ដឹងថាលទ្ធផលសមប្រកបនឹងធ្លាក់ក្នុងកណ្ដាប់ដៃកីឡាកររូបណាឡើយ ។ ទោះបីយ៉ាងណាសម្រាប់អ្នកតាមដានការប្រកួតភាគច្រើនគេមានជំនឿចិត្តលើពេជ្រ ម្ទេសខ្មាំង ច្រើនជាងដោយសារក្នុងចំណោមអ្នកប្រដាល់ជើងខ្លាំងថៃទាំង៣រូបដែលធ្លាប់ប៉ះជាមួយគេសុទ្ធតែចាញ់ទាំងអស់មានតែផេត ងិនថង ប៉ុណ្ណោះដែលមិនទាន់ជួប ។ ចាំមើលតំណែងជាម្ចាស់ខ្សែក្រវាត់គោជល់លើកនេះបានទៅលើអ្នកណា ?
នៅលើសង្វៀនដដែលក៏មានការប្រកួតមិត្តភាពចំនួន៣គូទៀតដូចជាកីឡាករ ខាំ ខ្លានាង មកក្លិបរ៉ាហាប់ស្វាយប៉ាក ប្រកួតជាមួយកីឡាករថៃឈ្មោះផេត អេកវេចា ក្នុងប្រភេទទម្ងន់៥១គីឡូក្រាម ។ កីឡាករ ហូ សុភា មកពីក្លិបឃ្លាំងមឿងកីឡា ប្រកួតជាមួយកីឡាករ ឡុង រ៉ាមី មកពីក្លិបខ្លារខិនមានរឹទ្ធ និងគូចុងក្រោយកីឡាករ សូត្រ ខេវិន មកពីក្លិបបក្សីស្លាបដែក ប្រកួតជាមួយកីឡាករ ងឿន វិចិត្រ មកពីក្លិបតាព្រហ្មមានជ័យ ៕
ចែករំលែកព័តមាននេះ