ខេត្តព្រះសីហនុ ៖ សេចក្តីរាយការណ៍ឱ្យដឹងថា មនុស្សម្នាក់ស្លា.ប់នៅនឹងកន្លែង និងក្មេងចាស់ប្រុស-ស្រី១០នាក់ ត្រូវបានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍មួយដែលបង្ករដោយខ្លួនឯង ដែលរថយន្តមួយគ្រឿងនេះមានដឹកក្រុមគ្រួសារដើម្បីទៅចូលរួមមង្គលការគេ ហើយត្រូវបានក្រឡាប់ ។
ខេត្តព្រះសីហនុ ៖ សេចក្តីរាយការណ៍ឱ្យដឹងថា មនុស្សម្នាក់ស្លាប់នៅនឹងកន្លែង និងក្មេងចាស់ប្រុស-ស្រី១០នាក់ ត្រូវបានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍មួយដែលបង្ករដោយខ្លួនឯង ដែលរថយន្តមួយគ្រឿងនេះមានដឹកក្រុមគ្រួសារដើម្បីទៅចូលរួមមង្គលការគេ ហើយត្រូវបានក្រឡាប់ ។
ហេតុការណ៍នេះ កើតឡើងកាលពីវេលាម៉ោង០៥ និង០៥នាទីល្ងាចថ្ងៃទី២២ មីនា ស្ថិតលើផ្លូវជាតិលេខ៤ ចន្លោះគីឡូម៉ែត្រ១៦៩-១៧០ ក្នុងភូមិតាពៅ ឃុំជើងគោ ស្រុកព្រៃនប់ ខេត្តព្រះសីហនុ ។
បើតាមសមត្ថកិច្ចឱ្យដឹងថា រថយន្តខាងលើ គឺម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខភ្នំពេញ 3C-7090 បើកបរដោយឈ្មោះបេន បូនី អាយុ៣៥ឆ្នាំ មានទីលំនៅក្នុងភូមិពងទឹក ឃុំស្តេចគង់ ស្រុកបន្ទាយមាស ខេត្តកំពត ។
ប្រភពបន្តថា រថយន្តខាងលើបានក្រឡាប់ខណៈពេលមេឃកំពុងធ្លាក់ភ្លៀងខ្លាំង ធ្វើឱ្យរថយន្តរអិលធ្លាក់ផ្លូវក្រឡាប់បោះមនុស្សចោលដូចបោះដុំដី ។ បន្ទាប់ពីកើតហេតុ គេឃើញក្រុមគ្រួសារបញ្ជូនសាកសព ទៅធ្វើបុណ្យតាមប្រពៃណី ។ រីឯអ្នករងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យឯកជនមួយ ។
ចែករំលែកព័តមាននេះ