រាជធានីភ្នំពេញ ៖ ពិធីការិនីឆ្នើមផ្ការីកគ្រប់រដូវ គឺអ្នកនាងគង់ សុជាតិ ត្រូវបានក្រុមហ៊ុនម្ស៉ៅទឹកដោះគោល្បីឈ្មោះនៅប្រទេសស៊ីងហ្គាពួរអនុញ្ញាតឱ្យទទួលតំណែងផ្សាយផលិតផលម្សៅទឹកដោះគោ ដែលមានសារប្រយោជន៍ចំពោះកុមារឱ្យមានសុខភាពល្អ ។ នេះជាការទទួលបានលាភធំមួយទៀត សម្រាប់គង់ សុជាតិ និងលោកជា វិបុល ។
តំណាងក្រុមហ៊ុនបានបញ្ជាក់ថា ទារិកាជា សុជាតិនារី ដែលជាកូនស្រីរបស់អ្នកនាង គង់ សុជាតិ ត្រូវបានស្នងដំណែងជា Brand Ambassador របស់ម្សៅទឹកដោះគោ នូទ្រីលេត របស់ម្សៅទឹកដោះគោ ។ ទារិកា ជា សុជាតិនារី នឹងត្រូវទទួលបាននូវការប្រើប្រាស់ផលិតផលម្សៅទឹកដោះគោ នូទ្រីលេត រយៈពេល៣ឆ្នាំ ដោយឥតគិតថ្លៃពីក្រុមហ៊ុនម្សៅទឹកដោះគោ ។
អ្នកនាង គង់ សុជាតិ បានពន្យល់ប្រាប់ថា នូទ្រីលេតជាផលិតផលមួយ ដែលល្អបំផុតពីប្រទេសសិង្ហបុរី ក្រោយពេលដែលនាងខ្ញុំបានទៅធ្វើទស្សនកិច្ចសិក្សាផ្ទាល់ពីផលិតផល និងការផលិតនៅប្រទេសសិង្ហបុរី ក៏បានមើលឃើញថា ការផលិត និងការវេចខ្ចប់គឺមានលក្ខណៈត្រឹមត្រូវ តាមស្តង់ដារអន្តរជាតិ ដែលធ្វើឲ្យនាងខ្ញុំគឺមានទំនុកចិត្តយ៉ាងច្បាស់ថា នូទ្រីលេត គឺពិតជាផលិតផលមួយដែលល្អសាកសមបំផុតសម្រាប់ទារក និងកុមារ ហើយជាពិសេសកូនរបស់នាងខ្ញុំក៏បានប្រើប្រាស់នូវផលិតផលម្សៅទឹកដោះគោ នូទ្រីលេត ផងដែរ ដោយទើបតែប្រើប្រាស់បានមួយរយៈពេលខ្លីប៉ុណ្ណោះ ក៏មើលឃើញថា កូនស្រីរបស់នាងខ្ញុំមានការលូតលាស់យ៉ាងខ្លាំងខុសពីធម្មតា។ ដូច្នេះហើយ ទើបនាងខ្ញុំបានអនុញ្ញាតឱ្យកូនស្រីរបស់នាងខ្ញុំ ធ្វើជាអ្នកតំណាងអោយផលិតផលម្សៅទឹកដោះគោ តាមការស្នើសុំរបស់ក្រុមហ៊ុន។
អ្នកនាងបានជឿជាក់យ៉ាងមុតមាំថា កូនស្រីរបស់នាងខ្ញុំនឹងមានសុខភាពរឹងមាំ និងមានភាពវ័យឆ្លាតបន្ថែមជាមួយនឹងការលូតលាស់បានល្អពីការប្រើប្រាស់ផលិតផលម្សៅទឹកដោះគោនេះ ។
ចែករំលែកព័តមាននេះ