រាជធានីភ្នំពេញ ៖ លោកទិត្យ វិច្ឆិកា មានរឿងចម្រូងចម្រាស់ទាក់ទិននឹងការទិញផ្ទះល្វែង ។
ទាំងលោកវិច្ឆិកា និងក្រុមហ៊ុនផ្ទះល្វែង មានអំណះអំណាង ហេតុផលរៀងខ្លួន ។
បើតាមលោកសាម៉ន បណ្ឌិត្យ តំណាងលោកសាបូ អូហ្សាណូ អគ្គនាយកគ្រឹះស្ថានមីក្រូហិរញ្ញវត្ថុឌែលតា ភីអិលស៊ីឱ្យដឹងថា«លោកទិត្យ វិច្ឆិកា បង្ហោះព័ត៌មានតាមហ្វេសប៊ុកជារឿងប៉ះពាល់ខាងក្រុមហ៊ុន ដោយសារតែអ្នកពាក់ព័ន្ឋបោកលុយយកទៅនោះចាប់ដាក់គុកទៅហើយ ខណៈអគ្គនាយកក៏ជាជនរងគ្រោះដែរ ។
ក្នុងពេលលោកថា ថុន នៅគ្រប់គ្រងតំណែងជានាយកប្រតិបត្តិគ្រឹះស្ថានឌែលតា បានលួចបើកក្រុមហ៊ុនផ្ទាល់ខ្លួនឈ្មោះថាTNLដោយទទួលបង់រំលស់ផ្ទះក្នុងតម្លៃទាបនៅភូមិស្ងួនពេជ្រ ខណ្ឌដង្កោ ជាយក្រុងភ្នំពេញ ។ លោកថា ថុន តម្រូវឱ្យអ្នកទិញ ព្រមជាមួយតារាចម្រៀងទិត្យ វិច្ឆិកាបង់មុន៣.៥០០ដុល្លារជាមុនសិន ទើបអាចបង់រំលស់យកផ្ទះនោះបាន ។ បុគ្គលថា ថុន ប្រើល្បិចឱ្យបង់រំលស់ក្នុងតម្លៃថោកទើបត្រូវចូលគុកកាលពីប៉ុន្មានខែមុន ។ លោកថុន ក្រោយពេលទទួលយកលុយកក់ហើយ ទទួលបានលុយដែលអតិថិជនខ្ចីពីឌែលតាហើយគាត់អត់មានសង់ផ្ទះទេ ទើបបង្កឱ្យអតថិជនឌែលតា ដែលខ្ចីទិញផ្ទះអត់បង់តាមការកំណត់ ទើបចេញជារឿងហ្នឹងទៅ ។
អត់ដឹងថាម្ចាស់ក្រុមហ៊ុនTNLជារបស់លោកថា ថុន នោះទេ ទាល់សើរើទើបដឹងថាគាត់ជាអ្នកធ្វើការឱ្យក្រុមហ៊ុនខ្លួនឯងទើបបញ្ជូនទៅតុលាការ ។
ស្របពេលមានបញ្ហានេះក៏ខាងម្ចាស់គ្រឹះស្ថានឌែលតា នៅតែបន្តគម្រោងសង់ផ្ទះនោះជូនអតិថិជនឱ្យគាត់កក់ក្តៅដែលមានឈ្មោះខ្ចីលុយទៅបង់រំលស់ឱ្យទៀងទាត់ខែហើយ១៦គ្រួសារ និងបូកទាំងវិច្ឆិកាទៀតគេមិនព្រមគិតតែចង់បានលុយវិញទាំងអស់ ដោយមិនខ្វល់បង់រំលស់បំណុលទាំងនោះដែលមានឈ្មោះខ្លួនឯងផ្តិតមេដៃខ្ចីទើបក្លាយជាបែបនេះ ។ ទិត្យ វិច្ឆិកាចង់ឱ្យលុបឯកសារដោយមិនបង់លុយ ឬអត់លុយឱ្យ៥០០ដុល្លារ ក៏មិនជាបញ្ហាចោទពេកនោះទេ តែគាត់មកបង្ខូចឈ្មោះក្រុមហ៊ុនឌែលតាប្រគល់លុយឱ្យបាន៣៥០០ដុល្លារវិញ ទាំងរឿងនេះមិនសមបើឈ្មោះថា ថុន ជាអ្នកបោកសោះបើក្រុមហ៊ុនយើងត្រូវគេបន្លំដែរនោះ ។
អគ្គនាយកគ្រឹះស្ថានមីក្រូហិរញ្ញវត្ថុឌែលតា មិនមានជំនួញសង់ផ្ទះបង់រំលស់នោះទេ ព្រោះយល់ថាមានជនរងគ្រោះសុទ្ឋតែចាញ់បោកឈ្មោះថា ថុនដោយខ្ចីលុយពីឌែលតា ទៅបង់ថ្លៃផ្ទះ បែរជាអត់បានផ្ទះនោះក៏សុខចិត្តចំណាយទុនសង់ផ្ទះនោះឱ្យតែអតិថិជនបង់ទៀងទាត់ខែ» ។
លោកសាម៉ន បណ្ឌិតបន្តថា«ចំណែកលោកទិត្យ វិច្ឆិកា បានបញ្ជាក់ថាលោកត្រូវការយកលុយសរុបចំនួន៣.៥០០ដុល្លារវិញ ដោយមិនចង់បានផ្ទះសំណង់ខាងលើនោះទេ បើមិនលុបបំណុលដែលមានឈ្មោះលោកផ្តិតមេដៃនោះទេ លោកនឹងប្រើហ្វេសប៊ុករបស់លោកទាមទារឱ្យគ្រឹះស្ថានខាងលើរកគន្លឹះឱ្យបាន បន្ទាប់ពីលោកក៏មានគម្រោងដាក់ពាក្យប្តឹងទៅខណ្ឌពោធិ៍សែនជ័យផងដែរ ។ យ៉ាងណាមិញខាងក្រុមហ៊ុននៅតែប្រកាន់ជំហរថាចប់ ឬមិនចប់នៅលើលោកវិចិ្ឆកា បើព្រមបង់បំណុលដើម្បីយកផ្ទះ ឬចោលលុយកក់ ហើយគួរតែថមថយការយកឈ្មោះគេមកពាក់ព័ន្ធ» ៕
ចែករំលែកព័តមាននេះ