ខេត្តកំពង់ធំ ៖ លោកឧត្តមសេនីយ៍ទោ ជូ សំអាន ស្នងការដ្ឋាននគរបាលខេត្តកំពង់ធំ បានលើកឡើងថា ប្រសិនណា ថ្ងៃក្រោយបងប្អូនគ្រួសារសាច់ញាតិយុទ្ធពលីណាជួបប្រទះនូវទុក្ខលំបាក
ខេត្តកំពង់ធំ ៖ លោកឧត្តមសេនីយ៍ទោ ជូ សំអាន ស្នងការដ្ឋាននគរបាលខេត្តកំពង់ធំ បានលើកឡើងថា ប្រសិនណា ថ្ងៃក្រោយបងប្អូនគ្រួសារសាច់ញាតិយុទ្ធពលីណាជួបប្រទះនូវទុក្ខលំបាកដោយប្រការណាមួយនោះ សូម អញ្ជើញមកកាន់ ស្នងការនគរបាលខេត្ត លោកនឹងជួយឧបត្ថម្ភទៅតាមលទ្ធភាពរបស់លោក។
លោកស្នងការមានប្រសាន៍យ៉ាងដូច្នេះ នៅក្នុងពិធីប្រគល់ថវិកាសមាគមមិត្តនគរបាលជាតិ នៃស្នងការដ្ឋាននគរបាលខេត្ត ដែលបានពលីជីវិតដើម្បីបម្រើជាតិ និងប្រជាជនចំនួន៥រូប ដោយមានការចូលរួមពីលោកស្នងការរងជូនដល់ក្រុមគ្រួសារនៃសព រួមមាន ទី១.គ្រួសារសព របស់ លោកវរៈសេនីយ៍ត្រី ទួល សុខ ជាមន្ត្រីនគរបាលចូលនិវត្តន៍ចំនួន ៤លានរៀល ទី២.គ្រួសារសព លោកអនុសេនីយ៍ ឯក ហ៊ឺង លឹម ជាមន្ត្រីនគរបាលចូលនិវត្តន៍ចំនួន ៤លានរៀល ទី៣.គ្រួសារសពរបស់លោកពលបាល ឯក ចយ ណង មន្ត្រីនគរបាលចូលនិវត្តន៍ចំនួន ៤លានរៀល ទី៤.ជូនគ្រួសារសពអ្នកស្រី ចាន់ ប៊ុនធឿន ភរិយារបស់លោកវរៈសេនីយ៍ត្រី ថុក សុធី ជាមន្ត្រីនគរបាលចូលនិវត្តន៍ចំនួន១លានរៀល និងទី៥.គ្រួសារសពរបស់លោក អាំ សុន្ទរិន ត្រូវជាប្តីរបស់ អ្នកស្រីព្រិន្ទបាលឯក នៅ ឈុនណារិទ្ធ ជាមន្ត្រីកិច្ចការប៉ុស្តិ៍នគរបាលរដ្ឋបាលចំនួន១លានរៀល សរុបថវិកាចំនួន១៤ លានរៀល។
លោកបន្តថា ក្នុងនាមស្នងការនគរបាលខេត្តតំណាងឲ្យមន្ត្រីនគរបាលទូទាំងខេត្តកំពង់ធំ សូមចូលរួម ចំណែក រំលែកទុក្ខយ៉ាងក្រៀមក្រំខ្លោចផ្សាជាមួយនឹងក្រុមគ្រួសារនៃសពដែលបានលះបង់ប្តី-ប្រពន្ធឲ្យចូលបម្រើជា នគរបាលជាតិ ដើម្បីការពារសន្តិសុខ សុវត្ថិភាព សណ្តាប់ធ្នាប់ជូនប្រជាពលរដ្ឋ និងប្រទេសជាតិរបស់យើងរហូត ពលី ជីវិតក្នុងបុព្វហេតុជាតិ និងមាតុភូមិ។ គុណបំណាច់ទាំងអស់នេះ រាជរដ្ឋាភិបាល លោកមិនដែលបំភ្លេចនូវវីរភាពរបស់ យុទ្ធជន យុទ្ធនារីរបស់យើងនោះឡើយ។
លោកឧត្តមសេនីយ៍ទោបានផ្តាំផ្ញើថា បន្ទាប់ពីបានទទួលថវិកាទាំងអស់នេះ ហើយ សូមយកថវិកាទាំងអស់នេះទៅប្រើប្រាស់ឲ្យចំគោលដៅ ជួយទំនុកបម្រុងដល់កូនៗដែលកំពុងស្ថិតនៅ ក្នុងវ័យ សិក្សា ដើម្បីពួកគេមានអនាគតភ្លឺថ្លា ព្រមទាំងជួយសម្រួលដល់ជីវីភាពក្នុងគ្រួសារផងដែរ៕
ចែករំលែកព័តមាននេះ