ទីតាំងម៉ាស្សាកោសជប់បង្កប់សេវាបំរើផ្លូវភេទជាប់អន្ទាក់សមត្ថកិច្ច(មានវីដេអូ)
រាជធានីភ្នំពេញ ៖ បុរសម្នាក់ និងស្ត្រីម្នាក់ដែលសមត្ថកិច្ចអះអាងថា បានជាប់ពាក់ពន្ធនឹងអំពើសញ្ចារកម្មបើកទីតាំងម៉ាស្សាកោសជប់
រាជធានីភ្នំពេញ ៖ បុរសម្នាក់ និងស្ត្រីម្នាក់ដែលសមត្ថកិច្ចអះអាងថា បានជាប់ពាក់ពន្ធនឹងអំពើសញ្ចារកម្មបើកទីតាំងម៉ាស្សាកោសជប់
រាជធានីភ្នំពេញ ៖ បុរសម្នាក់ និងស្ត្រីម្នាក់ដែលសមត្ថកិច្ចអះអាងថា បានជាប់ពាក់ពន្ធនឹងអំពើសញ្ចារកម្មបើកទីតាំងម៉ាស្សាកោសជប់យីហោ7777ត្រជាក់ ស្ថិតនៅភូមិគោកឃ្លាង សង្កាត់់ភ្នំពេញថ្មី ខណ្ឌសែនសុខ កាលពីថ្ងៃទី២០ ខែមីនា ឆ្នាំ២០១៧ ត្រូវបានសមត្ថកិច្ចនាយកដ្ឋាននគរបាលប្រឆាំងការជួញដូរមនុស្ស និងការពារអនិតិជនក្រសួងមហាផ្ទៃឃាត់ខ្លួន និងបញ្ជូនទៅកាន់សាលាដំបូងរាជធានីភ្នំពេញនៅព្រឹកថ្ងៃទី២២ ខែមីនា ឆ្នាំ២០១៧ ដើម្បីធ្វើការចោទប្រកាន់តាមផ្លូវច្បាប់ ។
ជនសង្ស័យម្នាក់ឈ្មោះ ញ៉ែម សារុំ ភេទប្រុស អាយុ៣៧ឆ្នាំ និងម្នាក់ឈ្មោះ ថាច់ ថង ភេទស្រី អាយុ៤២ឆ្នាំ ពួកគេស្នាក់នៅផ្ទះជួល ផ្លូវ២០១១ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ដែលជាទីតាំងម៉ាស្សាកោសជប់ខាងលើនេះ ។ សមត្ថកិច្ចឲ្យដឹងថា ពេលចុះទៅបង្ក្រាបទីតាំងម៉ាស្សាកោសជប់មួយកន្លែងនេះបានធ្វើការឃាត់ខ្លួនជនសង្ស័យ២នាក់ជាប់ពាក់ព័ន្ធក្នុងអំពើសញ្ចារកម្ម និងរំដោះនារីបម្រើផ្លូវភេទចំនួន៤នាក់ប្រគល់ឲ្យទៅមន្ទីរសង្គមកិច្ច ។ ក្នុងនោះសមត្ថកិច្ចក៏មានការដកហូតយកនូវវត្ថុតាងជាប់ពាក់ព័ន្ធបទល្មើសរួមមាន ស្រោមអនាម័យមួយចំនួនទៀតផង ។
ទោះជាយ៉ាងណានៅសាលាដំបូងរាជធានីភ្នំពេញជនសង្ស័យទាំង២នាក់បានបដិសេធថា ពួកគេមិនមែនជាថៅកែបើកទីតាំងម៉ាស្សាកោសជប់ យីហោ7777នោះទេ បុរសឈ្មោះ ញ៉ែម សារុំ បានសារភាពថា ខ្លួនជាភ្ញៀវទៅរកសេវាផ្លូវភេទ ចំណែកឈ្មោះ ថាច់ ថង ថានាងគ្រាន់តែជាអ្នកដាំបាយឲ្យម្ចាស់ហាង7777ត្រជាក់ចិត្ត ត្រូវសមត្ថកិច្ចចាប់ខ្លួនដែរ ៕
ចែករំលែកព័តមាននេះ