លោកវិកទ័រ ក្លាដូវ នាយកផ្នែកកិច្ចសហប្រតិបត្តិការអន្តរជាតិរបស់ ROSTEC ថ្លែងថា ខ្ញុំជឿជាក់ថា កុងត្រាមួយស្តីពីការប្រគល់ឧទ្ធម្ភាគចក្រធុន MI-17V-5 ចំនួន៤៨គ្រឿង នឹងត្រូវចុះហត្ថលេខាមុនដំណាច់ឆ្នាំនេះ ។ លោកបន្តថា
ក្រុមហ៊ុនបច្ចេកវិទ្យាជាន់ខ្ពស់រុស្ស៊ី ROSTEC រាយការណ៍នាថ្ងៃទី២១ មីនា ថា ប្រទេសរុស្ស៊ីត្រៀមចុះហត្ថលេខាជាមួយឥណ្ឌាលើកុងត្រាស្តីពីការលក់ឧទ្ធម្ភាគចក្រធុន MI-17V-5 ចំនួន៤៨គ្រឿង និងនាវាពិឃាតគម្រោង១១.៣៥៦ចំនួន៤គ្រឿង ។
លោកវិកទ័រ ក្លាដូវ នាយកផ្នែកកិច្ចសហប្រតិបត្តិការអន្តរជាតិរបស់ ROSTEC ថ្លែងថា ខ្ញុំជឿជាក់ថា កុងត្រាមួយស្តីពីការប្រគល់ឧទ្ធម្ភាគចក្រធុន MI-17V-5 ចំនួន៤៨គ្រឿង នឹងត្រូវចុះហត្ថលេខាមុនដំណាច់ឆ្នាំនេះ ។ លោកបន្តថា ប្រទេសទាំង២ ក៏ត្រូវចុះហត្ថលេខាផងដែរលើកិច្ចព្រមព្រៀងមួយដែលគ្រោងកសាងនាវាពិឃាតគម្រោង១១.៣៥៦ចំនួន២គ្រឿង នៅឥណ្ឌាក្រោមអាជ្ញាប័ណ្ណរបស់រុស្ស៊ី និងការប្រគល់ឱ្យក្រុងញូវដែល្លីនូវនាវាពិឃាត២គ្រឿងទៀតកសាងនៅរុស្ស៊ី។
ប្រទេសឥណ្ឌាជាអ្នកនាំចូលធំមួយនៃឧទ្ធម្ភាគចក្រ ព្រមទាំងសម្ភារយោធារុស្ស៊ីឯទៀតៗ ។ គ្រាន់តែរយៈពេល៥ឆ្នាំចុងក្រោយនេះ រុស្ស៊ីផ្តល់ឧទ្ធម្ភាគចក្រធុន MI-17V-5 ចំនួន១២១គ្រឿងឱ្យឥណ្ឌា ។ សរុបកងទ័ពអាកាសឥណ្ឌាមានឧទ្ធម្ភាគចក្រធុន MI-8 និង MI-17 ដល់ទៅ៣០០គ្រឿង ។
ចំពោះនាវាចម្បាំងប្រភេទ១១៣៥៦ គឺ សម្រាប់ធ្វើប្រតិបត្តិការនានាប្រឆាំងបណ្តានាវា និងនាវាមុជទឹកក្នុងបណ្តាសមុទ្រ និងមហាសមុទ្រ ព្រមទាំងដើម្បីរារាំងការវាយប្រហារតាមអាកាស ។ នាវាទាំងនេះបំពាក់ដោយមីស៊ីលសមុទ្រ-សមុទ្រ មីស៊ីលសមុទ្រ-អាកាស ព្រមទាំងកាំភ្លើងធំ គ្រាប់បែកបុក ព្រមទាំងគ្រាប់បែកនានាទៀត ៕
ចែករំលែកព័តមាននេះ