រាជធានីភ្នំពេញ ៖ ទាក់ទិនករណីមន្ត្រីនគរបាលជាតិមួយរូប ឈ្មោះស្វាយ ពិសិដ្ឋ បម្រើការងារនៅនាយកដ្ឋានស្ថិតិប្រជាពលរដ្ឋនៃអគ្គនាយកដ្ឋានអត្តសញ្ញាណកម្ម ដែលបានធ្វើសកម្មភាពបា.ញ់បោះសេរីឡើងលើប្រមាណជិត១០គ្រាប់នៅមុខផ្ទះរបស់ខ្លួន ស្ថិត
រាជធានីភ្នំពេញ ៖ ទាក់ទិនករណីមន្ត្រីនគរបាលជាតិមួយរូប ឈ្មោះស្វាយ ពិសិដ្ឋ បម្រើការងារនៅនាយកដ្ឋានស្ថិតិប្រជាពលរដ្ឋនៃអគ្គនាយកដ្ឋានអត្តសញ្ញាណកម្ម ដែលបានធ្វើសកម្មភាពបាញ់បោះសេរីឡើងលើប្រមាណជិត១០គ្រាប់នៅមុខផ្ទះរបស់ខ្លួន ស្ថិតនៅក្នុងបុរី «សម្បត្តិមានហេង» ក្នុងខណ្ឌច្បារអំពៅ កើតឡើងកាលពីល្ងាចថ្ងៃទី១៩ មីនា ហើយត្រូវកម្លាំងចាប់បញ្ជូនខ្លួនទៅឃុំនៅអធិការដ្ឋាននគរបាលខណ្ឌច្បារអំពៅ ពេលនេះត្រូវបានបញ្ជូនបន្តទៅកាន់នាយកដ្ឋានដើមវិញ កាលពីថ្ងៃទី២៣ មីនា តាមការស្នើសុំរបស់លោកឧត្តមសេនីយ៍ ម៉ៅ ចាន់តារា អគ្គនាយកដ្ឋានអត្តសញ្ញាណកម្ម ។ ថតបានសកម្មភាពដកអាកាបាញ់រះ «ប៉ូលិសដែលខឹងប្រពន្ធផឹក»
ចំពោះការបញ្ជូនខ្លួនទៅកាន់នាយកដ្ឋានដើមវិញ ក្រៅប្រព័ន្ធតុលាការបែបនេះ ក៏ត្រូវបានមហាជនរិះគន់ថា ជនប្រព្រឹត្តិបទល្មើសមានខ្សែ និងបក្សពួកក្រាស់ដល់ថ្នាក់នាយឧត្តមសេនីយ៍ចេញមុខអន្តរាគមន៍ ទើបរួចខ្លួនមានសេរីភាពយ៉ាងរំភើយ ។ តែបើមន្ត្រីតូចតាចមានកំហុសរដ្ឋបាលកំប៉ិកកំប៉ុកវិញ ត្រូវដកបញ្ឈរជើងរាប់ខែឆ្នាំ គ្មានអនុគ្រោះឡើយ ។ ហើយម្យ៉ាងទៀត ការដោះលែងបែបនេះ គឺផ្ទុយពីច្បាប់ទាំងស្រុងតែម្តង ។
មហាជនលើកឡើងទៀតថា ធ្វើបែបនេះ គឺជនប្រព្រឹត្តបទល្មើសអាចមិនរាងចាល ហើយអាចទៅបង្កអំពើអនាធិបតេយ្យបាញ់បោះសេរី ដែលឈានទៅបង្កគ្រោះថ្នាក់ដល់ប្រជាពលរដ្ឋនៅថ្ងៃណាមួយមិនខានឡើយ ។ ករណីដែលបានបង្កកន្លងមក សំណាងហើយមិនបណ្តាលឱ្យមានគ្រោះថ្នាក់ដល់អ្នកដទៃ តែបានបង្កការភ្ញាក់ផ្អើល និងភ័យខ្លាចខ្លាំងណាស់ ដល់អ្នកជិតខាង ដោយសារតែស្នូរគ្រាប់កាំភ្លើងបន្លឺឡើងដូចរន្ទះបែបនេះ ។
មានការរិះគន់បន្តទៀតថា ចំណារលោកឧត្តមសេនីយ៍ ម៉ៅ ចាន់តារា បានរៀបរាប់ពីអត្តចរិតស្លូតបូតរបស់ឈ្មោះស្វាយ ពិសិដ្ឋ ។តែធាតុពិត បើគាត់ជាមន្ត្រីល្អមែននោះ ម៉េចបានជាមិនដឹងច្បាប់ទម្លាប់សោះបែបនេះ ។
អ្នកតាមដានហេតុការណ៍ខាងលើនេះបានលើកឡើងថា ដំបូងឡើយ មហាជនបានស្ងើចសរសើរចំណាត់ការរបស់នគរបាលគ្រប់ជាន់ថ្នាក់ ដែលបានអនុវត្តច្បាប់លើឈ្មោះស្វាយ ពិសិដ្ឋ ។ តែចុងក្រោយធូរខ្ស៊ុយ មិនខ្វល់ពីការរិះគន់របស់ប្រជាពលរដ្ឋឡើយ។
គួររំលឹកថា កាលពីថ្ងៃទី១៩ មីនា ឆ្នាំ២០១៧ ឈ្មោះស្វាយ ពិសិដ្ឋ បានបាញ់រះឡើងលើជាច្រើនគ្រាប់គំរាមអ្នកជិតខាង ក្នុងរឿងប្រចណ្ឌប្រពន្ធខ្លួនជាមួយអ្នកជិតខាង ហើយម្យ៉ាង ដោយសារខឹងប្រពន្ធផឹកស៊ីច្រៀងខារ៉ាអូខេទៀតផង ។
ចែករំលែកព័តមាននេះ