លោកឈិនឡុង រងការរិះគន់ ក្រោយបច្ចុប្បន្នភាពរបស់កូនស្រីកំពុងផ្ទុះលើបណ្តាញសង្គម
ចិន ៖ យោងតាមប្រភពពីសារព័ត៌មានចិន China Press បានចេញផ្សាយថា កំពូលតារាសម្តែង
ចិន ៖ យោងតាមប្រភពពីសារព័ត៌មានចិន China Press បានចេញផ្សាយថា កំពូលតារាសម្តែង
ចិន ៖ យោងតាមប្រភពពីសារព័ត៌មានចិន China Press បានចេញផ្សាយថា កំពូលតារាសម្តែងហុងកុង លោក Jackie Chan ដែលប្រជាជនកម្ពុជាស្គាល់យ៉ាងច្បាស់ថា «ឈិនឡុង» ត្រូវបានមហាជនចោទប្រកាន់ជុំវិញភាពធ្វេសប្រហែសលើការគ្រប់គ្រង និងផ្តល់ក្តីស្រឡាញ់ចំពោះគ្រួសារ បន្ទាប់ពីកូនស្រីបង្កើតរបស់គាត់ ដែលមានឈ្មោះថា Etta Ng Chok-Lam វ័យ២២ឆ្នាំ កំពុងរស់នៅជាមួយជីវភាពយ៉ាងត្រដាបត្រដួសជាទីបំផុតនៅក្នុងប្រទេសកាណាដា។
នាង Etta Ng ត្រូវបានគេថតជាប់ស្ថិតក្នុងសំលៀកបំពាក់អាវរងា និងខោខូវប៊យ កំពុងតម្រង់ជួររង់ចាំទទួលអាហារឥតគិតថ្លៃ ដែលត្រូវចែកដល់ជនក្រីក្រដោយហាងលក់ស៊ុបមួយកន្លែងនៅក្នុងទីក្រុង Toronto ប្រទេសកាណាដា។ ហើយរូបរបស់នាង ត្រូវបានចែកចាយលើបណ្តាញទំនាក់ទំនងសង្គមកាលពីថ្ងៃអាទិត្យសប្តាហ៍មុន ខណៈនៅថ្ងៃដដែលនោះ លោក Jackie Chan ត្រូវបានគេឃើញផ្សព្វផ្សាយអំពីជីវប្រវត្តិរបស់គាត់ជាមួយចំណងជើងថា «I am Jackie Chan» នៅលើបណ្តាញ Weibo។
អ្នកនិយមលេងបណ្តាញទំនាក់ទំនងជាច្រើននាក់ បានកត់សម្គាល់ថា Etta Ng កំពុងឆ្លងកាត់ពេលវេលាដ៏លំបាកដោយត្រូវពឹងផ្អែកលើការតម្រង់ជួរទទួលអាហារឥតគិតថ្លៃ។ ហើយពួកគេបាននាំគ្នារិះគន់លោក Jackie Chan ដែលមិនបានបង្ហាញការព្រួយបារម្ភចំពោះកូនស្រីបង្កើតរបស់ខ្លួនទាល់តែសោះ។
មតិមួយក្នុងចំណោមមតិជាច្រើនបានលើកឡើងថា ស្ថានភាពជីវភាពកូនស្រីរបស់អ្នក (Jackie Chan) លំបាកខ្លាំងណាស់ ដែលឥឡូវនេះ នាងត្រូវរង់ចាំទទួលអាហារនៅតាមដងផ្លូវ ប៉ុន្តែអ្នកបែរជាជ្រើសរើសយកការមិនព្រួយបារម្ភចំពោះនាងទៅវិញ។
គួររំលឹកថា Etta Ng គឺជាកូនស្រីបន្សល់ទុកពីចំណងដៃស្នេហាលួចលាក់របស់លោក Jackie Chan ជាមួយនឹងលោកស្រី Elaine Ng អតីតតារាសម្តែង និងជាបវរកញ្ញាសម្រស់ប្រចាំទូរទស្សន៍ Asia Television របស់ហុងកុងនៅចុងឆ្នាំ១៩៩០ ទាំងដែល Jackie Chan មានលោកស្រី Joan Lin ជាតារាសម្តែងហុងកុងជាប្រពន្ធ ដែលបានរៀបការនៅឆ្នាំ ១៩៨២ និងមានកូនប្រុសម្នាក់ឈ្មោះថា Jaycee Chan ដែលបច្ចុប្បន្នក៏ជាតារាសម្តែងផងដែរ។
នៅក្នុងឆ្នាំ ២០១៧ Etta Ng បានចាកចេញទៅរស់នៅជាមួយប្រពន្ធរបស់ខ្លួន (ស្រីស្រឡាញ់ភេទដូចគ្នា) គឺនាង Andi Autumn នៅប្រទេសកាណាដា។ ហើយទំនាក់ទំនងរបស់លោក Jackie Chan និងកូនស្រីត្រូវបានសារព័ត៌មានរាយការណ៍ថា បានកាត់ផ្តាច់តែម្តង និងបង្កជាភាពតានតឹងរវាងគ្នាផងដែរ។ ជាក់ស្តែងកន្លងមក Etta Ng ធ្លាប់បាននិយាយថា នាងមិនដែលប្រាថ្នាចង់ជួបឪពុករបស់នាងឡើយ៕ (ដកស្រង់ចេញពី The Star និង South China Morning Post)
ចែករំលែកព័តមាននេះ