រូបអតីតកំពូលតារាសម្តែងតៃវ៉ាន់៤ដួង កំពុងក្លាយជាការវែកញែកលើបណ្តាញសង្គម
តៃវ៉ាន់ ៖ អំឡុងទសវត្សឆ្នាំ ៦០ និង ៧០ គឺជាយុគសម័យមាសនៃវិស័យភាពយន្តរបស់តៃវ៉ាន់ ហើយនា
តៃវ៉ាន់ ៖ អំឡុងទសវត្សឆ្នាំ ៦០ និង ៧០ គឺជាយុគសម័យមាសនៃវិស័យភាពយន្តរបស់តៃវ៉ាន់ ហើយនា
តៃវ៉ាន់ ៖ អំឡុងទសវត្សឆ្នាំ ៦០ និង ៧០ គឺជាយុគសម័យមាសនៃវិស័យភាពយន្តរបស់តៃវ៉ាន់ ហើយនាយុគសម័យនោះ បានបង្កើតឱ្យមានតារាសម្តែងដ៏ល្បីល្បាញរាប់មិនអស់កក្រើកប្រចាំតំបន់ផងដែរ។
ថ្វីត្បិតតែកំពូលតារាសម្តែងជាច្រើនបានចូលនិវត្តន៍ពីវិស័យមួយនេះក៏ពិតមែន ប៉ុន្តែកំពូលតារាសម្តែងទាំងនោះ នៅតែដក់ជាប់ក្នុងការចងចាំរបស់អ្នកគាំទ្រយ៉ាងពេញចិត្តជាទីបំផុត រហូតមកទល់ពេលបច្ចុប្បន្ននេះ។
ជាក់ស្តែង កាលពីថ្មីៗកន្លងទៅនេះ រូបថតអតីតកាល១សន្លឹកដ៏មានតម្លៃមិនកាត់ថ្លៃបានអំឡុងទសវត្សឆ្នាំ ៧០ នៃកំពូលតារាសម្តែងស្រី៤ដួង ដែលត្រូវបានទស្សនិកជនដាក់រហស្សនាមថា «ទេពធីតានៃវិស័យភាពយន្តតៃវ៉ាន់» ដែលក្នុងនោះរួមមានលោកស្រី Hu Yin Meng លោកស្រី Zhou Dan Wei លោកស្រី Lin Ching Hsia និងលោកស្រី Hu Huichung ដោយផ្ទុះឡើង និងត្រូវបានចែករំលែក និងមានការជជែកវែកញែកយ៉ាងខ្លាំងលើប្រព័ន្ធផ្សព្វផ្សាយ ក៏ដូចជាបណ្តាញសង្គមនៅតៃវ៉ាន់។
អ្នកគាំទ្រម្នាក់ បានចែករំលែករូបកំពូលតារាសម្តែងស្រីទាំង៤ដួង លើបណ្តាញសង្គមហ្វេសប៊ុក ដោយបានដាក់ថា «Four Beauties of Taiwan» ដោយចាត់ទុក អតីតកំពូលតារាសម្តែងទាំង៤ដួង ជាតារាដែលមានពន្លឺចែងចាំងបំផុតនៃឧស្សាហកម្មភាពយន្តតៃវ៉ាន់នាពេលនោះ។
អ្នកនិយមលេងបណ្តាញសង្គមភាគច្រើនលើកឡើងស្រដៀងគ្នាថា ស្ថិតក្នុងវ័យជាង២០ឆ្នាំ សម្រស់ស្រស់កំពូលតារាសម្តែងទាំង៤ដួងពិតជាស្រស់ស្អាតខ្លាំងណាស់។ ហើយអ្វីដែលកាន់តែភ្ញាក់ផ្អើលជាងនេះទៅទៀត គឺរូបនោះមិនត្រូវបានគេកែឡើងវិញឡើយ។ ដែលបង្ហាញសម្រស់ស្រស់ស្អាតពីធម្មជាតិពិតៗតែម្តង ខណៈតារាសព្វថ្ងៃនេះ ប្រហែលជាមិនអាចប្រជែងសម្រស់របស់ពួកគាត់បានទេ។
មតិជាច្រើនលើកឡើងផ្សេងៗពីគ្នាថា «គ្រប់គ្នាមើលទៅស្អាតណាស់… ហើយរូបថតនេះមិនត្រូវបានកែឡើងវិញទេ»។ មតិខ្លះទៀតថា «អ្នកគ្រប់គ្នាមានភាពទាក់ទាញ និងស្រស់ស្អាតបែបធម្មជាតិរៀងៗខ្លួននាពេលនោះ ខណៈតារាសព្វថ្ងៃបានធ្វើរឿងច្រើនពេកហើយ សម្រាប់ភាពស្រស់ស្អាតរបស់ពួកគេ»។
ក្នុងចំណោមកំពូលតារាសម្តែងស្រី៤ដួង ដែលមានក្នុងរូបខាងលើ លោកស្រី Lin Ching Hsia អាយុ ៦៧ឆ្នាំ ត្រូវបានគេជឿថាមានប្រជាប្រិយភាពខ្លាំងជាងគេ។ ដោយលោកស្រីបាសម្តែងក្នុងខ្សែភាពយន្តជាង១០០រឿង ក្នុងអាជីពអស់រយៈពេល ៤ទសវត្ស ហើយត្រូវបានគេស្គាល់យ៉ាងច្បាស់សម្រាប់តួនាទីដ៏ល្អបំផុតរបស់គាត់ក្នុងខ្សែភាពយន្តវាយប្រហារ Wuxia Swordsman II នៅក្នុងឆ្នាំ១៩៩២។
លោកស្រីបានចូលនិវត្តន៍នៅក្នុងឆ្នាំ ១៩៩៤ បន្ទាប់ពីរៀបការជាមួយមហាសេដ្ឋីហុងកុងគឺលោក Michael Ying ដោយមានចំណងដៃកូនស្រី២នាក់គឺ Eileen អាយុ ២៦ឆ្នាំ និង Melani អាយុ ២១ឆ្នាំ។
ក្រោយមកមានការសរសើរ ក៏ដូចជាចង្អុលបង្ហាញអំពីអ្នកស្នងតំណែងរបស់លោកស្រី Lin Ching Hsia គឺលោកស្រី Huichung ដែលជាតារាដ៏ល្បីល្បាញបំផុតមួយនៅអំឡុងទសវត្សឆ្នាំ ៨០ ដោយបានបង្ហាញខ្លួននៅក្នុងខ្សែភាពយន្ដល្បីៗជាច្រើន ក្នុងនោះរួមទាំងរឿង Your Smiling Face ឆ្នាំ ១៩៧៩, My Lucky Stars ឆ្នាំ ១៩៨៥ និង The Inspector Wears Skirts ឆ្នាំ ១៩៨៨ ផងដែរ។
ស្ត្រីវ័យ ៦៤ឆ្នាំរូបនេះ បានបាត់បង់ការចាប់អារម្មណ៍នៅចុងទសវត្សឆ្នាំ ៩០ បន្ទាប់ពីបានរៀបការជាមួយអ្នកជំនួញហុងកុងគឺលោក Patrick Ho ដោយមានកូនស្រីម្នាក់ឈ្មោះ Audrey Ho អាយុ ២២ឆ្នាំ ដែលកំពុងដើរតាមគន្លងម្តាយរបស់នាង ដើម្បីក្លាយជាតារាសម្តែងម្នាក់។
លោកស្រី Zhou Dan Wei អាយុ ៦៥ឆ្នាំ បានចាប់ផ្តើមអាជីពសិល្បះដំបូងក្នុងនាមជាតារាបង្ហាញម៉ូត ហើយត្រូវបានគេស្គាល់ថាជា Supermodel ដំបូងរបស់តៃវ៉ាន់។ ក្រោយមកលោកស្រីទទួលបានការសរសើរតាមរយៈការសម្ដែងក្នុងរឿង The Glory Of The Sunset ឆ្នាំ ១៩៧៧ និងរឿង Tragedy of Love ឆ្នាំ ១៩៧៩។
ស្ថិតក្នុងវ័យ៣៥ឆ្នាំនៃអាជីពដ៏កំពូលរបស់ខ្លួន លោកស្រី Dan Wei បានរៀបការជាមួយអ្នកជំនួញគឺលោក Xiao Junlang ។ ប៉ុន្តែក្រោយមកគាត់បានកើតជំងឺមហារីកសុដន់ ហើយអាពាហ៍ពិពាហ៍ឈានដល់ការបែកបាក់គ្នា។ លោកស្រីបានផ្លាស់ទៅរស់ក្រៅប្រទេស បន្ទាប់ពីលែងលះគ្នានៅឆ្នាំ ២០១៤។
ដោយឡែក លោកស្រី Hu Yin Meng បានផ្តើមអាជីពនៅក្នុងឆ្នាំ ១៩៧៥ ទទួលបានការកោតសរសើរតែម្តង បន្ទាប់ពីបានសម្ដែងក្នុងរឿង The Life God ជាមួយលោកស្រី Ching Hsia។
ស្ត្រីវ័យ ៦៩ឆ្នាំរូបនេះ បានបង្ហាញខ្លួននៅក្នុងខ្សែភាពយន្តចំនួន ៤២រឿងក្នុងអាជីពអស់រយៈពេល ១៥ឆ្នាំ។ ខណៈស្ថិតនៅអាយុ ៣៥ឆ្នាំ លោកស្រីបានចូលនិវត្តន៍ពីអាជីពការសម្តែង ដើម្បីផ្តោតលើការសរសេរសៀវភៅ៕ (ដកស្រង់ចេញពី 8days)
ចែករំលែកព័តមាននេះ