ប្រុសស្រីប្រមាណ2,000នាក់ចុះចាប់ត្រីនៅត្រពាំងក្រំជាប្រពៃណី
ខេត្តត្បូងឃ្មុំ ៖ ប្រជាពលរដ្ឋក្មេងចាស់ប្រុសស្រីរាប់ពាន់នាក់ បាននាំគ្នាចុះចាប់ត្រីក្នុងតំបន់រមណីយដ្ឋានត្រពាំងក្រំ ក្នុងឃុំជាំក្រវៀន ស្រុកមេមត់
ខេត្តត្បូងឃ្មុំ ៖ ប្រជាពលរដ្ឋក្មេងចាស់ប្រុសស្រីរាប់ពាន់នាក់ បាននាំគ្នាចុះចាប់ត្រីក្នុងតំបន់រមណីយដ្ឋានត្រពាំងក្រំ ក្នុងឃុំជាំក្រវៀន ស្រុកមេមត់
ខេត្តត្បូងឃ្មុំ ៖ ប្រជាពលរដ្ឋក្មេងចាស់ប្រុសស្រីរាប់ពាន់នាក់ បាននាំគ្នាចុះចាប់ត្រីក្នុងតំបន់រមណីយដ្ឋានត្រពាំងក្រំ ក្នុងឃុំជាំក្រវៀន ស្រុកមេមត់ ចំនួន៣ថ្ងៃមកហើយគឺថ្ងៃទី១៧-១៨-១៩ មីនា ដែលជាប្រពៃណីខ្មែរមានតាំងពីដូនតាមកម្ល៉េះ។ មកដល់សព្វថ្ងៃអ្នកភូមិ ក៏នៅតែនាំគ្នារក្សាទំនៀមទម្លាប់នេះ និងកំពុងក្លាយជាការចាប់អារម្មណ៍ពីមហាជន ហើយស្ថាប័នជំនាញក៏កំពុងតែធ្វើការអភិរក្សផងដែរ ។
លោក កង ចន្ធីរិទ្ធ ប្រធានមន្ទីរវប្បធម៌ និងវិចិត្រសិល្បៈខេត្ត បានប្រាប់ឱ្យដឹងថា គ្រាន់តែប្រជាពលរដ្ឋមកពីគ្រប់ទិសទីមិនតិចជាង២,០០០នាក់នោះទេបាននាំគ្នាចុះចាប់ត្រីក្នុងត្រពាំងក្រំ មានឈ្នាង អង្រុត និងថ្នងកៀរត្រីដែលម្នាក់ៗប្រកបដោយទឹកមុខសប្បាយរីករាយនិងឮសូរសំលេងហោកញ្ជៀវថែមទៀតផងក្នុងនោះមានអ្នកខ្លះបានតិច និងខ្លះបានច្រើនទៅតាមលាភសំណាងរបស់ខ្លួន។ លោកប្រធានមន្ទីរវប្បធម៌ខេត្ត បានប្រាប់បន្តថា មុននឹងចុះចាប់ត្រីនគឺប្រជាពលរដ្ឋនៅឃុំជាំងក្រវៀន និងឃុំជាំ បានណាត់គ្នាមុន១សប្តាហ៍ បន្ទាប់មកក៏បានស្រុះគ្នាមានរហូតដល់ទៅរាប់ពាន់នាក់ ចុះមកចាប់ត្រីមានអ្នកខ្លះចុះក្នុងទឹក និងខ្លះទៀតនៅលើគោកចាំទទួលត្រីពីអ្នកចាប់ ។
ប្រពៃណីចាប់ត្រីនេះមានតាំងពីដូនតាមកម្ល៉េះ ក្នុងសម័យនោះនៅពេលណាដែលគេចាប់ត្រីបានច្រើនជាលក្ខណៈសហគមន៍គឺត្រូវចែកដល់ចាស់ៗដែលនៅឯផ្ទះ និងអ្នកកូនខ្ចី ហើយសល់ប៉ុន្មានអាំងចែកគ្នាហូបយ៉ាងសប្បាយ ។ តែមកដល់សព្វថ្ងៃនេះប្រជាពលរដ្ឋ ដែលនេសាទបានត្រីនាំគ្នាអាំងហូប និងចាក់ចម្រៀងស្តាប់រាំលេងសប្បាយអឺងកងថែមទៀត ។
ប្រធានមន្ទីរវប្បធម៌ និងវិចិត្រសិល្បៈខេត្តបានបញ្ជាក់ថា តាមការស្រាវជ្រាវដឹងថា ភូមិមូលត្រូវបានប្រជាពលរដ្ឋនាំគ្នាលើកដីចាក់ដែលមានអង្កត់ផ្ចិតពី២៥០ម៉ែត្រទៅ៣០០ម៉ែត្រ និងបានជីកទំនប់នៅជុំវិញ ដែលមានអាយុកាលប្រហែល៣,០០០ឆ្នាំមកហើយ ក្រោយមកតំបន់នោះក៏បានក្លាយជាបឹងដ៏ធំសម្បូរទៅដោយមច្ឆជាតិគ្រប់ប្រភេទ ។
ឆ្លងកាត់ពីមួយជំនាន់ទៅមួយជំនាន់ ប្រជាពលរដ្ឋនៅក្នុងតំបន់ខាងលើនៅតែរក្សាប្រពៃណីនេះបន្តរហូតដល់សព្វថ្ងៃគឺប្រពៃណីចាប់ត្រី ដែលក្នុង១ឆ្នាំអ្នកភូមិបានណាត់គ្នាម្តង ដើម្បីចុះចាប់ត្រីនោះ រូបលោកសូមកោតសរសើរដែលមនុស្សពីមួយជំនាន់ទៅមួយជំនាន់ចេះនាំគ្នារក្សាទំនៀមទម្លាប់នេះ ៕
ចែករំលែកព័តមាននេះ