បុរសម្នាក់អះអាងថាគាត់ជាឪពុកម៉ាដុក
រាជធានីភ្នំពេញ ៖ តារាហូលីវូដលោកស្រីអេនចេលីណា ជោលី ត្រូវបានប្រជាពលរដ្ឋខ្មែរគ្រប់រូបបានស្គាល់យ៉ាងច្បាស់ និងតែងបង្ហាញមនោសញ្ចេតនា
រាជធានីភ្នំពេញ ៖ តារាហូលីវូដលោកស្រីអេនចេលីណា ជោលី ត្រូវបានប្រជាពលរដ្ឋខ្មែរគ្រប់រូបបានស្គាល់យ៉ាងច្បាស់ និងតែងបង្ហាញមនោសញ្ចេតនា
រាជធានីភ្នំពេញ ៖ តារាហូលីវូដលោកស្រីអេនចេលីណា ជោលី ត្រូវបានប្រជាពលរដ្ឋខ្មែរគ្រប់រូបបានស្គាល់យ៉ាងច្បាស់ និងតែងបង្ហាញមនោសញ្ចេតនា ស្រឡាញ់តារារូបនេះគ្រប់ៗគ្នាដោយសារតែតារាហូលីវូដរង្វាន់អូស្ការរូបនេះបានក្លាយជាម្តាយចិញ្ចឹមកូនខ្មែរម្នាក់គឺម៉ាដុក ដែលពេលនេះមានអាយុ១៥ឆ្នាំហើយ និងកំពុងពេញទៅដោយអនាគតរុងរឿងផងដែរ ។
អ្វីដែលគួរឱ្យមានភ្ញាក់ផ្អើលនោះ មានគេហទំព័រក្នុងស្រុកមួយចំនួន ពិសេស Khmer5 News បានចុះផ្សាយព័ត៌មាន គួរឱ្យចាប់អារម្មណ៍មួយជាប្រភពទទួលបានពីកាសែតមានមូលដ្ឋាននៅទីក្រុងឡុងដ៍ឈ្មោះ The Sun បានចុះផ្សាយថា បុរសម្នាក់បានចេញមុខប្រកាសថា ខ្លួនជាឪពុករបស់ម៉ាដុក ដែលកាលពីថ្ងៃ១៩ មីនា បានអះអាងប្រាប់កាសែតបរទេសនេះទៀតថា ខ្ញុំគឺជាឪពុក ឯម៉ាដុកគឺជាកូនរបស់ខ្ញុំ ។
បុរសរូបនេះឈ្មោះ មុត សារ៉ាត់ អាយុ៥១ឆ្នាំ បាននិយាយថា គាត់ត្រូវតែមានសិទ្ធិស្របច្បាប់ក្នុងការគ្រប់គ្រងម៉ាដុក ដែលជាកូនច្បងក្នុងចំណោមកូនចិញ្ចឹមរបស់លោកស្រី អេនចេលីណា ជោលី (Angelina Jolie) ។ តាមប្រភពនេះថា បុគ្គលិកអង្គការសប្បុរសធម៌ក្នុងស្រុកមួយ បានរៀបចំឯកសារផ្លូវការមួយ ដើម្បីសុំសិទ្ធិជាឪពុកគ្រប់គ្រងលើMaddox ជាកូនចិញ្ចឹមច្បងរបស់ Angelina Jolie ។ តែត្រូវបានបរាជ័យក្នុងការសុំសិទ្ធិគ្រប់គ្រងកូន ពីតារាហូលីវូដអ្នកស្រី Angelina Jolie ។ លោក មុត សារ៉ាត់ ត្រូវបានThe Sun ដកស្រង់សម្តីថា ខ្ញុំនឹងសប្បាយចិត្តប្រសិនបើកម្ពុជា មិនឃើញនាងជោលីមកម្ដងទៀត ។
លោក មុត សារ៉ាត់ (Mounth Sarath) បានបង្ហាញប្រាប់សារព័ត៌មាន The Sun កាលពីថ្ងៃ ១៩ មីនា ពីសំណុំឯកសារសុំសិទ្ធិចិញ្ចឹមម៉ាដុក (Maddox) នៅសាលាដំបូងខេត្តបាត់ដំបង កាលពីខែសីហា ឆ្នាំ២០០៣ គឺស្នើឱ្យតុលាការសំរេចថាគាត់ជាឪពុករបស់ម៉ាដុក ។ គាត់បន្តថា នៅក្នុងសំណុំឯកសារនោះម៉ាដុក នៅតែជាកូនប្រុសរបស់ខ្ញុំ តែនាងមិនដែលប្រាប់រឿងនេះទៅម៉ាដុក ទេ ។ អ្នកស្រី Angelina Jolie និងប្ដីមុនរបស់គាត់គឺលោក Billy Bod Thornton បានយកម៉ាដុក ធ្វើជាកូនចិញ្ចឹមតាំងពីឆ្នាំ២០០៣ ។
នាងធ្លាប់ធ្វើដំណើរទៅកម្ពុជា ដើម្បីបញ្ជាក់ថាម៉ាដុកគ្មានម្តាយបង្កើតដែលនៅរស់ទេ ។ ពេលនោះសហរដ្ឋអាមេរិក បានអនុវត្តច្បាប់យ៉ាងតឹងរឹងលើការសុំកូនយកទៅចិញ្ចឹម ពីប្រទេសកម្ពុជា ដោយប្រយ័ត្នប្រយែងលើការជួញដូរមនុស្ស ។ តាមព័ត៌មានថា លោក មុត សារ៉ាត់ ធ្លាប់បានជួបលោកស្រី Angelina Jolie តាមរយៈការងារសប្បុរសធម៌ ហើយលោកស្រីបាននិយាយថា នាងបានប្ដូរឈ្មោះកូនចិញ្ចឹម តែរឿងមួយដែលខ្ញុំគួរនិយាយគឺម៉ាដុកជាកូនរបស់ខ្ញុំ ។
វាគ្មានអ្វីរំខានដល់លោកស្រី Angelin Jolie ឬលោក Thornton អតីតប្តីឱ្យប្រុងប្រយ័ត្នលើសកម្មភាពរបស់លោក មុត សារ៉ាត់ នោះទេ ។ មានការកត់សម្គាល់ថា លោកស្រីAgelina Jolie គឺជាបេសកជនពិសេសរបស់អង្គការសហប្រជា ជាតិបានដក់ចិត្តស្រលាញ់កម្ពុជា ពេលដែលលោកស្រីបានមកថតខ្សែភាពយន្តដែលមានចំណងជើងថា Tom Raider ដែលដឹកនាំដោយលោក Lara Croft កាលពីឆ្នាំ២០០១ ។ តារាហូលីវូដរូបនេះបានលែងលះជាមួយអតីតប្ដីគឺលោក Brad Pitt កាលពីខែកញ្ញា ឆ្នាំ២០១៦ ។
លោកស្រីមានកូន៦នាក់ដូចជា ៖ Maddox ដែលមានអាយុ១៥ឆ្នាំ, Pax Thien អាយុ១៣ឆ្នាំ, Zahara អាយុ១២ឆ្នាំ និង Shiloh អាយុ១០ឆ្នាំ ព្រមទាំងកូនភ្លោះរបស់នាងអាយុ៨ឆ្នាំ គឺ Knox និង Vivienne ។
Maddox ត្រូវបានរៀបចំឯកសារធ្វើជាកូនចិញ្ចឹមដោយភ្នាក់ងារ Lauryn Galindo ។ លោកស្រីត្រូវតុលាការសំរេចឱ្យដូរឈ្មោះបន្ទាប់ពីទទួលកូនចិញ្ចឹមបានរយៈពេល១៨ ខែ
ដោយនាងអាចដូរថ្ងៃខែឆ្នាំកំណើត នៃកូនពីប្រទេសកម្ពុជាទៅជាសហរដ្ឋអាមេរិកវិញបាន ។
Angelina បាននិយាយថា កាលពីមុននាងបានទៅកម្ពុជា ដើម្បីបញ្ជាក់ថា Maddox គ្មានម្តាយបង្កើតដែលនៅរស់ក្នុងប្រទេសកម្ពុជាទេ ។ ខ្ញុំមិនដែលប្លន់កូនពីម្តាយគេទេ ខ្ញុំអាចស្រម៉ៃបានថា តើវាគួរឱ្យភ័យរន្ធត់កំរិតណា ។
តារាហូលីវូដធ្លាប់រិះគន់តារាចម្រៀងMandonnaដែលសុំកូនចិញ្ចឹមDavid Bandaពីប្រទេសMalawi ។ វាជាប្រទេសដែលគ្មានច្បាប់ត្រឹមត្រូវ ស្ដីពីការសុំកូនយកទៅចិញ្ចឹម ។ Angelina ធ្លាប់ពិភាក្សាបញ្ហាមនុស្សធម៌ជាមួយលោកArchbishop នៅវិហារCanterbury កំឡុងពេលនាងទេសចរនៅអឺរ៉ុប ។ ខ្ញុំចូលចិត្តធ្វើអ្វីតាមច្បាប់ ខ្ញុំមិនដែលយកកូនចិញ្ចឹមពីប្រទេសណាដែលគ្មានច្បាប់ស្មុំកូនត្រឹមត្រូវនោះទេ ។
Angelinaធ្វើដំណើរមកសហរដ្ឋអាមេរិកវិញពីប្រទេសអង់គ្លេសកាលពីយប់ថ្ងៃ១៧ មីនា ជាមួយកូនៗទាំង៦នាក់បន្ទាប់ពីដំណើរទេសចរនៅអឺរ៉ុប ដើម្បីលើកកម្ពស់លើការងារមនុស្សធម៌ ៕
ចែករំលែកព័តមាននេះ