AFP កាលពីពេល ថ្មីៗកន្លងមកផ្សាយថា ក្រុមអ្នកវិទ្យាសាស្ត្រជនជាតិអាហ្សង់ទីន និងប្រេស៊ីលប្រចាំសារមន្ទីរវិទ្យាសាស្ត្រ«Bernardino Rivadavia» ក្រុងប៊ុយណូស៊ែប្រទេសអាហ្សង់ទីន ឱ្យដឹងថា រកឃើញកង្កែបបំលែងពណ៌តាមធម្មជាតិជាលើកដំបូងដោយចៃដន្យ កាលពីពេល ថ្មីៗកន្លងមក ។
អ្នកជំនាញកំពុងសិក្សាស្រាវជ្រាវពីការប្រែពណ៌របស់កង្កែប៣ពូជដែលរកឃើញទូទៅនៅអាមេរិកខាងត្បូង ។
តាមធម្មតាពណ៌របស់ស្បែកកង្កែប មានលក្ខណៈជាពណ៌ស្ករ-លឿង និងមានចំណុចក្រហម ប៉ុន្តែនៅពេលអ្នកវិទ្យាសាស្ត្រចាំងពន្លឺអ៊ុលត្រាវីយូឡេទៅលើពណ៌ស្បែករបស់វា បែរជាប្រែទៅពណ៌បៃតងថ្លាភ្លាម ។ ក្រុមអ្នកវិទ្យាសាស្ត្របានស្រាវជ្រាវពីក្រុមគំរូជាង ២០០ក្រុម ដើម្បីមានជំនឿចិត្តថា បាតុភូតដែលរកឃើញ គឺជាបាតុភូតធម្មជាតិទៅលើកង្កែប ៕
ចែករំលែកព័តមាននេះ