គួរមានទម្លាប់អ្វីខ្លះ ដើម្បីសុខភាពល្អ និងអាយុវែង
នៅតាមសួនច្បារសម្តេច ហ៊ុន សែន មានមនុស្សច្រើនឡើងៗបានមកហាត់ប្រាណ ដើម្បីសុខភាព។ ការហាត់ប្រាណជាចំណែកមួយដែលអាចជួយកាត់បន្ថយការចំណាយលើការពិនិត្យ និងព្យាបាល
នៅតាមសួនច្បារសម្តេច ហ៊ុន សែន មានមនុស្សច្រើនឡើងៗបានមកហាត់ប្រាណ ដើម្បីសុខភាព។ ការហាត់ប្រាណជាចំណែកមួយដែលអាចជួយកាត់បន្ថយការចំណាយលើការពិនិត្យ និងព្យាបាល
នៅតាមសួនច្បារសម្តេច ហ៊ុន សែន មានមនុស្សច្រើនឡើងៗបានមកហាត់ប្រាណ ដើម្បីសុខភាព។ ការហាត់ប្រាណជាចំណែកមួយដែលអាចជួយកាត់បន្ថយការចំណាយលើការពិនិត្យ និងព្យាបាលសុខភាព។ តើមានអ្វីសំខាន់ផ្សេងទៀត ដែលមនុស្សគួរប្រតិបត្តិនៅក្នុងជីវិតរស់នៅ ដើម្បីសុខភាពល្អ និងចៀសផុតពីជំងឺផ្សេងៗ?
ជីវិតប្រចាំថ្ងៃទាក់ទងផ្ទាល់នឹងសុខភាពរបស់មនុស្ស។ មនុស្សអាចបង្ការជំងឺបានតាមរយ:ការប្រកាន់យកទម្លាប់ល្អៗមួយចំនួននៅក្នុងការរស់នៅ និងធ្វើការងារ។ ក្រៅពីការហាត់ប្រាណប្រចាំថ្ងៃឱ្យបានទៀងទាត់នោះ ការបរិភោគអាហារប្រកប ដោយសុខភាពជា កត្តាមួយដែលអាចជះឥទ្ឋិពលទៅលើសុខភាពរបស់មនុស្ស។ គេមិនត្រូវបរិភោគបំពេញរសជាតិរបស់អណ្តាតនោះឡើយ។ គ្រូពេទ្យខ្លះចូលចិត្តនិយាយថា «សុខភាពរបស់អ្នក គឺជាអ្វីដែលអ្នកបរិភោគ» ដោយចង់រំលេចចេញទំនាក់ទំនងដ៏សំខាន់រវាងអាហារ និងសុខភាព។
បើសិនជាមនុស្សអាចមានពេលវេលាគ្រប់គ្រាន់សម្រាប់ហាត់ប្រាណ និងអាចគ្រប់គ្រងរបបអាហារ ដើម្បីសុខភាពហើយនោះ គេនឹងអាចកាត់បន្ថយបានច្រើនចំពោះជំងឺគ្រោះថ្នាក់ជាច្រើនដែលទាក់ទងនឹងអាហារ ព្រមទាំងទម្លាប់រស់នៅរបស់មនុស្សដូចជា ជំងឺដាច់សរសៃឈាមខួរក្បាល ជំងឺបេះដូង និងសរសៃឈាម ជំងឺទឹកនោមផ្អែម និង ជំងឺមហារីកជាដើម។
ប៉ុន្តែបន្ទាប់ពីនេះ មនុស្សក៏ត្រូវចាប់ផ្តើមគិតគូអំពីការពិនិត្យសុខភាពទៀងទាត់ផងដែរ។ ការពិនិត្យសុខភាពទៀងទាត់អាចចំណាយថវិកាតិចតួច ប៉ុន្តែវាមានប្រយោជន៍ខ្លាំងណាស់ចំពោះសុខភាព និងជីវិតរបស់មនុស្ស។ កាលបើជំងឺមួយអាចរកឃើញនៅក្នុងដំណាក់កាលដំបូងនោះ គ្រូពេទ្យនឹងមានលទ្ឋភាពកាន់តែច្រើនសម្រាប់ព្យាបាលឱ្យជាសះស្បើយ និងសង្គ្រោះជីវិត។
នៅពេលមនុស្សជ្រើសរើសយកការប្រតិបត្តិទាំងបី នៅក្នុងជីវិត គឺការហាត់ប្រាណទៀងទាត់ ការបរិភោគអាហារត្រឹមត្រូវ និងការពិនិត្យសុខភាពទៀងទាត់ ពួកគេនឹងមានសុខភាពល្អ ព្រមទាំងអាយុវែង៕
ចែករំលែកព័តមាននេះ