រាជធានីភ្នំពេញ ៖ បុរសម្នាក់បានបើករ៉ឺម៉កម៉ូតូធ្លាក់ចូលប្រឡាយទឹកស្អុយ បណ្ដាលឲ្យរ៉ឺម៉កម៉ូតូសង្កត់ជាប់អ្នកបើកកប់នៅក្នុងភក់ទឹកស្អុយស្លា.ប់យ៉ាងអាណោចអាធ័ម ហេតុការណ៍នេះកើតឡើងនៅ
រាជធានីភ្នំពេញ ៖ បុរសម្នាក់បានបើករ៉ឺម៉កម៉ូតូធ្លាក់ចូលប្រឡាយទឹកស្អុយ បណ្ដាលឲ្យរ៉ឺម៉កម៉ូតូសង្កត់ជាប់អ្នកបើកកប់នៅក្នុងភក់ទឹកស្អុយស្លាប់យ៉ាងអាណោចអាធ័ម ហេតុការណ៍នេះកើតឡើងនៅវេលាម៉ោង១០និង៣៥នាទីយប់ ថ្ងៃទី១៩ ខែមីនា ឆ្នាំ២០១៧ នៅចំណុចស្ពានថ្មច្រកចូលកន្លែងចាក់សំរាម ផ្លូវ២១៧ ភូមិរលួស សង្កាត់ជើងឯក ខណ្ឌដង្កោ។
ជនរងគ្រោះមានឈ្មោះ ឯម យាំ ភេទប្រុស អាយុ៤៦ឆ្នាំ មុខរបររត់រ៉ឺម៉កម៉ូតូ ស្នាក់នៅផ្ទះលេខ១៩ ផ្លូវ៥០៨ ភូមិ៥ សង្កាត់ផ្សារដើមថ្កូវ ខណ្ឌចំការមន មានស្រុកកំណើតនៅភូមិត្រពាំង ឃុំញ ស្រុកកំពង់រោទិ៍ ខេត្តស្វាយរៀង ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុគេឃើញជនរងគ្រោះបើករ៉ឺម៉កម៉ូតូពណ៌ក្រហម ពាក់ស្លាកលេខ ភ្នំពេញ 1AM 6251 បានធ្វើដំណើរតាមផ្លូវ ២១៧ ទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុ ដោយសារផ្លូវងងឹត ហើយផ្លូវកំពុងតែស្ថាបនាឈូសរីកធំជាងស្ពាន ព្រមទាំងអត់មានដាក់ស្លាកសញ្ញាទៀត ធ្វើឱ្យអ្នកបើកមើលផ្លូវមិនច្បាស់ក៏ជ្រុលធ្លាក់ចូលទៅក្នុងប្រឡាយទឹកស្អុយ បណ្ដាលឲ្យរ៉ឺម៉កម៉ូតូសង្កត់ពីលើអ្នកបើកកប់នៅក្នុងភក់ទឹកស្អុយ ។
ភ្លាមៗនោះអ្នកដែលឃើញហេតុការណ៍បាននាំគ្នាជួយទាញរ៉ឺម៉កម៉ូតូ ដើម្បីជួយសង្គ្រោះដែរ ប៉ុន្តែចាប់ទាញរ៉ឺម៉កមិនរួច ក៏បានផ្តល់ដំណឹងទៅដល់សមត្ថកិច្ចឱ្យចុះមកមើល រួចហើយបានហៅរថយន្តមកអូសយករ៉ឺម៉កម៉ូតូឡើងមកលើគោវិញក ដើម្បីជួយលើកមនុស្សមកដាក់លើគោកវិញ ប៉ុន្តែជាអកុសលជនរងគ្រោះបានដាច់ខ្យល់ស្លាប់បាត់ទៅហើយ ។
ក្រោយពេលកើតហេតុ សពជនរងគ្រោះត្រូវយកតម្កល់ទុកនៅវត្តទឹកថ្លា ដើម្បីស្វែងរកសាច់ញាតិ ចំណែករ៉ឺម៉កម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌដង្កោ ៕
ចែករំលែកព័តមាននេះ