តើប្រទេសណាអាចនឹងត្រូវរងគ្រោះប្រសិនបើលោក Trump កាត់ប្រាក់ជំនួយ ?
សហរដ្ឋអាមេរិក ៖ លោកប្រធានាធិបតី Donald Trump ពិតជាធ្វើតាមពាក្យសម្តីរបស់ខ្លួន ក្នុងការទុកសហរដ្ឋអាមេរិកសំខាន់ជាងគេ ដោយបានកាត់បន្ថយប្រាក់ជំនួយបរទេស ។
សហរដ្ឋអាមេរិក ៖ លោកប្រធានាធិបតី Donald Trump ពិតជាធ្វើតាមពាក្យសម្តីរបស់ខ្លួន ក្នុងការទុកសហរដ្ឋអាមេរិកសំខាន់ជាងគេ ដោយបានកាត់បន្ថយប្រាក់ជំនួយបរទេស ។
សហរដ្ឋអាមេរិក ៖ លោកប្រធានាធិបតី Donald Trump ពិតជាធ្វើតាមពាក្យសម្តីរបស់ខ្លួន ក្នុងការទុកសហរដ្ឋអាមេរិកសំខាន់ជាងគេ ដោយបានកាត់បន្ថយប្រាក់ជំនួយបរទេស ។
ក្នុងសំណើថវិកាឆ្នាំ២០១៨ របស់រដ្ឋាភិបាល បានស្នើឲ្យកាត់បន្ថយយ៉ាងខ្លាំងនូវប្រាក់ឧបត្ថម្ភបរទេសដូចជា ការកាត់បន្ថយ២៨,៥%នៃថវិកាបើធៀបនឹងឆ្នាំ២០១៦ សម្រាប់កម្មវិធីអន្តរជាតិ រួមទាំងក្រសួងការបរទេស និងភ្នាក់ងារអភិវឌ្ឍន៍អន្តរជាតិរបស់សហរដ្ឋអាមេរិកផងដែរ ។
គួរបញ្ជាក់ថា យោងតាមសេចក្តីរាយការណ៍ពីសេវាកម្មស្រាវជ្រាវរបស់សភា ចេញផ្សាយកាលពីខែមិថុនា ឲ្យដឹងថា ក្នុងឆ្នាំ២០១៥ សហរដ្ឋអាមេរិកបានផ្តល់ជំនួយសរុបប្រមាណ៤៩ប៊ីលានដុល្លារទៅកាន់ប្រទេសប្រមាណ១៤៤ ដើម្បីជួយដល់ផ្នែកជាច្រើនដូចជា ការអភិវឌ្ឍសេដ្ឋកិច្ច សុខាភិបាល និងប្រឆាំងភេរវកម្មជាដើម ។ ប្រទេសទទួលបានប្រាក់ជំនួយច្រើនជាងគេគឺ អាហ្វហ្គានីស្ថាន, អីុស្រាអែល, អីុរ៉ាក់, អេហ្ស៊ីប និង Jordan ដែលបង្ហាញឲ្យឃើញពីការខិតខំប្រឹងប្រែងប្រឆាំងនឹងភេរវកម្ម និងអត្ថប្រយោជន៍ផ្នែកយុទ្ធសាស្ត្ររបស់អាមេរិកនៅមជ្ឈិមបូព៌ា ។
ប្រទេសចំនួន៩ក្នុងចំណោម១០ ដែលទទួលបានប្រាក់ជំនួយច្រើនជាងគេ គឺប្រទេសក្នុងតំបន់អនុសាហារ៉ាអាហ្វ្រិក ប៉ុន្តែការបែងចែកប្រាក់ជំនួយត្រូវបានផ្លាស់ប្តូរក្នុងរយៈពេលប៉ុន្មានទសវត្សរ៍ថ្មីៗនេះ ដើម្បីឆ្លើយតបនឹងការផ្លាស់ប្តូរអត្ថប្រយោជន៍គោលនយោបាយបរទេសរបស់អាមេរិក និងការផ្លាស់ប្តូរតម្រូវការជំនួយពីប្រទេសទូទាំងសកលលោក ។
ខណៈប្រទេសក្នុងមជ្ឈិមបូព៌ា និងអាហ្វ្រិកខាងជើងនៅរក្សាទទួលបានយ៉ាងតិច៣០%នៃប្រាក់ជំនួយរបស់សហរដ្ឋអាមេរិក ចំណែករបស់ប្រទេសក្នុងអាហ្វ្រិកបានកើនឡើងគុណនឹង៣ ពី១១%ក្នុងឆ្នាំ១៩៩៥ មក៣២%ក្នុងឆ្នាំ២០១៥។ នេះបង្ហាញពីការកើនឡើងនៃតម្រូវការកម្មវិធីជំងឺអេដស៍ក្នុងតំបន់ ។ ប៉ែកខាងត្បូងនៃតំបន់អាស៊ីកណ្តាល ក៏បានទទួលជំនួយកើនឡើងផងដែរ ភាគច្រើនព្រោះតែប្រាក់ជំនួយទៅកាន់ប្រទេសអាហ្វហ្គានីស្ថាន និងប៉ាគីស្ថាន ។ ជាមួយគ្នានេះ ជំនួយទៅកាន់អឺរ៉ុប និងអឺរ៉ាស៊ីបានធ្លាក់ចុះ ។
សំណើខាងលើឲ្យដឹងថា ថវិកានេះបង្វែរជំនួយសេដ្ឋកិច្ច និងអភិវឌ្ឍន៍សាជាថ្មីទៅកាន់ប្រទេសមានសារសំខាន់ផ្នែកយុទ្ធសាស្ត្រជាងគេសម្រាប់អាមេរិក ប៉ុន្តែមិនបានប្រាប់លម្អិតពីឈ្មោះប្រទេស ឬតំបន់ណាមួយឡើយ ។ សំណើនេះ ក៏ចង់កាត់បន្ថយថវិកាសម្រាប់អង្គការសហប្រជាជាតិ និងធនាគារពិភពលោកផងដែរ ខណៈរក្សាធនធានគ្រប់គ្រាន់សម្រាប់កម្មវិធីផ្តល់វ៉ាក់សាំងដល់ក្មេងៗ និងប្រឆាំងនឹងជំងឺមួយចំនួន ។ រាល់គម្រោងណាមួយនឹងនៅតែទទួលបានការអនុញ្ញាតដោយសភាជាតិជាមុនសិន ។
ប៉ុន្តែលោក Mick Mulvaney នាយកផ្នែកថវិការបស់រដ្ឋាភិបាល បានប្រាប់អ្នកកាសែតកាលពីថ្ងៃព្រហស្បតិ៍ថា លោក Trump បានឈ្នះឆ្នោតព្រោះតែការសន្យារបស់លោក ក្នុងការកាត់បន្ថយប្រាក់ចំណាយអន្តរជាតិ ។ លោកនិយាយថា ៖ « លោកប្រធានាធិបតីបាននិយាយយ៉ាងច្បាស់ជាច្រើនដងថា នឹងចំណាយតិចជាងមុនសម្រាប់ប្រជាជននៅឯបរទេស ហើយចំណាយច្រើនជាងមុនសម្រាប់ប្រជាជនក្នុងប្រទេស ។ នេះគឺជាអ្វីដែលពួកយើងកំពុងតែធ្វើ » ៕
ចែករំលែកព័តមាននេះ