The Rock ថានឹងមិនឈរឈ្មោះប្រជែងតំណែងប្រធានាធិបតីឡើយ ទោះមានការជំរុញខ្លាំង
អាមេរិក ៖ ខណៈប្រជាជនអាមេរិកជាច្រើនសង្ឃឹមថា លោក Dwayne Johnson ដែលគ្រប់គ្នាស្គាល់
អាមេរិក ៖ ខណៈប្រជាជនអាមេរិកជាច្រើនសង្ឃឹមថា លោក Dwayne Johnson ដែលគ្រប់គ្នាស្គាល់
អាមេរិក ៖ ខណៈប្រជាជនអាមេរិកជាច្រើនសង្ឃឹមថា លោក Dwayne Johnson ដែលគ្រប់គ្នាស្គាល់យ៉ាងច្បាស់ថា «The Rock» អាចជាថ្មដ៏មានសក្តានុពលសម្រាប់តំណែងជាប្រធានាធិបតីសហរដ្ឋអាមេរិកយ៉ាងណាក៏ដោយ។ ប៉ុន្តែផ្ទុយទៅវិញ តារាសម្តែង និងជាអ្នកជំនួញដ៏ល្បីល្បាញរូបនេះ បានប្រកាសថា លោកគ្មានគម្រោងឈរឈ្មោះប្រជែងតំណែងប្រធានាធិបតីនោះទេ ដោយគ្រាន់តែចង់ក្លាយជាឪពុកដ៏ល្អសម្រាប់កូនៗរបស់គាត់តែប៉ុណ្ណោះ។
ថ្លែងនៅក្នុងបទសម្ភាសន៍មួយ ដែលបានចាក់ផ្សាយក្នុងកម្មវិធីព័ត៌មានប្រចាំសប្តាហ៍ CBS News Sunday Morning បុរសវ័យ៥០ឆ្នាំ ដែលជាឪពុកកូនស្រីចំនួន៣នាក់រូបនេះ បាននិយាយថា ការឈរឈ្មោះជាប្រធានាធិបតីគ្មានឡើយសម្រាប់លោក។
អតីតអ្នកកីឡាកាសអាមេរិកដ៏ល្បីល្បាញប្រចាំស្ថាប័ន WWE រូបនេះ បានធ្វើការកត់សម្គាល់ដល់គ្រប់គ្នាយ៉ាងដូច្នេះថា «ខ្ញុំស្រឡាញ់ប្រទេសរបស់យើង និងអ្នករាល់គ្នានៅក្នុងនោះ។ ប៉ុន្តែខ្ញុំក៏ចូលចិត្តធ្វើជាឪពុកដ៏ល្អផងដែរ។ ហើយនោះជារឿងសំខាន់បំផុតសម្រាប់ខ្ញុំ។ ដែលជាលេខ១ ជាពិសេសក្នុងអំឡុងពេលនេះ គឺជាពេលវេលាដ៏សំខាន់ក្នុងជីវិតកូនស្រីទាំងអស់របស់ខ្ញុំ»។
កូនស្រីច្បងរបស់ The Rock មានឈ្មោះថា Simone ដែលជាចំណងដៃជាមួយនឹងអតីតភរិយាគឺលោកស្រី Dany Garcia បច្ចុប្បន្នមានអាយុ ២១ឆ្នាំហើយ។ ហើយតារាសម្តែងហូលីវូដសាច់ដុំធំៗកម្ពស់ ១.៩៦ម៉ែត្រដ៏ល្បីល្បាញរូបនេះ ក៏មានកូនស្រី២នាក់ផ្សេងទៀតគឺ Jasmine អាយុ៦ឆ្នាំ និង Tiana អាយុ៤ឆ្នាំ ដែលជាចំណងដៃជាមួយភរិយាបច្ចុប្បន្នគឺលោកស្រី Lauren Hashian ដែលជាតារាចម្រៀង។
The Rock បានបន្ថែមថា គាត់ដឹងយ៉ាងច្បាស់ថា ក្នុងនាមជាប្រធានាធិបតីមួយរូប គឺត្រូវដើរនៅលើផ្លូវដ៏រវល់ខ្លាំងបំផុត ដែលអាចធ្វើរូបគាត់នឹងត្រូវអវត្តមានក្នុងនាមជាប្តី និងឪពុកអស់ពេលជាច្រើនឆ្នាំ។
គួររំលឹកថា កាលពីខែមេសា ឆ្នាំ ២០២១ រឿងដ៏ភ្ញាក់ផ្អើលមួយបានកើតឡើង ជាមួយនិងការកោតសរសើរនៅទូទាំងពិភពលោក បន្ទាប់ពីការស្ទង់មតិវេទិកាការយល់ដឹងសម្រាប់អ្នកប្រើប្រាស់ Piplsay បានរកឃើញថា ៥៨% នៃប្រជាជនអាមេរិកចង់ឃើញ The Rock ក្លាយជាប្រធានាធិបតីបន្ទាប់របស់សហរដ្ឋអាមេរិក។ ហើយនៅក្នុងការស្ទង់មតិដូចគ្នា ៥៨% បាននិយាយថា ពួកគេនឹងគាំទ្រតារាសម្តែងរូបនេះ នៅក្នុងការបោះឆ្នោតជ្រើសរើសប្រធានាធិបតី៕ (ដកស្រង់ចេញពី CNN និង The Straits Times)
ចែករំលែកព័តមាននេះ