ពិធីបូជាសព ឥស្សរជនជាន់ខ្ពស់អញ្ជើញជូនដំណើរវិញ្ញាណក្ខន្ធសម្តេចវិបុលបញ្ញា សុខ អាន
រាជធានីភ្នំពេញ ៖ ទីបំផុតនៅវេលាម៉ោង៩ព្រឹកថ្ងៃទី១៩ មីនា សម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ
រាជធានីភ្នំពេញ ៖ ទីបំផុតនៅវេលាម៉ោង៩ព្រឹកថ្ងៃទី១៩ មីនា សម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ
រាជធានីភ្នំពេញ ៖ ទីបំផុតនៅវេលាម៉ោង៩ព្រឹកថ្ងៃទី១៩ មីនា សម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ បានប្រទានភ្លើងបូជាសពសម្ដេចវិបុលបញ្ញា សុខ អាន តាមបវេណីប្រកបដោយមហាកិត្ដិយសដ៏ខ្ពង់ខ្ពស់នៅទីលានឈាបនដ្ឋាន មុខវត្ដបទុមវតី បន្ទាប់ពីសពត្រូវបានរំកិលចេញពីភូមិគ្រឹះ ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ ។
នៅក្នុងពិធីបូជាសពនាថ្ងៃអាទិត្យ គេបានសង្កេតឃើញមានការចូលរួមពីប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន សម្ដេចកិត្ដិព្រឹទ្ធបណ្ឌិតជាភរិយា សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចពញាចក្រី ហេង សំរិន ប្រធានរដ្ឋសភា ព្រមទាំងវត្ដមានសមាជិកព្រឹទ្ធសភា សមាជិករដ្ឋសភា សមាជិករាជរដ្ឋាភិបាល កងកម្លាំងប្រដាប់អាវុធទាំង៣ប្រភេទ មន្ត្រីរាជការគ្រប់ជាន់ថ្នាក់ច្រើនពាន់នាក់ ។
ក្នុងពិធីនេះដែរ ក៏មានការកត់សម្គាល់ពីភ្ញៀវដែលបានចូលរួមមាន លោកអនុប្រធានាធិបតីឥណ្ឌូណេស៊ី និងភរិយា លោកឧបនាយករដ្ឋមន្ដ្រីថៃ ។ នៅក្នុងពិធីបូជាសពសម្ដេចវិបុលបញ្ញា សុខ អាន នេះ សម្ដេចវិបុលសេនាភក្ដី សាយ ឈុំ បានអានវិយោគកថា និងជីវប្រវត្តិ ។
ចូលរួមក្នុងឱកាសនេះដែរ ក្រុមអ្នកតំណាងរាស្ត្រគណបក្សសង្គ្រោះជាតិ ដឹកនាំដោយលោក ប៉ុល ហំម និងលោកស្រី មួរ សុខហ៊ួរ ជាអនុប្រធានគណបក្សសង្គ្រោះជាតិ បានចូលរួមគោរពវិញ្ញាក្ខន្ធសពនៅវេលាម៉ោង៧ព្រឹកថ្ងៃទី១៩ មីនា និងបានចូលរួមដង្ហែសពផងដែរ ។
លោក ប៉ុល ហំម អនុប្រធានគណបក្សសង្គ្រោះជាតិ បានបញ្ជាក់ថា ទោះបីជាគណបក្សសង្គ្រោះជាតិ និងគណបក្សប្រជាជនកម្ពុជា មានទស្សនៈនយោបាយខុសគ្នាក្តី ប៉ុន្តែការគោរពសពជាលើកចុងក្រោយ គឺជាការបង្ហាញនូវគុណធម៌ក្នុងនាមជាខ្មែរដូចគ្នា ។ ទោះជាយ៉ាងនេះក្តី លោក កឹម សុខា ដែលជាប្រធានគណបក្ស មិនបានចូលរួមនោះទេ ដោយសារតែលោកកំពុងស្ថិតនៅក្រៅប្រទេស ។
ជុំវិញការចំណាយសម្រាប់ពិធីបុណ្យសព ដែលរាជរដ្ឋាភិបាល គ្រោងចំណាយ៣០០០ លានរៀល ប្រហែល៧៥ម៉ឺនដុល្លារអាមេរិក កាលពីល្ងាចថ្ងៃទី១៨ មីនា សម្ដេចវិបុលសេនាភក្ដី សាយ ឈុំ អនុប្រធានគណបក្សប្រជាជនកម្ពុជា បានសរសេរលិខិតទៅសម្ដេចតេជោ ហ៊ុន សែន ដោយស្នើសុំបង្វែរលុយរៀបចំបុណ្យសពសម្ដេចវិបុលបញ្ញា សុខ អាន ចូលទៅក្នុងថវិការដ្ឋវិញ ហើយការចំណាយទាំងនេះ ជំនួសវិញ ដោយថវិការបស់គណបក្សប្រជាជនកម្ពុជា ។
នាយករដ្ឋមន្ដ្រីឡាវ និងលោកជំទាវ ចូលរួមពិធីបុណ្យសព
ជាមួយនឹងប្រតិភូនានាដែលអញ្ជើញជាបន្តបន្ទាប់មកគោរពវិញ្ញាណក្ខន្ធសពសម្តេចវិបុលបញ្ញា សុខ អាន នៅរសៀលថ្ងៃទី១៨ ខែមីនាឆ្នាំ២០១៧ លោកនាយករដ្ឋមន្ត្រីសាធារណរដ្ឋប្រជាធិបតីប្រជាមានិតឡាវ លោក ថងលូនស៊ីសូលីត និងលោកជំទាវ អមដំណើរដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអញ្ជើញនាំយកកំរងផ្កាមកគោរពវិញ្ញាណក្ខន្ធសពសម្តេចវិបុលបញ្ញា សុខ អាន ដោយក្តីក្តុកក្តួលស្តាយស្រណោះ ក្នុងឋានៈជាមិត្តភកិ្តនៃប្រទេសភូមិផងរបងជាមួយ ធ្លាប់ធ្វើការជាមួយនៅភូមិគ្រឹះលេខ៧០ ផ្លូវសម្តេចប៉ាន សង្កាត់បឹងរាំង ខណ្ឌដូនពេញ រាជធានីភ្នំពេញ ។
ក្នុងពេលនាំកម្រងផ្កាមកគោរពវិញ្ញាណក្ខន្ធ លោកនាយករដ្ឋមន្ត្រីឡាវ និងលោកជំទាវ មានសេចក្តីក្តុកក្តួលស្តាយស្រណោះ និងចូលរួមរំលែកមរណទុក្ខយ៉ាងក្រៀមក្រមជាមួយលោកជំទាវ អាន្នី សុខ អាន និងក្រុមគ្រួសារបុត្រាបុត្រី ក៏ដូចជាថ្នាក់ដឹកនាំនៃរាជរដ្ឋាភិបាលកម្ពុជា ដែលបានបាត់បង់នូវកុលបុត្រដ៏ឆ្នើមនៃប្រជាជាតិនិងប្រជារាស្ត្រកម្ពុជា ដែលបានចូលរួមយ៉ាងសកម្មក្នុងបុព្វហេតុជាតិ សាសនា ព្រះមហាក្សត្រ រហូតដល់ប្រទេសជាតិទទួលបាននូវស្ថិរភាព សន្តិភាព ឯកភាពជាតិ ការអភិវឌ្ឍជាតិលើគ្រប់វិស័យ ការពារលទ្ធិប្រជាធិបតេយ្យ និងមានសហប្រតិបត្តិការល្អ រក្សានូវឯកភាពជាតិ និងបូរណភាពទឹកដីសម្តេចវិបុលបញ្ញាជាអ្នកស្នេហាជាតិដ៏ល្អ ។
ជាមួយនឹងការសម្ដែងនូវការសោកស្តាយ និងចូលរួមមរណទុក្ខដ៏ក្រៀមក្រមនេះ លោកនាយករដ្ឋមន្ត្រីឡាវ បានរំលឹកជូនសម្តេចតេជោ ក៏ដូចជាក្រុមគ្រួសារនៃសពសម្តេចវិបុលបញ្ញា សុខ អាន ពីទំនាក់ទំនងដ៏ល្អដែលលោកធ្លាប់ធ្វើការដោយភាពស្និទ្ធស្នាល រាក់ទាក់ក្នុងឋានៈជាមិត្តភក្តិផង និងជាប្រទេសភូមិផងរបងជាមួយ ដែលរដ្ឋាភិបាលនៃប្រទេសទាំងពីរមានកិច្ចសហប្រតិបត្តិការល្អ ជាមួយគ្នាជាយូរលង់ណាស់មកហើយ ។
សម្តេចវិបុលបញ្ញា សុខ អាន តាមរយៈគុណសម្បត្តិដ៏ច្រើននិងគោរមងារ ដែលព្រះមហាក្សត្របានប្រទានសម្តេចវិបុលបញ្ញា ពិតជាសក្តិសមបំផុត ព្រោះសម្តេចបាននាំមកនូវស្នាដៃធំៗជាច្រើនជូនជាតិមាតុភូមិ ។ ទេពកោសល្យដ៏ប៉ិនប្រសប់ផ្នែកការទូត បាននាំឲ្យកម្ពុជាមានឈ្មោះល្បីរន្ទឺលើឆាកអន្តរជាតិ ដូចជាការដាក់បញ្ចូលប្រាសាទព្រះវិហារ និងប្រាសាទអង្គរវត្តជាសម្បត្តិបេតិកភណ្ឌពិភពលោក និងការងារលេចធ្លោជាច្រើនទៀត ដូចជាការដណ្តើមបានជោគជ័យលើរឿងក្តីប្រាសាទព្រះវិហារ ទប់ទល់ជាមួយប្រទេសជិតខាង ដែលរំលោភទន្ទ្រានលើអធិបតីកម្ពុជាជាដើម ។ សំខាន់ជាងនេះទៅទៀតនោះ សម្តេចវិបុលបញ្ញា សុខ អាន ក្នុងមួយជីវិតបានឲ្យតម្លៃខ្ពស់បំផុតលើការងារវប្បធម៌ និងលើកកិត្យានុភាពខ្មែររហូតដល់ជីវិតចុងក្រោយ ។
តំណាងរាស្ត្រមួយរូប និងមន្ត្រីជាន់ខ្ពស់គណបក្សប្រឆាំងសុំទោសវិញ្ញាណក្ខន្ធ សម្តេចវិបុលបញ្ញា
ទីបំផុត តំណាងរាស្ត្រ និងមន្ត្រីជាន់ខ្ពស់គណបក្សសង្គ្រោះជាតិ ដែលនិយាយរិះគន់ពីមរណភាព សម្តេចវិបុលបញ្ញា សុខ អាន គឺលោក លិម គិមយ៉ា និងលោក ហ៊ីង យឿន បានចេញមុខសុំទោសដល់វិញ្ញាណក្ខន្ធសម្តេច សុខ អាន ។
តំណាងរាស្ត្ររបស់គណបក្សសង្គ្រោះជាតិ លោក លិម គិមយ៉ា និងមន្ត្រីជាន់ខ្ពស់បក្សប្រឆាំងលោក ហ៊ីង យឿន បានចេញមកសុំទោសដល់វិញ្ញាណក្ខន្ធសពសម្តេចវិបុលបញ្ញា សុខ អាន ដោយយកលិខិតមកដល់ភូមិគ្រឹះតែម្តង កាលពីយប់ថ្ងៃទី១៨ មីនា ហើយក្មួយប្រុសសម្តេចវិបុលបញ្ញា សុខ អាន ឈ្មោះ សុខ ខាវ៉ាន់ ជាអ្នកទទួលនូវលិខិតសុំទោសជាសាធារណៈនេះ ។
យោងតាមលិខិតសុំទោសរបស់មន្ត្រីជាន់ខ្ពស់ទាំងពីររូបចុះផ្សាយកាលពីថ្ងៃទី១៨ មីនា មានខ្លឹមសាររួម «ខ្ញុំមានការសោកស្តាយយ៉ាងខ្លាំងចំពោះការសន្ទនារបស់ខ្ញុំតាមទូរស័ព្ទ ដែលត្រូវគេលួចថតយកមកផ្សាព្វផ្សាយជាសាធារណៈ ធ្វើឲ្យប៉ះពាក់ដល់កេរ្តិឈ្មោះ និងកិត្តិយសនៃសព ហើយនឹងធ្វើឲ្យក្រុមគ្រួសាររបស់លោកជំទាវមានការឈឺចាប់ ។
លិខិតបញ្ជាក់ «ខ្ញុំសុំលោកជំទាវ និងក្រុមគ្រួសារ មេត្តាអធ្យាស្រ័យចំពោះកំហុសឆ្គងនៃការសន្ទនារបស់ខ្ញុំ ដែលបានធ្វើឲ្យប៉ះពាល់ដល់កិត្តិយស និងសេចក្តីថ្លៃថ្នូរនៃសពសម្តេចវិបុលបញ្ញា សុខ អាន ។ ឆ្លៀតឱកាសនេះ ខ្ញុំសូមចូលរួមរំលែកទុក្ខជាមួយក្រុមគ្រួសារលោកជំទាវ ចំពោះមរណភាពរបស់សម្តេចវិបុលបញ្ញា សុខ អាន និងសូមបួងសួងឲ្យវិញ្ញាណក្ខន្ធរបស់សម្តេចទៅកាន់សុគតិភពកុំបីឃ្លៀងឃ្លាតឡើយ» ។
ការសុំទោសរបស់អ្នកតំណាងរាស្ត្រ និងមន្ត្រីជាន់ខ្ពស់គណបក្សសង្គ្រោះជាតិនេះ ក្រោយពីផេកឈ្មោះ សីហា បានធ្វើការផ្សព្វផ្សាយនិយាយរិះគន់ការទទួលមរណៈភាពសម្តេចវិបុល បញ្ញា សុខ អាន ។
ជាងនេះទៅទៀត ការចេញលិខិតសុំទោសនេះបានកើតមានឡើង បន្ទាប់ពីមានចរន្តនៃការតវ៉ាប្រឆាំងទៅលោក លឹម គិមយ៉ា និងលោក ហ៊ីង យឿន ពីសំណាក់ក្រុមនិស្សិត បញ្ញវន្តជាច្រើនដែលជាអតីតនិស្សិត និងនិស្សិតធ្លាប់បានទទួលអាហាររូបករណ៍សម្ដេចឧបនាយករដ្ឋមន្តី សុខ អាន បានចេញសេចក្តីថ្លែងការណ៍ និងញត្តិថ្កោលទោសចំពោះអ្នកទាំងពីរ ដែលបានប្រមាថចំពោះសម្ដេចឧបនាយករដ្ឋមន្ត្រី សុខ អាន ដែលជាអ្នកមានគុណរបស់ពួកគេ ជាមួយនឹងការព្រមានដឹកនាំធ្វើបាតុកម្មទ្រង់ទ្រាយធំទៀតផង ។
ការធ្វើខុស និងហ៊ានសុំទោសជាសាធារណៈ គឺជាគំរូល្អមួយ ដែលថ្នាក់ដឹកនាំបក្សសង្គ្រោះជាតិ និងមន្ត្រីខិលខូចមួយចំនួនក្នុងបក្សសង្គ្រោះជាតិ គួររៀនសូត្រតាម ។
គួរបញ្ជាក់ថា ផេកសីហា បានបញ្ចេញនូវសំឡេងឆ្លើយឆ្លងគ្នារវាងលោក លឹម គីមយ៉ា តំណាងរាស្ត្របក្សសង្គ្រោះជាតិ ជាមួយលោក ហ៊ី យឿន អគ្គលេខាធិការរងព្រឹទ្ធសភា ជូនបងប្អូនជនរួមជាតិបានដឹង ។
ផេកសីហា បញ្ជាក់ថា «ក្នុងនាមជាខ្មែរដែលគោរពព្រះពុទ្ធសាសនា គឺក្នុងពេលមានពិធីបុណ្យកាន់ទុក្ខដ៏ក្រៀមក្រំរបស់ក្រុមគ្រួសារអ្នកណាម្នាក់ មិនថាអ្នកដែលទទួលមរណៈភាពនោះជាអ្នកនយោបាយ ឬបុគ្គលសាមញ្ញទេ ផេក សីហា យើងខ្ញុំគិតថា មិនគួរលោក លឹម គីមយ៉ា ប្រើប្រាស់ពាក្យសម្តីដ៏សែនថោកទាប អសីលធម៌ និងអសុរោះយ៉ាងដូច្នេះទេ ។
នាំយកធាតុទៅបាចក្នុងទន្លេចតុមុខ
ធាតុសម្តេចវិបុលបញ្ញា សុខ អាន ត្រូវបានក្រុមគ្រួសារនាំយកទៅបាចក្នុងទន្លេមុខព្រះបរមរាជវាំងនៅវេលារសៀលថ្ងៃដដែល ដើម្បីនាំមកនូវភាពត្រជាក់ត្រជំ ៕
ចែករំលែកព័តមាននេះ