រាជធានីភ្នំពេញ ៖ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) បានចេញប្រកាសព័ត៌មានស្ដីពីលទ្ធផល នៃកិច្ចប្រជុំត្រួតពិនិត្យជំហានដំបូង នៃការអនុវត្តយុទ្ធនាការប្រយុទ្ធ ប្រឆាំងគ្រប់ទម្រង់ នៃអំពើជួញដូរមនុស្ស និងយុទ្ធនាការបង្ក្រាបល្បែ.ងស៊ីសងខុសច្បាប់គ្រប់ប្រភេទ ព្រមទាំងយុទ្ធនាការត្រួតពិនិត្យជនបរទេស និងហត្ថពលកម្មបរទេស គិតចាប់ពីថ្ងៃទី១៨ ខែសីហា ដល់ថ្ងៃទី០៤ ខែតុលា ឆ្នាំ២០២២ ដែលក្នុងនោះ លទ្ធផលដំបូង នៃការអនុវត្តយុទ្ធនាការប្រយុទ្ធ ប្រឆាំងគ្រប់ទម្រង់ នៃអំពើជួញដូរមនុស្ស និងយុទ្ធនាការបង្ក្រាបល្បែ.ងស៊ីសងខុសច្បាប់គ្រប់ប្រភេទនៅកម្ពុជា បានរកឃើញថា ក្នុងរយៈពេល ៥១ថ្ងៃកន្លងទៅ គណៈបញ្ជាការឯកភាពរដ្ឋបាលគ្រប់ថ្នាក់ និងកងកម្លាំងមានសមត្ថកិច្ចនានា បានបើកប្រតិបត្តិការត្រួតពិនិត្យទីតាំងមានការសង្ស័យប្រព្រឹត្តល្បែ.ងស៊ីសងខុសច្បាប់គ្រប់ប្រភេទ ចំនួន ៩,៦២២ទីតាំង ក្នុងនោះ បានរកឃើញ និងអនុវត្តវិធានការច្បាប់ ចំនួន១១៦ទីតាំង និងលើបុគ្គលចំនួន២៥៣នាក់ ព្រមទាំងបានកសាងសំណុំរឿងបញ្ជូនទៅតុលាការ ដើម្បីអនុវត្តនីតិវិធីបន្ត។
ក្រៅពីអនុវត្តវិធានការច្បាប់ អាជ្ញាធរ និងកងកម្លាំងមានសមត្ថកិច្ចនានា បានចុះធ្វើការ ផ្សព្វផ្សាយច្បាប់ស្តីពីការបង្ក្រាបល្បែ.ងស៊ីសងនៅតាមមូលដ្ឋានភូមិ-ឃុំ-សង្កាត់, ការផ្សព្វផ្សាយ អំពីផលប៉ះពាល់នៃល្បែ.ងស៊ីសងខុសច្បាប់, ការបន្តតាមដានទីតាំងដែលធ្លាប់ប្រព្រឹត្តល្បែ.ង ស៊ីសង, ការបន្តស្រាវជ្រាវរកទីតាំងដែលនៅតែបន្តប្រព្រឹត្តល្បែ.ងស៊ីសង និងការបន្តក្ដាប់មុខ សញ្ញាបើកល្បែ.ង និងលេងល្បែ.ងស៊ីសងខុសច្បាប់។
ប្រកាសព័ត៌មានចុះថ្ងៃទី៧ ខែតុលាដដែល បានឱ្យដឹងបន្តថា ពាក់ព័ន្ធការប្រយុទ្ធប្រឆាំងគ្រប់ទម្រង់នៃអំពើជួញដូរមនុស្ស គឺក្នុងរយៈពេល៥១ថ្ងៃកន្លងមកនេះ ក្រុមការងារបានស្រាវជ្រាវលើបណ្តឹងដែលអះអាងថា ជាករណីរងគ្រោះដោយអំពើជួញដូរមនុស្សចំនួន ៤២០ករណី ។ ផ្អែកលើបណ្តឹងទាំងនេះ សមត្ថកិច្ចបានបើកប្រតិបត្តិការស្រាវជ្រាវ និងស៊ើបបញ្ជាក់ ដោយបានរកឃើញ ២២៩ករណី មានការពាក់ព័ន្ធនឹងបទល្មើសផ្សេងៗ ក្នុងនោះ ១១៨នាក់ (០៥សញ្ញាតិ) ជាជនរងគ្រោះនៃបទល្មើសដូចជា ការបង្ខាំងជំរិតទារប្រាក់ ការធ្វើទារុណក.ម្ម អំពើជួញដូរមនុស្ស សញ្ចារកម្ម ល្បែ.ងអនឡាញខុសច្បាប់ ជាដើម។
ទន្ទឹមនេះ សមត្ថកិច្ចបានឃាត់ខ្លួនជនសង្ស័យចំនួន៦៧នាក់ (ជនជាតិខ្មែរ និងជនបរទេស) និងកសាងសំណុំរឿងបញ្ជូនជនរគុណ។ ទន្ទឹមនឹងនេះ កិច្ចប្រតិបត្តិការក៏បានរកឃើញក្រុមហ៊ុនចំនួន០៩ មានទីតាំងស្ថិតនៅក្នុងខេត្តព្រះសីហនុ ដែលសង្ស័យពាក់ព័ន្ធបទល្មើស និងបានសម្រេចបិទតាំងទាំងស្រុងចំនួន០៥ក្រុមហ៊ុន និងផ្អាកអាជីវកម្មបណ្ដោះអាសន្នចំនួន០៤ក្រុមហ៊ុន ដើម្បីនិតិវិធីស្រាវជ្រាវ និងស៊ើបអង្កេតបន្ថែម។
ប្រភពដដែលបានឱ្យដឹងបន្តថា អំពីការត្រួតពិនិត្យជទបរទេស និងអធិការកិច្ចហត្ថពលកម្មបរទេស គឺក្រុមការងារបានសហការចុះត្រួតពិនិត្យជនបរទេសនៅលើទីតាំងចំនួន១០ ក្នុងខេត្ត ព្រះសីហនុ មានជនបរទេសសរុបចំនួន ២,៧៦០នាក់ មាន១៤សញ្ជាតិ ក្នុងនោះ ៖ ១- ជនបរទេសមានលិខិតឆ្លងដែនត្រឹមត្រូវ ចំនួន ១,៩៤៦នាក់ គ្មានប័ណ្ណការងារ ចំនួន ១,៥១២នាក់ ព្រមទាំងបានផាកពិន័យ និងធ្វើការអប់រំ មុននឹងអនុញ្ញាតឱ្យចាកចេញពីទីតាំងក្រុមហ៊ុន ។ ២- បានរៀបចំបែបបទបណ្តេញចេញ ចំនួន ៦៨៥នាក់ មាន ១០សញ្ជាតិ និងកំពុងស្នាក់នៅក្នុងទីស្នាក់ការត្រៀមបណ្ដេញចេញ ចំនួន ៩២០នាក់ មាន ២៣សញ្ជាតិ។
ទន្ទឹមនឹងនេះ ក្រុមការងារបានចុះធ្វើអធិការកិច្ចហត្ថពលកម្មបរទេសលើគោលដៅចំនួន ១៦ មានពលករបរទេស ចំនួន ២,២៥៤នាក់ (ស្រី ៣៣៤នាក់) ក្នុងនោះ គ្មានប័ណ្ណការងារ ១,៥៦៣នាក់ មាន១១សញ្ជតិ និងបានធ្វើការផាកពិន័យតាមច្បាប់ជាធរមាន ។
ផ្អែកលើសមិទ្ធផលដែលសម្រេចបានក្នុងរយៈពេល៥១ថ្ងៃកន្លងមក ជាពិសេសនៅក្នុងរយៈពេល១០ថ្ងៃចុងក្រោយនេះ បានធ្វើឱ្យចំនួនពាក្យបណ្តឹងដែលសមត្ថកិច្ចបានទទួលមាន ចំនួនតិចតួចប៉ុណ្ណោះ បើប្រៀបធៀបនឹងរយៈពេលនៃការចាប់ផ្ដើម។
សូមបញ្ជាក់ថា ប្រកាសព័ត៌មានស្ដីពីលទ្ធផល នៃកិច្ចប្រជុំត្រួតពិនិត្យជំហានដំបូង នៃការអនុវត្តយុទ្ធនាការប្រយុទ្ធប្រឆាំងគ្រប់ទម្រង់ នៃអំពើជួញដូរមនុស្ស និងយុទ្ធនាការបង្ក្រាបល្បែ.ងស៊ីសងខុសច្បាប់គ្រប់ប្រភេទ ព្រមទាំងយុទ្ធនាការត្រួតពិនិត្យជនបរទេស និងហត្ថពលកម្មបរទេស ត្រូវបានចេញផ្សាយ ក្រោយកិច្ចប្រជុំនាព្រឹកថ្ងៃទី០៧ ខែតុលា ឆ្នាំ២០២២ នាទីស្តីការក្រសួងមហាផ្ទៃ ក្រោមអធិបតីភាព សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហា និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស។ ការរសម្រេចបានលទ្ធផល ជាវិជ្ជមាននេះ សម្តេចក្រឡាហោម ស ខេង បានថ្លែងអំណរគុណចំពោះសធារណជនជាតិ-អន្តរជាតិ ដែលបានចូលរួមផ្ដល់ព័ត៌មានផ្សេងៗ ដែលរួមចំណែកដល់ការមុខប្រតិបត្តិការរបស់អាជ្ញាធរមានសមត្ថកិច្ចលើកិច្ចការសំខាន់ៗខាងលើនេះ៕
ចែករំលែកព័តមាននេះ