ពួកបះបោរលីប៊ីនិយាយថា បានវាយរុញច្រានកាលពីថ្ងៃទី៥ មីនា នូវការវាយប្រហារ២លើករបស់កងកម្លាំងលោកមូអាម៉ា កាដាហ្វី លើទីក្រុង ZAOUÏAH ចម្ងាយ៥០គីឡូម៉ែត្រ ខាងលិចទីក្រុងទ្រីប៉ូលី ចំណែកពួកឧទ្ទាមវិញ បានលើកគ្នាពីទិសខាងកើតរុលឆ្ពោះទៅកាន់ទីក្រុងកំណើតរបស់លោកកាដាហ្វី គឺទីក្រុង SYRTE។ រដ្ឋធានីគឺជាទិសដៅរបស់ពួកឧទ្ទាមដែលកាលពីថ្ងៃទី៤ មីនា កន្លងមកនេះ បានវាយដណ្តើមត្រួតត្រាទីក្រុងកំពង់ផែ RAS LANOUF និងទីតាំងប្រេងកាតសំខាន់របស់ក្រុងនេះ ។ ពួកឧទ្ទាមក៏និយាយដែរថា បានដណ្តើមយកទីក្រុង BEN DJAOUAD ចម្ងាយ៥២៥គីឡូម៉ែត្រ ខាងកើតក្រុងទ្រីប៉ូលី ហើយលើកគ្នាសំដៅទីក្រុង SYRTE ជាទីក្រុងកំណើតលោកកាដាហ្វី ។
រថក្រោះទាំងឡាយរបស់កងកម្លាំងលោកកាដាហ្វី បានលុកលុយចូលទីក្រុង ZAWI-YAH ។ ទីក្រុងនេះត្រូវឡោមព័ទ្ធហើយយោងតាមគ្រូពេទ្យម្នាក់នៃទីក្រុងនោះថា ពួកឧទ្ទាមនៅកាន់កាប់ភាគកណ្តាលក្រុង ។ ពួកទាហានស៊ីឈ្នួលបានបាញ់ប្រហារលើពួកអ្នកដែលហ៊ានចេញក្រៅផ្ទះ មានមនុស្សស្លាប់យ៉ាងច្រើនក្នុងក្រុងនេះ ។
នៅក្រុងបេនហ្គាហ្ស៊ី ជាទីតាំងធំរបស់ពួកបះបោរ ហើយជាទីក្រុងធំទី២របស់ប្រទេសមនុស្សយ៉ាងតិច២៧នាក់ស្លាប់ និងជាច្រើនសិបនាក់ទៀត ត្រូវរបួស ក្នុងការផ្ទុះ២ ដែលពុំទាន់ដឹកពីប្រភពក្នុងកន្លែងស្តុកអាវុធ ។
ពួកបះបោរអះអាងថា បានបាញ់ធ្លាក់យន្តហោះមួយគ្រឿងរបស់កងកម្លាំងដែលស្មោះត្រង់នឹងលោកកាដាហ្វី នៅជិតទីក្រុង RAS LANOUF ភាគខាងកើតប្រទេស ហើយសម្លាប់អ្នកបើក២នាក់ ។
ក្រុមប្រឹក្សាជាតិ ដែលបង្កើតឡើងដោយពួកបះបោរនៅលីប៊ី ប្រកាសថា ខ្លួនគឺជាសំណាងតែមួយគត់របស់លីប៊ី ក្រោយពីកិច្ចប្រជុំលើកដំបូង នៅទីក្រុងបេនហ្គាហ្ស៊ី ៕
ចែករំលែកព័តមាននេះ