បែកធ្លាយ! កីឡាការិនីលំដាប់ Grade A ម្នាក់ ជ្រែកស្នេហ៍ប្តីប្រពន្ធកំពូលតារាល្បី Rain
កូរ៉េខាងត្បូង ៖ ពាក្យចចាមអារ៉ាមការលួចលាក់មានទាក់ទងស្រីខាងក្រៅរបស់កំពូលតារាចម្រៀង
កូរ៉េខាងត្បូង ៖ ពាក្យចចាមអារ៉ាមការលួចលាក់មានទាក់ទងស្រីខាងក្រៅរបស់កំពូលតារាចម្រៀង
កូរ៉េខាងត្បូង ៖ ពាក្យចចាមអារ៉ាមការលួ.ចលា.ក់ទាក់ទងស្រីខាងក្រៅរបស់កំពូលតារាចម្រៀងខេប៉ុប (K-pop) លោក Jung Ji-hoon ដែលគ្រប់គ្នាស្គាល់យ៉ាងច្បាស់ថា «Rain» ក្ប.ត់ភរិយាគឺអ្នកនាង Kim Tae-hee ដែលជាកំពូលតារាសម្តែងលំដាប់ជួរមុខរបស់កូរ៉េខាងត្បូង កំពុងក្លាយជាប្រធានបទដ៏ក្តៅគគុកបំផុតមួយនៅក្នុងប្រទេសអាស៊ីខាងកើតមួយនេះ។
កាលពីដើមសប្តាហ៍នេះ ពាក្យចចាមអារ៉ាមអំពីលោក Rain លួចមានស្រីខាងក្រៅលាក់បាំងប្រពន្ធត្រូវបានបោះពុម្ពផ្សាយដោយទស្សនាវដ្តី «Woman Sense» ដ៏ល្បីល្បាញរបស់កូរ៉េខាងត្បូង។ ដោយបានចុះផ្សាយថា Rain ដែលត្រូវបានស្គាល់ថាជាតារាលំដាប់កំពូលទាំងការច្រៀង រាំ សម្តែង រួមនិងទេពកោសល្យផ្សេងៗទៀត កំពុងបោកប្រាស់ប្រពន្ធរបស់លោក ដោយលួចទាក់ទងជាមួយនឹងកីឡាការិនីវាយកូនហ្គោលអាជីពកម្រិត A ម្នាក់ ដែលមិនត្រូវបានបញ្ចេញឈ្មោះ។ លើសពីនេះទៅទៀត ពាក្យចចាមអារ៉ាមបានចោទប្រកាន់ថា Rain ថែមទាំងមានផ្ទះប្រណិតដាច់ដោយឡែករស់នៅជាមួយនារីជាដៃគូលួចលាក់របស់ខ្លួន ហើយត្រូវប្រពន្ធតាមទាន់ម្តង ព្រមទាំងបានព្រមានផងដែរ។
ទោះយ៉ាងណា កាលពីថ្ងៃទី៦ ខែតុលា ម្សិលមិញនេះ ប្រភពពីសារព័ត៌មាន allkpop បានចេញផ្សាយថា ទាំងភា្នក់ងាររបស់ Rain ក៏ដូចជា Kim Tae-hee បានចេញមុខបដិសេធជាសាធារណៈជុំវិញពាក្យចចាមអារ៉ាមដ៏ហួសហេតុនេះ ដោយអះអាងថា ពាក្យចចាមអារ៉ាមដែលគួរឱ្យអស់សំណើច និងគ្មានមូលដ្ឋានច្បាស់លាស់ ហើយពួកគេនឹងចាត់វិធានការតាមផ្លូវច្បាប់យ៉ាងខ្លាំងក្លាប្រឆាំងនឹងបុគ្គលដែលបានផ្សព្វផ្សាយពាក្យចចាមអារ៉ាមចុងក្រោយនេះ។
ជាមួយពាក្យចចាមអារ៉ាមនេះ បានបង្កជាវែកញែកយ៉ាងខ្លាំងក្លាបំផុតពីសំណាក់មហាជនទាំងវិជ្ជមាន និងអវិជ្ជមាន។ ប៉ុន្តែក្នុងនោះគេសង្កេតភាគច្រើននៃពួកគេបានលើកឡើងថាសម្រាប់ Rain ហាក់ដូចជាមិនមែនជាប្រភេទមនុស្សបែបនោះទេ ហើយគេពិតស្រលាញ់គ្រួសារគេខ្លាំងណាស់។ ហើយភាគច្រើននៃអ្នកនិយមលេងបណ្តាញទំនាក់ទំនងសង្គមថែមទាំងបញ្ចេញមតិថា នេះគឺជារឿងគួរឱ្យខឹងខ្លាំងបំផុត ហើយសង្ឃឹមថាប្តីប្រពន្ធដ៏ល្បីល្បាញរបស់កូរ៉េខាងត្បូង១គូនេះ ពិតជានឹងចាត់វិធានការផ្លូវច្បាប់ប្រឆាំងនឹងទស្សនាវដ្ដីសំរាមមួយនោះ៕ (ដកស្រង់ចេញពី allkpop)
ចែករំលែកព័តមាននេះ