អ្នកទោសជិត៧០០នាក់ ស្នើសុំបន្ធូរបន្ថយទោស និងលើកលែងទោស ថ្ងៃបុណ្យអុំទូក
រាជធានីភ្នំពេញ ៖ មានអ្នកទោសជិត ៧០០នាក់ បានស្នើសុំដើម្បីលើកលែង និងបន្ធូរបន្ថយទោស នៅថ្ងៃបុណ្យអុំទូក អកអំបុក និងសំពះព្រះខែ នៅពេលខាងមុខនេះ…
រាជធានីភ្នំពេញ ៖ មានអ្នកទោសជិត ៧០០នាក់ បានស្នើសុំដើម្បីលើកលែង និងបន្ធូរបន្ថយទោស នៅថ្ងៃបុណ្យអុំទូក អកអំបុក និងសំពះព្រះខែ នៅពេលខាងមុខនេះ…
រាជធានីភ្នំពេញ ៖ មានអ្នកទោសជិត ៧០០នាក់ បានស្នើសុំដើម្បីលើកលែង និងបន្ធូរបន្ថយទោស នៅថ្ងៃបុណ្យអុំទូក អកអំបុក និងសំពះព្រះខែ នៅពេលខាងមុខនេះ ។
លោក គឹម សន្តិភាព អ្នកនាំពាក្យក្រសួងយុត្តិធម៌ បានឲ្យដឹងនៅថ្ងៃទី៦ តុលា ២០២២ថា នៅព្រឹកនេះ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការជាតិ ត្រួតពិនិត្យការបន្ធូរបន្ថយទោស និងលើកលែងទោសទណ្ឌិត បានដឹកនាំកិច្ចប្រជុំគណៈកម្មការជាតិ ពិនិត្យ និងសម្រេច លើបញ្ជីឈ្មោះទណ្ឌិត ដែលបានស្នើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យអុំទូក បណ្តែតប្រទីប និងសំពះព្រះខែ អកអំបុក និងពិធីបុណ្យឯករាជ្យជាតិ ខាងមុខនេះ ដោយគណៈកម្មការថ្នាក់ជាតិ បានទទួលសំណុំឯកសារពីបណ្តាពន្ធនាគាររាជធានី-ខេត្ត ចំនួន២០ និងមណ្ឌលអប់រំកែប្រែទាំង៤ ដែលបានស្នើសុំបន្ធូរបន្ថយទោស និងលើកលែងទោសដល់ទណ្ឌិតសរុបចំនួន ៦៨៣នាក់ (ស្រី ៦៤នាក់) ។
លោក គឹម សន្តិភាព បន្តថា អ្នកទោសដែលស្នើសុំនោះ មានស្នើសុំបន្ធូរបន្ថយទោស ចំនួន ៦២៦នាក់ (ស្រី ៥៥នាក់) និងស្នើសុំលើកលែងទោស ចំនួន៥៧នាក់ (ស្រី ០៩នាក់) ។
លោកបន្ថែមថា កិច្ចប្រជុំកិច្ចរបស់គណៈកម្មការថ្នាក់ជាតិ បានពិនិត្យបញ្ចប់ជាស្ថាពរលើបញ្ជីសរុប នៅព្រឹកថ្ងៃដដែលនេះ ហើយកំពុងបន្តរៀបចំ សំណុំឯកសារ គោរពស្នើសុំការសម្រេចរបស់សម្តេចតេជោនាយករដ្ឋមន្ត្រី ដើម្បីទូលថ្វាយព្រះមហាក្សត្រ ផ្តល់ការអនុគ្រោះទោសដល់ទណ្ឌិត តាមលទ្ធផល នៃកិច្ចប្រជុំនេះ៕
ចែករំលែកព័តមាននេះ