វៀតណាមស្នើឱ្យ Netflix លុបរឿងភាគកូរ៉េ Little Women ចេញ ដោយសារមូលហេតុម្យ៉ាង
វៀតណាម ៖ វៀតណាមបានស្នើឱ្យក្រុមហ៊ុន Netflix បញ្ឍប់ការចាក់បង្ហាញរឿងភាគកូរ៉េខាងត្បូង
វៀតណាម ៖ វៀតណាមបានស្នើឱ្យក្រុមហ៊ុន Netflix បញ្ឍប់ការចាក់បង្ហាញរឿងភាគកូរ៉េខាងត្បូងមានចំណងជើងថា Little Women នៅក្នុងប្រទេសរបស់ខ្លួន ដោយចោទប្រកាន់ថារឿងភាគនោះបានបំភ្លៃព្រឹត្តិការណ៍នៃសង្គ្រាមវៀតណាម។
នៅក្នុងវគ្គទី ៨ នៃរឿងភាគនេះដែលមាន ១២វគ្គ ទាហានជើងចាស់កូរ៉េខាងត្បូងម្នាក់បានអួតអំពីសមាមាត្រសម្លា.ប់រវាងកងទ័ពកូរ៉េខាងត្បូង និងកងទ័ពវៀតកុង (Viet Cong)។
នៅក្នុងវគ្គនោះ ទាហានជើងចាស់កូរ៉េខាងត្បូងម្នាក់បានប្រាប់តួអង្គដ៏សំខាន់ម្នាក់ថា «ក្នុងសមរភូមិដ៏ល្អបំផុតរបស់យើង សមាមាត្រនៃការសម្លា.ប់សម្រាប់ទាហានកូរ៉េខាងត្បូងគឺ ២០:១. មានន័យថា ទាហាវៀតកុង ២០នាក់ត្រូវបានសម្លា.ប់ សម្រាប់ការស្លា.ប់ទាហានកូរ៉េម្នាក់»។
ចន្លោះឆ្នាំ ១៩៦៤ និង ១៩៧៣ ទាហានកូរ៉េខាងត្បូងជាង ៣២០.០០០នាក់ត្រូវបានបញ្ជូនទៅកាន់វៀតណាមដើម្បីប្រយុទ្ធអមជាមួយទាហានអាមេរិក។
ទាហានកូរ៉េខាងត្បូងប្រឈមនឹងការចោទប្រកាន់ជាយូរមកហើយថា ពួកគេបានប្រព្រឹត្តិការសម្លា.ប់ទ្រង់ទ្រាយធំលើជនស៊ីវិលវៀតណាម។
គេមិនបានដឹងទេថាតើទាហានវៀតណាមខាងជើងប៉ុន្មាននាក់ត្រូវបានសម្លា.ប់ដោយទាហានកូរ៉េខាងត្បូងអំឡុងសង្គ្រាម។
នៅក្នុងលិខិតផ្ញើទៅកាន់ក្រុមហ៊ុន Netflix អាជ្ញាធរផ្សព្វផ្សាយ និងព័ត៌មានអេឡិចត្រូនិចរបស់វៀតណាមបាននិយាយថា រឿងភាគនោះបានបំពា.នច្បាប់ប្រឆាំងនឹងការបំភ្លៃប្រវត្តិសាស្ត្រ បដិសេធសមិទ្ធិផលបដិវត្តន៍ ប្រមាថដល់ជាតិ និងវីរបុរសជាតិ។ នេះបើយោងតាមការចុះផ្សាយរបស់កាសែតវៀតណាម Vietnamnet។
លិខិតនោះបន្ថែមថា រឿងភាគនោះបានបង្ហាញពីការសន្ទនារវាងតួអង្គដែលសរសើរឧក្រិ.ដ្ឋកម្មរបស់ទាហានស៊ីឈ្នួលកូរ៉េក្នុងអំឡុងសង្គ្រាម។
ជុំវិញសំណើររបស់វៀតណាមនេះ ក្រុមហ៊ុន Netflix មិនទាន់បានធ្វើការឆ្លើយតបភ្លាមៗនោះទេ។
សូមបញ្ជាក់ថាចាប់តាំងពីឆ្នាំ ២០២០មក Netflix បានលុបចោលរឿងភាគចំនួន ៣ពីវេបសាយរបស់ខ្លួនក្នុងប្រទេសវៀតណាម បន្ទាប់ពីទទួលបានពាក្យបណ្តឹងពីអាជ្ញាធរមូលដ្ឋានជុំវិញការចោទប្រកាន់ថា បានរំលោ.ភអធិបតេយ្យភាពរបស់វៀតណាម៕ (យោងតាមប្រភព៖ AFP)
ចែករំលែកព័តមាននេះ