Barcelona កំពុងរិះរកវិធីដើម្បីចុះហត្ថលេខានាំយក Messi ត្រឡប់មកវិញ
អេស្ប៉ាញ ៖ ក្លិបអ្នកមានបុណ្យ Barcelona កំពុងត្រួសត្រាយផ្លូវរុករកវិធីក្នុងនាំយកខ្សែប្រយុទ្ធឆ្នើម
អេស្ប៉ាញ ៖ ក្លិបអ្នកមានបុណ្យ Barcelona កំពុងត្រួសត្រាយផ្លូវរុករកវិធីក្នុងនាំយកខ្សែប្រយុទ្ធឆ្នើម
អេស្ប៉ាញ ៖ ក្លិបអ្នកមានបុណ្យ Barcelona កំពុងត្រួសត្រាយផ្លូវរុករកវិធីក្នុងនាំយកខ្សែប្រយុទ្ធឆ្នើម Lionel Messi របស់ខ្លួន ត្រឡប់មកកាន់ទឹកដី Camp Nou វិញនៅឆ្នាំក្រោយ។
Lionel Messi បានចាកចេញពីក្លិប Barcelona ទាំងរំជួលចិត្តជាមួយទឹកភ្នែកកាលពីឆ្នាំ ២០២១ ហើយចូលរួមជាមួយក្លិបអ្នកមានបារាំង PSG ដោយគ្មានតម្លៃខ្លួន (Free Transfer) បន្ទាប់ពីចំណាយពេល១៧រដូវកាល និងបង្ហាញខ្លួនជិត ៨០០ប្រកួតជាមួយក្លិបយក្សតំបន់កាតាឡាន់មួយនេះ។ ប៉ុន្តែដោយសារវិបត្តិហិរញ្ញវត្ថុរបស់ក្លិបបានរារាំងពួកគេមិនអាចផ្តល់កុងត្រាសន្យាថ្មីដល់កំពូលខ្សែប្រយុទ្ធអាហ្សង់ទីនវ័យ៣៥ឆ្នាំរូបនេះ។
ប៉ុន្តែទោះយ៉ាងណា កាលពីពេលថ្មីៗនេះ ប្រព័ន្ធផ្សព្វផ្សាយជាច្រើន ជាពិសេសពីកំពូលអ្នកកាសែតកីឡាជនជាតិអ៊ីតាលី Fabrizio Romano បានបង្ហាញថា Barca កំពុងសិក្សាអំពីលទ្ធភាពក្នុងនាំយកអតីតប្រធានក្រុមរបស់ពួកគេត្រឡប់មកកាន់ប្រទេសអេស្ប៉ាញវិញ។ ដ្បិតសាម៉ីខ្លួនផ្ទាល់ក៏ហាក់ដូចជាមិនសូវជារីករាយក្នុងការប្រកបអាជីពនៅលីគកំពូលបារាំងផងដែរ។
គេជឿថាមានភាគរយខ្ពស់សម្រាប់ Barca ក្នុងការនាំយក Messi ត្រឡប់ទៅប្រកបអាជីពនៅលីគកំពូលអេស្ប៉ាញវិញ ដោយសារក្លិបបានអះអាងរួចហើយថា ពួកគេមានលទ្ធភាពគ្រប់គ្រាន់ក្នុងការចំណាយលើម្ចាស់ពានរង្វាន់ Ballon d’Or ៧សម័យកាលរូបនេះ។ ប៉ុន្តែទោះយ៉ាងណាទំនាក់ទំនងរបស់កីឡាកររូបនេះជាមួយនឹងប្រធានក្លិប Barca លោក Joan Laporta នៅតែជាឧបសគ្គដ៏សំខាន់ក្នុងការផ្ទេរដ៏មានសក្តានុពលមួយនេះ៕ (ដកស្រង់ចេញពី 90min និង Daily Mail)
ចែករំលែកព័តមាននេះ