កម្លាំងជំនាញផែននគរបាលយុត្តិធម៌ នៃអធិការដ្ឋាននគរបាលស្រុកសាលាក្រៅ បានទទួលពាក្យបណ្ដឹងអំពីករណីរំលោ.ភសេពសន្ថវៈចំនួន០១ករណី កើតហេតុនៅបន្ទប់ជួលរបស់ជនរងគ្រោះ ស្ថិតនៅ
ខេត្តប៉ៃលិន ៖ នៅវេលាម៉ោង១១និង០០នាទីព្រឹក ថ្ងៃទី០៥ ខែតុលា ឆ្នាំ២០២២នេះ កម្លាំងជំនាញផែននគរបាលយុត្តិធម៌ នៃអធិការដ្ឋាននគរបាលស្រុកសាលាក្រៅ បានទទួលពាក្យបណ្ដឹងអំពីករណីរំលោ.ភសេពសន្ថវៈចំនួន០១ករណី កើតហេតុនៅបន្ទប់ជួលរបស់ជនរងគ្រោះ ស្ថិតនៅស្រុកសាលាក្រៅ ខេត្តប៉ៃលិន។
បើតាមប្រភពព័ត៌មានបានឱ្យដឹងទៀតថា នារីរងគ្រោះខាងលើអាយុ២១ឆ្នាំ មុខរបរបុគ្គលិកកាស៊ីណូ រស់នៅស្រុកសាលាក្រៅ ខេត្តប៉ៃលិន។ រីឯជនសង្ស័យវិញមានឈ្មោះ ផឹង រក្សា ភេទប្រុស អាយុ១៧ឆ្នាំ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ប្រភពព័ត៌មានបានឱ្យដឹងថា មុនពេលកើតហេតុ កាលពីថ្ងៃទី០១ ខែតុលា ឆ្នាំ២០២២កន្លងទៅ នារីរងគ្រោះបានជួបជុំគ្នាផឹកស៊ីនៅកន្លែងកើតហេតុខាងលើ ដោយមានគ្នាចំនួន០៧នាក់។ បន្ទាប់ពីផឹកស៊ីចប់ហើយ មិត្តរបស់នាងក៏បានត្រឡប់ទៅផ្ទះវិញរៀងៗខ្លួន ចំណែកជនសង្ស័យឈ្មោះ រក្សា ភេទប្រុស បានឌុបសង្សារបស់គេទៅធ្វើការបាត់ លុះមួយសន្ទុះក្រោយមក ជនសង្ស័យក៏បានត្រឡប់មកវិញ រួចបានចាប់អោបជនរងគ្រោះពីក្រោយ ហើយគ្រានោះជនរងគ្រោះក៏បានរុញចេញទៅ។
ប្រភពដដែលបន្តថា លុះដល់ម៉ោង១២និង៤៥នាទី ជនសង្ស័យក៏បានធ្វើសកម្មភាពចាប់រំលោ.ភរូបនាង (ជនរងគ្រោះ) រហូតបានសម្រេច ក្រោយធ្វើសកម្មភាពរួច ជនរងគ្រោះមិនបានទៅប្តឹងសមត្ថកិច្ចភ្លាមៗនោះទេ ដោយមានការខ្មាស់អៀនគេ និងទុកពេលអោយជនសង្ស័យចូលខ្លួនមកដោះស្រាយគ្នា។ ដោយសារតែជនសង្ស័យមិនទទួលស្គាល់ពីទង្វើរបស់ខ្លួន ទើបជនរងគ្រោះសម្រេចចិត្តទៅដាក់ពាក្យបណ្តឹងឱ្យចាប់ឃាត់ខ្លួនតែម្តង។
ក្រោយពីបានទទួលពាក្យបណ្តឹងរួចមក កម្លាំងជំនាញផ្នែកព្រហ្មទណ្ឌស្រុកសាលាក្រៅ សហការជាមួយកម្លាំងប៉ុស្តិ៍រដ្ឋបាលស្ទឹងកាច់ ចុះស្រាវជ្រាវ និងឃាត់ខ្លួនជនសង្ស័យយកមកសាកសួរ។ ហើយបើតាមចម្លើយសារភាពរបស់ជនសង្ស័យបានឱ្យដឹងថា «រូបគេពិតជាបានចាប់រំលោ.ភសេពសន្ថវៈទៅលើជនរងគ្រោះពិតប្រាកដមែន ដោយមូលហេតុស្រវឹងស្រាជោកជាំ»។
ពាក់ព័ន្ធនឹងបញ្ហាខាងលើនេះ បច្ចុប្បន្នជនសង្ស័យ ត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកសាលាក្រៅ ដើម្បីកសាងសំណុំរឿងចាត់ការតាមនីតិវិធីច្បាប់៕
ចែករំលែកព័តមាននេះ