ខេត្តស្ទឹងត្រែង ៖ លោកឧកញ៉ាលី ហួរ ដែលបានឈឺឆ្អាលគួរឱ្យកត់សំគាល់តាំងពីដើមទី រហូតលោកប្រកាសថា បើមន្ទីរពេទ្យខេត្តមិនមានលទ្ធភាពវះកាត់ លោកគឺជាអ្នកចំណាយទាំងស្រុងសំរាប់ការនាំស្ត្រីធំពោះមកវះកាត់នៅរាជធានីភ្នំពេញ ទោះបីជាបែបណា ការវះកាត់ទទួលបានជោគជ័យ លោកក៏សំដែងនូវការត្រេកអរជាពន្លឹកដែរ ។ លោកបានផ្តល់ថវិកាជាអំណោយដល់អ្នកស្រីភឹម នួនស៊ី ដែលស្ថិតនៅក្នុងមន្ទីរពេទ្យបង្អែកខេត្តនូវទឹកប្រាក់ចំនួន៥លានរៀល រួមជាមួយថវិកាជាអំណោយរបស់សប្បុរសជនមួយចំនួន ក៏ត្រូវបានប្រគល់ដល់ដៃនៅព្រឹកថ្ងៃទី២០ កញ្ញា ។ នេះជាអំណោយដ៏ថ្លៃថ្លាមួយឈុតទៀតជូនដល់ស្ត្រីធំពោះដែលអស់សង្ឃឹមក្នុងជីវិតទៅហើយបានទទួលការរស់រានឡើងវិញ ។
សប្បុរសជនដែលបានផ្តល់អំណោយទានផងដែរនោះមាន១-លោកណា សុវណ្ណថា និងភរិយា ម្ចាស់បៀរហ្គាឌិនពន្លឺថ្មី និងសប្បាយស្រុកយើង ជួយឧបត្ថម្ភ២០ដុល្លារ, ២-លោកសំ សាម៉ឺឌី ឧបត្ថម្ភ ២០០.០០០រៀល, ៣-លោក ម៉ៅ ហួរ ឧបត្ថម្ភ ១០០.០០០រៀល, ៤-លោកទេព បណ្ឌិត ឧបត្ថម្ភ ២០.០០០រៀល, ៥-លោករិន រចនា ឧបត្ថម្ភ ២០.០០០រៀល, ៦-លោកតឹក លី នៅអូរប្ញស្សី៣ ឧបត្ថម្ភ៥ម៉ឺនរៀល, ៧-លោកញ៉ែម មឿន និងអ្នកស្រីសែម កុសល ឧបត្ថម្ភ៤០.០០០រៀល, ៨-លោកញ៉ែម និមល ឧបត្ថម្ភ១០.០០០រៀល, ៩-លោកសាន សុវណ្ណារ៉ា ឧបត្ថម្ភ ១០.០០០រៀល, ១០-លោកហម សំរិទ្ធិ ឧបត្ថម្ភ ១០.០០០រៀល, ១១-លោកអ៊ាម ប្រា និងភរិយា ឧបត្ថម្ភ ១០.០០០រៀល, ១២-កញ្ញាហេង ណាវី ឧបត្ថម្ភ ១០.០០០រៀល, ១៣-អ្នកនាងចាន់ ពិសាល និងស្វាមី ឧបត្ថម្ភ ១០.០០០រៀល, ១៤-លោកស៊ឹម ឃីហេង ឧបត្ថម្ភ ១ដុល្លារ ។ អស់លោក លោកស្រីអ្នកនាងកញ្ញាខាងលើជាបុគ្គលិកក្រុមហ៊ុន Bright Victory Mekong Petroleum ។ ១៥-លោកគឹម ណាល់ នៅផ្សារដើមគ ឧបត្ថម្ភ២០ដុល្លារ និង១៦-លោកសុវណ្ណារី វិបុល នៅ ភ្នំពេញ ឧបត្ថម្ភ១០ម៉ឺនរៀល ។
អ្នកស្រីភឹម នួនស៊ី ក្រោយការវះកាត់ គឺអាចងើបអង្គុយបានដោយការគ្រាហ៍ពីស្វាមី អ្នកស្រី បានថ្លែងអំណរគុណដល់លោកឧកញ៉ាលី ហួរ រួមទាំងសប្បុរសជនទាំងអស់ដែលបានផ្តល់ក្តីមេត្តាករុណាដល់ក្រុមគ្រួសាររបស់គាត់ឱ្យរួចចាកផុតពីទុក្ខលំបាកវេទនានេះ ។ ជាការឆ្លើយតបចំពោះមហាគុណករុណានេះ អ្នកស្រីព្រមទាំងក្រុមគ្រួសារបានលើកម្រាមដៃដប់សំពះជូនពរជ័យដល់លោកឧកញ៉ាលី ហួរ និងលោកជំទាវជាភរិយា ព្រមទាំងសប្បុរសជនទាំងអស់ឱ្យជួបតែប្រទះសេចក្តីសុខក្សេមក្សាន្តជារៀងរហូត និងទទួលបាននូវពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ចែករំលែកព័តមាននេះ