រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានគូសបញ្ជាក់ការថា ចែកចំណេះដឹងដល់កូនៗរបស់ឪពុកម្តាយ ពិតជាមានភាពល្អប្រសើរ ជាងការផ្តល់ទ្រព្យសម្បត្តិ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានគូសបញ្ជាក់ការថា ចែកចំណេះដឹងដល់កូនៗរបស់ឪពុកម្តាយ ពិតជាមានភាពល្អប្រសើរ ជាងការផ្តល់ទ្រព្យសម្បត្តិ ជាលុយក្តី មាស ពេជ្រ ពីព្រោះថា វាមិនអាចគង់វង្សនោះទេ ។
សម្តេចតេជោ ហ៊ុន សែន បានថ្លែងក្នុងពិធីប្រគល់សញ្ញាបត្រដល់និស្សិតបញ្ចប់ការ សិក្សានៅវិទ្យាស្ថាន វណ្ណដា នាព្រឹកថ្ងៃទី៣ ខែតុលា ឆ្នាំ២០២២ យ៉ាងដូច្នេះថា ៖ «ការរៀនសូត្រ ដែលក្មួយៗ ទទួលបាន គឺវាជាទ្រព្យសម្បត្តិសម្រាប់រយៈពេលវែង មិនប្រាកដទេ!ការចែកទ្រព្យសម្បត្តិជាលុយ មាសពេជ្រក្តី មិនប្រាកដថា គង់វង្សទេ ប៉ុន្តែការចែកចំណេះជាមូលដ្ឋាន ដែលដូចពាក្យថា «កណ្តៀរមិនអាចកោរ កណ្តុរមិនអាចកាត់ និងភ្លើងឆេះមិនបាន» ។ ប៉ុន្តែប្រសិនចែកទ្រព្យសម្បត្តិ បើមានអគ្គិភ័យឆេះ ឬកលយុគ្គ កើតឡើងនោះគេ នឹងបាត់បង់អស់ ។ ផ្ទុយទៅវិញចំណេះដឹង នៅក្នុងខួរក្បាលមិនអាចអ្នកណាធ្វើចេញនោះទេ» ។
សម្តេចក៏បានលើកឡើងថា សម្តេចតែងតែធ្វើការដាស់តឿន ជាមួយអ្នកមានលទ្ធភាព ត្រូវខិតខំជំរុញឲ្យកូនរៀនតាមមធ្យោបាយណាក៏ដោយ គឺរៀនពេលនេះ មានសិស្សនិស្សិតរាប់លាននាក់ បានកំពុងធ្វើការបណ្តុះបណ្តាល ដែលសម័យមុន សិស្សដើររកសាលា តែសម័យនេះសាលាដើរសិស្សវិញម្តង ។
សម្តេចបានបន្តថា បច្ចុប្បន្នសាលារៀន ត្រូវបានរុញទៅដល់ទីជនបទ ដែលបាបផ្តល់ឱកាសសម្រាប់កុមាររៀនសូត្រ បានក្នុងនោះកុមារជាស្ត្រី ដែលឪពុកម្តាយ តែងព្រួយបារម្មណ៍ ។ សម្តេចពេលនេះ រាជរដ្ឋាភិបាលបានដាក់ចេញយុទ្ធសាស្ត្រ គឺឃុំមួយមានអនុវត្តវិទ្យាល័យមួយយ៉ាងតិច ខណៈកាលពី២០ឆ្នាំមុន បានចេញគោលនយោបាយថា ឃុំមានអនុវិទ្យាល័យតែមួយ ។
ជាមួយគ្នានោះដែរ ទោះបីជាមានយុទ្ធសាស្ត្រគោលនយោបាយយ៉ាងណាក្តី បើសិនគ្មានការបណ្តុះបណ្តាលនោះទេ ប្រទេសកម្ពុជាមិនអាចរីកចំរើននោះទេ ។ អ៊ីចឹងនៅក្នុងវិស័យធំៗ របស់កម្ពុជា ចំនួន២ អនុញ្ញាតឲ្យជ្រើសរើសបុគ្គលិកជាគ្រូបង្រៀន និងគ្រូពេទ្យ ។
សម្តេចបន្ថែមលើកឡើងថា វិស័យដែលអនុញ្ញាតបើក គឺក្រសួងអប់រំយវជន និងកីឡា និងក្រសួងសុខាភិបាល ត្រូវបានផ្តល់ឱកាសឲ្យចូលប្រឡង ៕
ចែករំលែកព័តមាននេះ