វៀតណាមរកឃើញករណីជំងឺអុតស្វាជាលើកដំបូង
វៀតណាម ៖ អាជ្ញាធរសុខាភិបាលក្រុងហូជីមិញ បានប្រកាសនៅថ្ងៃចន្ទ ទី៣ តុលានេះ ពីការរកឃើញ
វៀតណាម ៖ អាជ្ញាធរសុខាភិបាលក្រុងហូជីមិញ បានប្រកាសនៅថ្ងៃចន្ទ ទី៣ តុលានេះ ពីការរកឃើញ
វៀតណាម ៖ អាជ្ញាធរសុខាភិបាលក្រុងហូជីមិញ បានប្រកាសនៅថ្ងៃចន្ទ ទី៣ តុលានេះ ពីការរកឃើញករណីឆ្លងជំងឺអុតស្វា (monkeypox) ជាលើកដំបូងតាមរយៈការពិនិត្យសុខភាពសាធារណៈ និងបានជំរុញឱ្យភ្នាក់ងារពាក់ព័ន្ធរឹតបន្តឹងវិធានការបង្កា ដើម្បីទប់ស្កាត់ការរីករាលដាលដែលអាចកើតមានឡើង។ស
អាជ្ញាធរសុខាភិបាលមិនបានផ្តល់ព័ត៌មានលម្អិតនោះទេអំពីអ្នកជំងឺ ប៉ុន្តែតំណាងក្រសួងសុខាភិបាលនិយាយថា ខ្លួននឹងប្រកាសជាផ្លូវការនៅល្ងាចថ្ងៃចន្ទនេះ។
លោក Tang Chi Thuong ប្រធានមន្ទីរសុខាភិបាលក្រុង បានផ្តល់អនុសាសន៍ឱ្យពង្រឹកការតាមដាន បង្ការ និងរកករណីជំងឺនៅចក្រព្រំដែន និងកន្លែងពេទ្យឱ្យបានទាន់ពេលវេលា។
មន្ទីរនឹងបន្តអប់រំសាធារណៈជនអំពីជំងឺអុតស្វា ជាពិសេសពីរោគសញ្ញាដំបូង ដូច្នេះអ្នកដែលមានបញ្ហាអាចស្វែងកការព្យាបាលភ្លាមៗ។
មជ្ឍមណ្ឌលគ្រប់គ្រង និងបង្ការជំងឺទីក្រុងហូជីមិញ ក៏នឹងធ្វើការស៊ើបអង្កេតផងដែរលើអ្នកដែលមានទំនាក់ទំនងជិតស្និទជាមួយអ្នកជំងឺ និងតាមដានពួកគេ។
ក្រសួងសុខាភិបាលវៀតណាម បានណែនាំពីវិធានការដើម្បីបង្ការជំងឺអុតស្វា រួមមានខ្ទប់ច្រមុះ និងមាត់នៅពេលក្អក ឬកណ្តាស់ និងលាងដៃរបស់អ្នកឱ្យបានញឹកញាប់ជាមួយសាប៊ូ និងទឹក ឬប្រើប្រាស់ទឹកលាងដៃមានជាតិអាល់កុល៕ (យោងតាមប្រភព៖ Vietnam News)
ចែករំលែកព័តមាននេះ