រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ជនជាតិចិនប្រុសស្រីចំនួន៤នាក់បានមកសួរត.ថ្លៃតម្លៃទុរ៉េន ដើម្បីទិញចំនួន៦គីឡូក្រាម ហើយក៏បានបង្កហិ.ង្សាជាមួយអ្នកលក់ទុរ៉េន ផ្អើលដល់កម្លាំងកងរាជអាវុធហត្ថចុះមកធ្វើការអន្តរាគម៍ភ្លាមៗ កាលពីវេលាម៉ោង១០និង១៥នាទីយប់ ថ្ងៃទី០២ ខែតុលា ឆ្នាំ២០២២ តាមបណ្តោយផ្លូវមហាវិថីព្រះសីហនុ ស្ថិតនៅក្នុងសង្កាត់បឹងព្រលិត ខណ្ឌ៧មករា ។
យោងតាមប្រភពព័ត៌មានពីកន្លែងកើតហេតុ បានអោយដឹងថា គេបានឃើញជនជាតិចិនប្រុសស្រីចំនួន៤នាក់ នាំគ្នាដើរមកដល់ចំណុចកើតហេតុខាងលើ ហើយជនជាតិចិនទាំង៤នាក់នោះ ក៏បានដើរចូលទៅតូបលក់ទុរ៉េនមួយកន្លែង រួចបានសួរនាំអ្នកលក់ថា «តើទុរ៉េនមួយគីឡូប៉ុន្មាន? ពួកគេចង់ទិញ៦គីឡូក្រាម»។
ប្រភពដដែលបន្តថា ភ្លាមៗនោះ អ្នកលក់បានប្រាប់ទៅវិញថា «ទុរ៉េនក្នុង១គីឡូតម្លៃ២០០០០រៀល» បន្ទាប់មកជនជាតិចិនទាំងនោះបានសម្រេចចិត្តអោយអ្នកលក់វេចខ្ចប់ទុរ៉េន៦គីឡូ ដែលសរុបជាទឹកប្រាក់អស់ចំនួន១២០០០០រៀល តែជនជាតិចិនអោយលុយថ្លៃទុរ៉េនតែ៧០០០០រៀលមិនគ្រប់ចំនួន អ្នកលក់ក៏បានប្រាប់ថា «ខ្វះលុយ៥០០០០រៀលទៀត ទើបគ្រប់»។
ប្រភពដដែលបន្តទៀតថា ខណៈពេលនោះ ជនជាតិចិនក៏បានអោយ២០០០០រៀលបន្ថែមទៀត ហើយក៏ដើរកាន់ថង់ទុរ៉េនបម្រុងនឹងដើរចេញទៅ ហើយពេលនោះស្ត្រីជាអ្នកលក់ក៏បានរត់ទៅចាប់ទាញយកថង់ទុរ៉េនពីដៃមកវិញ ដោយសារតែអោយលុយមិនគ្រប់ចំនួន ទើបបង្កអោយកើតចេញជាជម្លោះហិ.ង្សាប្រវា.យប្រតប់គ្នាយ៉ាងខ្លាំង ធ្វើអោយមានការភ្ញាក់ផ្អើលដល់កម្លាំងកងរាជអាវុហត្ថខណ្ឌ៧មករា ចុះមកធ្វើការអន្តរាគម៍ភ្លាមផងដែរ។
ប្រភពដដែលបានបន្តថា ក្នុងហេតុការណ៍ខាងលើនេះ គេបានឃើញជនជាតិចិនប្រុសស្រីទាំង៤នាក់នាំគ្នាព្រួតវា.យស្ត្រីជាអ្នកលក់ទុរ៉េនតែម្នាក់ឯងប៉ុណ្ណោះ កុំតែបានអ្នកលក់ដូចគ្នារត់មកជួយឃាត់ទេ កុំអីរងរបួសធ្ងន់បាត់ហើយ។
បច្ចុប្បន្ន ក្រោយកើតហេតុ កម្លាំងកងរាជអាវុហត្ថបាននិយាយអោយភាគីទាំងសងខាងធ្វើការសម្របសម្រួលគ្នា ដោយភាគីខាងជនជាតិចិនបានធ្វើការសងថ្លៃជំងឺចិត្តចំនួន១៥០ដុល្លារ ទៅអោយស្ត្រីជាអ្នកលក់ទុរ៉េន ដើម្បីបញ្ចប់រឿងនៅនឹងកន្លែងកើតហេតុតែម្ដង រួចក្រុមជនជាតិចិនទាំងនោះក៏នាំគ្នាដើរទៅបាត់អស់ទៅ៕
ចែករំលែកព័តមាននេះ